تجمع للمتقدمين والمتقدمات للدراسات العليا لعام 1432 - 1433 هـ

[حبي لذاتي قمة أولوياتي ~]

المشاركة الأصلية كتبت بواسطة فتاة العصر شكلو مشهي ههههههههه بحضره باذن الله بس هو يعني معرض بس ولا فيه محاضرات او ندوات ؟؟؟

مرررررررررررره وفيه ركن إبداعي لي ماشاء اله ~

زي الأركان في البازارات بس كل ركن وإبداع معين

لامحاضرة ولاندورة ونااااسة وحلاويات وأكلات وتوزيع جوائز وغيره تعالي تشرفي والله ~

[kimora]

Size="5"]كيفكم يا حلوين .. والله لكم وحشة .. أنا ليا مدة ما دخلت على الموضوع مشاء الله مكمل 2000 رد .. بأذن الله كلها في موازين حسناتك فتاة العصر .. و إن شاء الله في موازين حسنات حبي لذاتي و طموحة و لكن .. لأنهم هما كمان ما قصرو ..


أنا عارفة أكيد يافتاة العصر أو حبي لذاتي راح تجي و تعطيني علقة مرتبة .. بس راح أسأل و أمري لله .. ما عندي غيركم .. أستحملوني كخخخخخخخخ ..


المهم انا الأن كملت أوراق و ختمت التوصيات و جبت شهادات الخبرات من الأماكن إللي كنت أشتغل فيها و عدلت السيرة الذاتية و بعدين أتعشيت و رحت نمت و صحيت ههههههههههههه سويتها سالفة ..

المهم أنا كملت أوراقي و أبغى أسويها كلها بي دي أف .. بس أبغى اعرف أيش هي الأشياء إللي أحتاج أسويها بي دي أف .. انا متذكرة قريت رد لفتاة العصر بس مو متذكرة أيش الصفحة .. إذا لسا متذكرة فتاة العصر قوليلي ..


كمان ابغى أسألكم أنا عندي من نفس برنامج الطابعة لمن أختار سكان يجيني عدة خيارات إذا كنت أبغاها ورد أو بي دي أف و فية صيغ كثير .. هل أختار على طول بي دي أف و لا أختار ورد بعدين احولها لبي دي أف ..


و فية حاجة كمان .. ياكثر حاجاتك كخخخخخخخ .. أنا السي في حقي أكثر من صفحة ينفع أسويها كلها ورا بعض و أحملها .. ولا موقع الجامعة ما يقبل الملفات إلا تكون صفحة وحدة ...


أنا أفكر أنو أفتح ملف الحين و احمل كل شي إلين ما تطلع درجة الستيب و القدرات و أكمل الباقي .. يعني أقسم الشغل شوي ؟؟ أيش رايكم و لا أستنى لمن تطلع الدرجات ... وبس .. أكيد ما صدقتوا أقول بس هههه ..


المهم حبايبي ربي يسعدكم و يكتب لكم القبول في دنياكم و آخرتكم .. آمين ...[/size]

[فتاة العصر]

أختي حبي لذاتي
باجي باذن الله ايش ورايا وعلشان خاطر عيونك وبجيب صحباتي كمان
بس قوليلي انتي اي ركن علشان اجي اسنتر عنده واتفرج على كيف كيفي
اهم شيء فيه أكل زين ولااااااااااا ؟؟؟ هههههههههه


أختي kimora
يعني غبتي غبتي ورجعتي ماشاء الله بعريضة من المطالب ههههههههه
لا والله امزح تامري باي وقت واذا قولنا شيء نعيده لأجل خاطرك ياقمر
أنا افتكرتك أكدتي الطلب ...


بالنسبة للمستندات افتحي صفحة 10 من موضوعنا بتلاقي استمارة التسجيل للماستر ( نموذج لها ) حمليها وبتلاقي فيها المستندات المطلوبة للتحميل
والأفضل لكي انك تفتحي الصفحة على الوورد الأول علشان تظبطي مقاساتها وتخليها واضحة وبعدين تحفظيها على صيغة pdf لو كان الوورد حجك 2007
وبالنسبة للسيرة الذاتية حتى لو كانت 100 صفحة حمليها عادي ولايهمك بس خليها كلها بملف واحد متعدد الصفحات
وزين مابتسوي انك تحملي وتخلصي شغلك من دحين علشان مايتراكم عليكي يصير بس يبقالك تحميل درجة القدرات وهيا بتتحمل اتوماتك ودرجة الستيب وخلاص ...
وطمنينا عنك ايش بتسوي مو تغيبي وتروحي ...



تحياتي

[kimora]

المشاركة الأصلية كتبت بواسطة فتاة العصر أختي حبي لذاتي باجي باذن الله ايش ورايا وعلشان خاطر عيونك وبجيب صحباتي كمان بس قوليلي انتي اي ركن علشان اجي اسنتر عنده واتفرج على كيف كيفي اهم شيء فيه أكل زين ولااااااااااا ؟؟؟ هههههههههه أختي kimora يعني غبتي غبتي ورجعتي ماشاء الله بعريضة من المطالب ههههههههه لا والله امزح تامري باي وقت واذا قولنا شيء نعيده لأجل خاطرك ياقمر أنا افتكرتك أكدتي الطلب ... بالنسبة للمستندات افتحي صفحة 10 من موضوعنا بتلاقي استمارة التسجيل للماستر ( نموذج لها ) حمليها وبتلاقي فيها المستندات المطلوبة للتحميل والأفضل لكي انك تفتحي الصفحة على الوورد الأول علشان تظبطي مقاساتها وتخليها واضحة وبعدين تحفظيها على صيغة pdf لو كان الوورد حجك 2007 وبالنسبة للسيرة الذاتية حتى لو كانت 100 صفحة حمليها عادي ولايهمك بس خليها كلها بملف واحد متعدد الصفحات وزين مابتسوي انك تحملي وتخلصي شغلك من دحين علشان مايتراكم عليكي يصير بس يبقالك تحميل درجة القدرات وهيا بتتحمل اتوماتك ودرجة الستيب وخلاص ... وطمنينا عنك ايش بتسوي مو تغيبي وتروحي ... تحياتي

تسلمي حياتي .. أنا كنت غايبة و بس .. أنا كنت حتى أهلي ما أشوفهم .. من الصباح دوام إلى 3 الظهر و بعد كذا عندي دورتين .. كنت حايسة .. تخيلي أجي البيت الساعة 9 أتعشى و أنام .. ما كان عندي وقت .. بس الحمد لله الحين خلصت و راح افضى للماستر أحوس فية .. بس إن شاء الله أخلص تحميل الملفات و افتح ملف و اخبرك أيش يصير معاي .. ما راح أغيب كثير .. كل يوم حتلاقيني عندك ..


و الله يافتاة العصر انا مو من النوع إللي يثق بالناس بسهولة أو أتكلم مع الناس بأريحية .. بس أنتي تدخلي القلب من أوسع أبوابة .. ربي يزيدك محبة .. قولي آمين ..

[pachi_20]

يعطيكم العافيه
بس حبيت استفسر اخر شي وصلني
((حالتك مستوفي الشروط وسيتم ارسال طلبك للكليات ))
طيب وبعدين هدا اخر شي يوصلني منهم ولا كمان استنى ايميل تاني ولا ايش اسوي

[هنوووووني]

المشاركة الأصلية كتبت بواسطة فتاة العصر أختي هنووووووني انا اعتقد والله اعلم ان الاتنين شغلهم الوظيفي كويس وبحسب توصيات الدكتور عماد الحسن ان التخصصات التربوية مجالها الوظيفي حلو خصوصا في القطاع الحكومي والدكتور عماد ماشاء الله اتخرج من قسم تقنيات تعليم من سنتين واترقي ماشاء الله في عمله بعد حصوله على الماستر وانا سالت بنات ادارة تربوية قالولي دراستها مرة حلوة بس هما اغلبهم كانوا موظفات من الاساس وخديها مني ياما ناس بيتخرجوا من اقسام مهمة جدا ومابيلاقوا وظيفة وتلاقي ناس تخصصها مكرر وبيتوظفوا المسالة مسالة نصيب لكن انتي ادخلي اللي يرتاحله قلبك وتحبيه وحاسة انك هتنجزي فيه هتلاقي الوظيفة جايتلك باذن الله وبالنسبة لقبولك بالأقسام النتيجة النهائية للأسف ماتبان الا يوم 29 - 6 يعني لازم تروحي تختبري المفاضلة وبعدين يحددوا قبولك وبعدين احمدي ربك فيه ناس عندهم بدل الاختبار الواحد اتنين او تلاتة تخيلي ،،، بالتوفيق لكي وطمنينا عنك ضروري وقوليلنا ايش قررتي ... تحياتي

ربي يسعدك ..

مشوورتكم بعد توفيق الله والاستخاره هي الاساااس اللي بامشي عليه..
واللي يكتبلي اللي فيه الخير انا نفسي بالاحياء اكثر بس ادري ماله مستقبل عشاان كذا قلت باقدم تقنيات..تعليم ..وخايفه من المستقبل الوظيفي خصوصا اني باسجل خااص يعني خسااره فلوس وجهد ..

شكلي اقدم تقنيات واحياء فيلصليه وسليمانيه وبكذا تهتني خيارات الثلاث..

والله يعين..

[فتاة العصر]

أختي kimora
ليا شرف ويسعدني من جد اني قدمت شيء يريحك وتثقي فيه وازحت عنك بعد توفيق الله ملابسات كتييير ويشرفني انك تكوني عندي كل يوم وان شاء الله كل ساعة يارب ،،،



أختي pachi_20
مبروك أولا للقبول المبدئي وعقبال القبول النهائي يارب
دحين لو ماعندك اقسام او رغبات قدمتي عليها تحتاج اختبار مفاضلة يصيري تستني اللين تاريخ 29 - 6 - 1432 علشان تظهر نتائج المقبولين الله يعين على الانتظار
لكن لو قدمتي على رغبات تحتاج اختبار مفاضلة يصير لازم تختبريهم حسب الجدول اللي نازل بموقع العمادة لان القبول مابيتم الا باختبار المفاضلة الخاص بالقسم اللي قدمتي عليه ... قوليلي ايش هيا رغباتك وانا اقولك ايش تحتاجي ياقمر ...


أختي هنوووووني
يسعدك ربي يارب ،،، ورايك صائب مية بالمية ادرسي اللي ترتاحي فيه لأنك هتنجزي فيه انا اعرف واحدة معاها ماستر بالكيمياء الحيوية وشغالة الان في الغرفة التجارية ولاتساليني كيف ،،، علشان تعرفي انها ارزاق مو بالتخصص ترى
انتي ونصيبك وطمنينا لما تاكدي الطلب ...


تحياتي

[حبي لذاتي قمة أولوياتي ~]

المشاركة الأصلية كتبت بواسطة فتاة العصر أختي حبي لذاتي باجي باذن الله ايش ورايا وعلشان خاطر عيونك وبجيب صحباتي كمان بس قوليلي انتي اي ركن علشان اجي اسنتر عنده واتفرج على كيف كيفي اهم شيء فيه أكل زين ولااااااااااا ؟؟؟ هههههههههه تحياتي

يوه يوه بجد الله يحييك يارب راح يكون فيه لوحة كبيرة مكتوب عائلتك أجمل مع رشة سكر !

تشرفيني والله ولي الفخر اعرفك ~
فيه حلاويات وهدايا ولايهمك راح نجيب حركات لخاطر قلبك

[فتاة العصر]

تسلمي يارب وانا والله نفسي اشوفك
باذن الله باجي
وتسلمي على الحركات ههههه

موفقة يارب

[العنود...]

السلام عليكم
بنات الله يجزاكن خير اللي دخلت اختبار قدرات تقولي ايش افضل كتاب
ويكون ملم بأسئلة الإختبارأو قريب منها
أنا تشتت ذهنيآ الكتب كثيره وكل مين ينصحني بكتاب
انا حابه اخذ خبرة اللي اختبر تقولي ايش الكتاب اللي اطلع عليه