معآنآآآآآآآآتي في الإنجليزي ... :(

[دلع واسلوبها ولع]

رح اقلك شي قالتي لي ميس سحر باول ترم لي Think In English
يعني عشان تحسني لغتك و تصيري بلبل استعملي اللغه بكل شي حتى لمن تفكري فكري بالانقليش
انا كنت اكتب مذكراتي بالانقليش مو بالضروره تكتبي قصه حياتك
خديلك دفتر و كل ماتلاقي و قت فراغ اكتبي اللي برأسك ,أفكارك, احلامك او اللي صار معك باليوم حتى لو عبارات سمعتيها و اعجبتك حتى لو من الافلام
و نقطه تانيه حاولي تتكلمي انجليزي مع اللي حوليك
و أهم نقطه القراءه لانو القراءه تعرفك ع فوكابلري جديده مو بالضروره روايات حتى لو مقالات او شورت ستوري و ياكثرها المواقع واذا تبين ارسلك المواقع اللي كنت ادخل عليها

&

Last but not least Be Fearless

[كلي امل بالله]

ماودي ابدا ازيد على هالنصايح

صراحه انا دخلت عشان اساعدك والردود خلتني استفيييييييييد جدا واسكت

مشكووووووور اخويgke صراحه كلام من ذهب

وفيه بعد شي مهم اذا تبغي تتكلمي بلبل -- اسمعي.. اسمعي..اسمعي.. حاولي تحملي صوتيات بالانجليزي حطيها بالام بي- او بالجوال وخليها باذنك وحاولي ترددي معاه-- خليه ع الاقل ساعتين باليوم-- نصيحه نصيحه نصيحه وانا مجربه
وبالتوفيييييييق ياعسل

[الصريحه]

الله يوفقنا جميع. ,,نصائح من ذهب.,,
وانا بعطيك هذا الموضوع من عندنا في المنتدى .,,
اقرأي قصه قصتين وابدأي من الصغار الصراحه مرره بسيطه
بس اعتبريها زي التسخين خخخخ

http://www.skaau.com/vb/showthread.php?t=226788

[شاهندة]

جزاكم لله خير على كل معلومة كتبتوها من القلب بصراحة استفدت اساليب جديدة وازددت اقتناعا باساليب معروفة.
اضف على كلامكم..كتابة قطع مواضيع انقلش يعني زي ماكنا نسوي ايام الابتدائي في المطالعة او مادة القراءة اختاري مواضيع متشعبة او مواضيع في مجال تحبيه واكتبي كل يوم او من يوم ليوم جزء من الموضوع او الموضوع كاملا على حسب قدرتك ووقتك وراح تلاقي نتيجه طيبة ان شالله انا اسوي كذا بس مش دايم وكمان ماكون مركزه مجرد اني اشغل وقتي ومع الوقت حسيت اني اتغيرت الى حد ما يعني كتابتي الاملائية.. الكلمات.. اساليب تعبيرية او جمل جديدة..يعني حسيت اني سرت اكثر تمكننا ^_^ ولسع مازلت باول الطريق ومع الوقت ان شالله I gonna be very perfect

[رغد محمد]

وعليكم السلام ورحمة الله وبركاته ...

ماشاء الله تبارك الله الأخوان والأخوات ماقصروا معاكِ وقالوا أشياء كانت جديدة علي واستفدت منها والله ..

شوفي ياقلبي ...

علشان تحسني نفسك ِ لازم إنتِ أولاً في داخلكِ تبين تتغيرين وهذا الشي إنتِ سويته وكلنا شهدناه والدليل إنك كاتبه الموضوع رغبة في التغيير ...

أنا أتفق مع G!keفي كل كلمة كتبها ..
وحابة أقولك طريقة أنا أسويها وتحسنت لغتي فيها كثير مع إني إلى الآن مابدأت المستوى الثالث ..وش هي الطريقة ..؟؟

إنكِ تسمعي أناشيد أو أغاني باللغة الإنجليزية ..ما أقولك ِ الراب والحركات هذه لأني ما أحبها لكن أنا أسمع لسامي يوسف .. ماهر زين .. ترى كلماتهم عن الإسلام والدين والرسول وأشياء كثيرة ..والأهم من هذا كله لكنتهم جميلة جدًا ولغتهم رائعة وأنا تحسنت كثير لما سمعتهم .._والله في البداية أجلس أسمعها وتقريبا حوالي 20 مرة ولا افهم منها إلا 16 كلمة بس بعدين مع المحاولة أكثر من مرة راح تفهمي الكلمات كلها_ ...

وأنا بصراحة أمارس التفكير باللغة الإنجليزية كثير ولي ألحين سنتين وأنا امارسها وبكل امانة تفاجأت لما قرأت رد دلع وأسلوبها ولع لأني ظننت أني مجنونة واني الوحيدة التي تمارس هذه الطريقة للتعلم والحمد لله ان طريقتي سليمة ..والأهم أني مو مجنونة ...أنصحك تمارسينها جدًا جميلة ورائعة والله ..

وأكيد النصائح التي قدمها الأخوان والأخوات انصحك تمارسينها مع الكتابة المستمرة والاستماع الدائم للغة ...لأني أنا أمارسها كمان والحمد لله التقدم ملحوظ ولله الحمد ...
أتمنى تزورينا في موضوع Con إلي هو التشات علشان تستفيدي أكثر والله يوفقكِ ياعسسسسسسسسسل ..وتتخرجي وإنتِ بلبلة عنجليزي ياااااااااااااارب العالمين ...
تقبلي مروري ...

رغوووووودة ..

[so0o so0o]

ماشاءالله عليكم ياأخوات و ياأخوان ..
حمستوني وشجعتوني أكثررررر أنا كمان اللغة عندي ضعيفة خصوصا المحادثة والكتابة
مررة استفدت من تجاربكم حبايبي وان شاءالله راح اتبعها كلها
وربي يوفق الجمييع يااارب

[MS.Fabulous]

ماشاء الله الاعضاء ماقصروا
وانا كمان استفدت الله يعطيكم العافيه
وزي ماقالت رغد على الاناشيد انا اسمع لماهر زين وسامي يوسف واستفدت كثير
حتى الافلام تساعد بس بدون ترجمه والقراءه القراءه مهمه عشان تتعرفي على كلمات جديده
موفقه ان شاء الله

[FعهودF]

المشاركة الأصلية كتبت بواسطة g!ke وعليكم السلام ورحمة الله وبركاته شدني موضوعك وانا اتصفح في النت وسجلت علشان ارد عليكي شوفي بقولك شي حطيه براسك زي الخرص باذنك< لا عاد توصف الكلية / الجامعة / المعهد ... كلهم يعطوكي مفاتيح وانتي عليكي فتح الباب وتدخلي اللغات بشكل عام يبغالها واحد متابع لاهل اللغه وبصراحة اي محاضرة تاخذيها لا تكتفي بشرح استاذه/ دكتور .. الخ بالقاعه اول ما ترجعي البيت تجلسي ع النت دوري ع الموضوع اللي اخذتيه بالمواقع الانجلش ترجمي الكلمات اللي تشوفي انها صعبه ،، واي كلمه سوي لك ملف وورد و جدول بداخله حطي الكلمة + الترجمة حقها .. ويفضل تدوري لها مرادف بالانجلش حاولي انك تقلصي البحث بالعربي كثير شوي شوي بتلاحظي التطور فيكي ... الحمدلله اكثرنا يمكن يواجه مشكلة في الكلمات وانا مثلك والله الحين طالع مستوى خامس والحمدلله من فضل ربي اموري كلها اووك لكن اشوف ناس اقل مني بالدراسة لكن تفهم اكثر مني (مو تنقيص فيهم ابدا) لكن الكلام كله بالاول والاخير يصب في معرفتهم للكلمات من ناحية السبيكنق وانك تبي تصيري بلبل ،، في كثير برامج اتفرجي عليها شوفي مسلسلات امريكيه بدون ترجمة في مسلسل اسمه how i met your mother حبييته من قلب كوميييدي مثل فرندز والطقه هذه بس احلى ،، استفدت منه كلمااااااات كثييييير تابعي بالبداية ترجمة شوي شوي بدون ترجمة في كمان هالموقع سجلي فيه بالمررره حليييو ويفيد www.englishbaby.com لازم تسجيل .. وفيه شات انجلش ادخلي لو ما تسولفي اقرأي ع الاقل وبتنصدمي بوجود ناااس في الانجلش زيرووو من جميع انحاء العالم و همم ايش كمان يا ربي < وده يسولف كثير اتمنى اني افدتك لو بشي قليل واسف ع الاطاله بس احب اسولف بهالامور بالتوفيق لنا ولكي يا رب

..

الله يجزاااااااك الجنه والله بعد كلامك صار عندي أمل ان لغتي بتتطور ..
وبإذن الله رح اأسوي زي ماقلت بإذن الله ..
وان شالله ربي ييسر لي ولكم

المشاركة الأصلية كتبت بواسطة يسوم طالبة عنجليزي اكيد احظري محاظراتك ولا تفويتها..نصيحه بذهب ... ومع الاخ g!ke زي ما سوى انا كذا اسوي... احفظ كلمات جديده واترجمعها عربي وانجلش عندك كتاب 504 الي اخذناه مستوي اول والله لو كل يوم تحفظي بس 3 كلمات بس 3 راح يسهل عليك سماع اي محادثه او حوار او حتي الافلام..لانه اول ماتسمعي الكلمة راح ترن باذنك وتتذكري الكلمة هذي ويصير عارفه معناها وحتفهمي الحوار يدور عن ايش ...انا عني مرة مرة استفدت....بس انتبهي لا تكثري...عشان ماايجيك تعب وتحسي بصعوبه... ومررات افتح التبااسيط القديمة حقت الثانوي والمتوسط...وامر على الكلمات حقتها...واقول بنفسي لازم الكلمات كلها اكون عارفتها لانه فشله تخخصك انجليزي وكلمات في المستوي المتوسط ماعرفها..واقعد اشطب على الي اعرفه واحفظ الي ماعرفه.. وزي ماقال g!ke اكتبها في ورد..او اكتبها في دفتر خاص واكتبي عليها كلمات مهمه ظروريه في الانجلش,,يصير اي كلمة مهمه ودايم تنقال..وانتي ماتعرفيها تكتبها وترجميها مع نفسك عربي وتكتبي بس الترجمه انجلش عشان تستفيدي اكثر لانه السينينم يعني المرادف ينفعك ويطور لغتك... وتتدربي على الاسبلنج حقهاا ظروري انتي خلي خطوتك المهمه الحين هو حفظ الكلمات عشان يكون عندك مخزون لغوي ينفعك لما تكتبي ولما تسمعي ولما تتكلمي ...وبعدها ابدي اسمعي اسمعي اسمعي...افلام ملسلسلات وافتحي يوتوب اجنبي ..واقري كتب صغيرة خفيفه منوعه بالانجلش عشان القراية تظبط القرامر وانصحك ..لا تتدرسي قرامر نهاائيا ...القرامر اكتساب ممكن تكتسبيه من القراءه..لانه راح تصير عينك متعودة على الجمل الصحيحه ..ويصير راح تحسي لو الجمله خطاء... وبعدها يصير تخشي حوارات ومحداثات وشاتات اجنبيه ...عشان تطبقي لغتك اتمني افدتك موفقه يااااااااااااااارب

الله يسعدكي دنيا وآخره ..
والله كفيتي ووفيتي ..
بالنسبة لكتاب 405 ماقد سمعت عنه ,, ولا درسته .. إن شالله أدور له بالمكتبه ...
وكلامك والله اقتنعت فيه ,,
الله يرزقكي من حيث لا تحتسبين

المشاركة الأصلية كتبت بواسطة g!ke ^ كفيتي و وفييتي وحبيت اضيف شغله .. القواميس الالكترونيه " الاطلس" صحيح مفيده لكن خلي اعتمادك اكثر ع الورقي والسبب انه الكلمة ما تنسي من الراس لانك تدوريها وتقرأي فترسخ اما الالكتروني مجرد اكتب اول حرفين تجي الكلمة .. و على ما قالو اللي يجي بسرعه يروح بسرعه ،، وبصراحة يعود ع الكسل =-= انصح بقاموسين نصحوني فيهم الدكاترة وانا من دخلت الجامعة لليوم ما استخدم غيرهم حتى بمواد الترجمة الاول: لونق مان longman .. كان قيمته بجرير بـ 160-170 يجي معاه سي دي فيه نفس القاموس بس الكتروني حلو لما تكوني طفشانه وفاضيه تفتحي اللابتوب و تفتحيه .. قاموس ملون ودلللع لابعد حد .. في كلمااات كثير ولغته بالمررره سهله وفيه دروس قرامر وفيه مرادفات و نطق الكلمة بالامريكي / البريطاني + فيه صور و تمارين الثاني: قاموس اكسفورد .. انجليزي - انجليزي - عربي < هذا نستخدمه بالترجمة وخطير جدا جدا جدا بس خذي اخر نسخه منه الظاهر كانت بـ2008 او 2009 <شريته الترم قبل الماضي قيمته بـ 90 من جرير و ان شاء الله افضى وانزل موضوع عن القواميس سواء الكترونيه ع الجهاز " ليس اطلس" او ورقيه ... الله يقدرني واصير فاضي بس :p

بإذن واحد أحد راح ينتهي الترم هذا وانا متغيره للأفضل ...

الله يعطيكم ولا يحرمكم ..

[FعهودF]

المشاركة الأصلية كتبت بواسطة mr. Johnny الانجلش مرااا سهل

مشالله ,, وإن شالله يكون بالنسبة لي سهل زي ماتشوفه ..

المشاركة الأصلية كتبت بواسطة يسوم طالبة عنجليزي صحيح نقطه مهمه وانا تبعها في القواميس واحب الورقي اكثرر ..لان الورقي راح يخليك تمر على كلمات كثيره منها الي تعرفها ومنها جديده وتشدك انك تعرف معناها..

الله يوفقكي حبيبتي على نصايحك ,,,
جمعت لي كلمات مترجمة جديدة من النت وطبعتها ..
وإذا فضيت أحفظ منها على حسب جهدي ..
ويارب تيسيرك,,

[FعهودF]

المشاركة الأصلية كتبت بواسطة دلع واسلوبها ولع رح اقلك شي قالتي لي ميس سحر باول ترم لي think in english يعني عشان تحسني لغتك و تصيري بلبل استعملي اللغه بكل شي حتى لمن تفكري فكري بالانقليش انا كنت اكتب مذكراتي بالانقليش مو بالضروره تكتبي قصه حياتك خديلك دفتر و كل ماتلاقي و قت فراغ اكتبي اللي برأسك ,أفكارك, احلامك او اللي صار معك باليوم حتى لو عبارات سمعتيها و اعجبتك حتى لو من الافلام و نقطه تانيه حاولي تتكلمي انجليزي مع اللي حوليك و أهم نقطه القراءه لانو القراءه تعرفك ع فوكابلري جديده مو بالضروره روايات حتى لو مقالات او شورت ستوري و ياكثرها المواقع واذا تبين ارسلك المواقع اللي كنت ادخل عليها & last but not least be fearless

عجبتني فكرة أكتب مذكراتي بالانجليزي ,,
إن شالله راح أسوي هالطريقة ,,
اتوقع انها بتفيدني كثير ,,

بس بالنسبة للاخطاء في القرامر ... كيف اعالجها .؟

ان شالله على قول أختنا راح يتعود نظري على الجمل الصحيحة مع القراءة ,,

وياليت ترسلين لنا الروابط اللي قلتي عليها ,, وبإذن الله تساعدني ,,,
الله يسعدكم وين ماكنتم ..

المشاركة الأصلية كتبت بواسطة كلي امل بالله ماودي ابدا ازيد على هالنصايح صراحه انا دخلت عشان اساعدك والردود خلتني استفيييييييييد جدا واسكت مشكووووووور اخويgke صراحه كلام من ذهب وفيه بعد شي مهم اذا تبغي تتكلمي بلبل -- اسمعي.. اسمعي..اسمعي.. حاولي تحملي صوتيات بالانجليزي حطيها بالام بي- او بالجوال وخليها باذنك وحاولي ترددي معاه-- خليه ع الاقل ساعتين باليوم-- نصيحه نصيحه نصيحه وانا مجربه وبالتوفيييييييق ياعسل

مشكوووووووورة حبيبتي ..

تكفيني دعواتكم ..