{ملتقى الاستفسارات عن الحذف والاضافة وتنظيم الجداول}-طالبـات الإنتساب ّّ

[LAURA H]

مانعرف لسه لانه اللست تبع الاسماء مانزلوه بس ع الاغلب يا مس شادن او مس سوزان,,

[nour al3mr]

التدريب يبدأ لما توافق لك أستاذتك على المكـآن و تسلمك الأوراق :)

[ѕυрзя пıdσ]

نور ياقلبي بالنسبه للمواد كلها حضور ماعدا الفكشن

بس بالزبط ماقالولنا ايش الي حتكون سنترا قبل التانيه

في الخطه مكتوب السيمانتكس و الابلايد و البويتري و الفكشن اولا

والمستوى التامن : سيمنار سوسيو شكسبير مودرن و براكتكم ٢ كدا كاتبين لنا الخطه مري صح ولا اي كلام

ان شاء الله حاخد السيمانتكس و الابلايد و البويتري ، ايش اضيف مادتين كمان

من مواد المستوى التامن ؟؟

ابغا يكون فيها توازن بين اللغه و الادب من ناحيه الوقت و المذاكره عشان يمديني اتخرج :(



لارا روحي الجامعه بسرعه عشان تخارجي نفسك اكيد مس شادن او سوزان مافي غيرهم

ولو غيروهم حيقولولك ، الافضل اتدربي دحين قبل الحوسه والمحاضرات

وفالك التوفيق ياااااااارب :)))

[nour al3mr]

يسلم قلبك :)

إن كانوا الاستاذات تمام أفضل تتبعي هالترتيب

سوسيو .. آبـلايـــــــد .. بويتـري .. سيمانتكــــــس

مودرن .. شكسبيــــــر .. براكتكم 2 .. سيمنــآر

لان السوسيو و الآبلايد حفظهم كثيـررررررررررر قد مادة أدبية ><

[white rose]

^ ^
الله يبشرك بالخير يعني الابلايد صعب
لا وام حمدان اليوم تقنعني فيه بدل السيمانتكس الله المستعان
الترم هذا كلو دشش المواد تفرح والله
الله يعين

[ѕυрзя пıdσ]

الله يسعدك يا نور

طيب مو صعب لو اخدت سوسيو و ابلايد مع بعض ؟؟

[nour al3mr]

وإيـآك يارب
لو عندك مشكـــــــله في الحفظ بتحسي أنه شعرك بتقطعيه

لو مافي مشكلة إن شاء الله مابتلاقي مرهـ صعوبة لانه عندي صديقات درسوا المادتين مع بعض ومشي حالهم الحمد لله

[الملاك الأبيض]

السلام عليكم جميعا . مرحبا صبايا مساءكم سعادة وهناء .يعطيك العافية ياام حمدان ويجزاكم الخير على مجهوداتكم في التسهيل علينا انتي ونور وكل الاخوات

عام جديد وبداية جديدة ياااارب يامسهل .

لو سمحتو لي صبايا عندي كم سؤال ياليت تجاوبوني عنها :

اولا هل ممكن ننزل مادة اللغويات الاجتماعية مع اللغويات التطبيقية في ترم واحد ولا ماينفع ؟

مادة السيمنار فيها بحث زي مناهج البحث ولا لا ؟

مكتبة الجامعة توفر كتب مصورة ولا بس اصلي ؟

ينفع لو وحدة مافتحت عندها مواد الادب لانها مااخدت الادب ليسا , ينفع تضيفها من عند المرشدة ولا لازم تخلص الادب اولا ؟ علما انو مابينزل عندها الا مواد لغوية ومواد الادب معللقة .

اخر شي ايش رايكم اخد سينتاكس ولا مناهج البحث مين الاولى والافضل ؟؟

[nour al3mr]

المشاركة الأصلية كتبت بواسطة white rose ^ ^ الله يبشرك بالخير يعني الابلايد صعب لا وام حمدان اليوم تقنعني فيه بدل السيمانتكس الله المستعان الترم هذا كلو دشش المواد تفرح والله الله يعين

سامحيني فوت ردك
هههههههههههههـ لا مو صعب بالعكس مواضيعه رائعـــــة
بس يبغاله حفظ
السيمانتكس مادة أجمل
على حسب الأستاذات قرروا وربي يفتح عليكم :)

المشاركة الأصلية كتبت بواسطة الملاك الأبيض السلام عليكم جميعا . مرحبا صبايا مساءكم سعادة وهناء .يعطيك العافية ياام حمدان ويجزاكم الخير على مجهوداتكم في التسهيل علينا انتي ونور وكل الاخوات عام جديد وبداية جديدة ياااارب يامسهل . لو سمحتو لي صبايا عندي كم سؤال ياليت تجاوبوني عنها : اولا هل ممكن ننزل مادة اللغويات الاجتماعية مع اللغويات التطبيقية في ترم واحد ولا ماينفع ؟ مادة السيمنار فيها بحث زي مناهج البحث ولا لا ؟ مكتبة الجامعة توفر كتب مصورة ولا بس اصلي ؟ ينفع لو وحدة مافتحت عندها مواد الادب لانها مااخدت الادب ليسا , ينفع تضيفها من عند المرشدة ولا لازم تخلص الادب اولا ؟ علما انو مابينزل عندها الا مواد لغوية ومواد الادب معللقة . اخر شي ايش رايكم اخد سينتاكس ولا مناهج البحث مين الاولى والافضل ؟؟

وعليكِ السلام ورحمة الله و بركـــــآته

يسعد مسـآك

- تقدري تآخذيهم مع بعض بس أوقات تجيهم حالات يقولوا الأولوية للتخرج
بس المادتين كتابهم عليهم القيمة وزنهم يبشر خاصة السوسيو و حفظهم أكثـــــــــر لكن مو صعب إن شاء الله

- السيمنـآر ماينضاف إلا لترم التخرج أو ماقبل التخرج بشرط تكوني مخلصة السنتاكس و السوسيو
و فيه بحث سابقاً من الترم الماضي الاستاذة ماطلبت من البنات بحث

- مكتبة الجامعة خوارزم فقط توفر النسخ الأصليـــــه

- ماتفتح مواد الأدب الا لما تنتهي من مقدمة في الأدب

- السينتاكس رائع و مناهج البحث أروع ~> اللي استاذته أفضل خذيه :)

وحيـآكِ بأي وقت

[لصممتي حكممه]

المشاركة الأصلية كتبت بواسطة الملاك الأبيض السلام عليكم جميعا . مرحبا صبايا مساءكم سعادة وهناء .يعطيك العافية ياام حمدان ويجزاكم الخير على مجهوداتكم في التسهيل علينا انتي ونور وكل الاخوات عام جديد وبداية جديدة ياااارب يامسهل . للجميع ان شاء الله ,.. لو سمحتو لي صبايا عندي كم سؤال ياليت تجاوبوني عنها : اولا هل ممكن ننزل مادة اللغويات الاجتماعية مع اللغويات التطبيقية في ترم واحد ولا ماينفع ؟ زي ماقالت نور كلها مواد يبغالها حفظ كثيير اذا عندك وقت تقدري ,.. مادة السيمنار فيها بحث زي مناهج البحث ولا لا ؟ تقريبا اللي عرفته انهم هذي السنه حذفوا البحث منها لكن تأكدي ,.. مكتبة الجامعة توفر كتب مصورة ولا بس اصلي ؟ والله ماادري ان شاء الله البنات يفيدونك ,. ينفع لو وحدة مافتحت عندها مواد الادب لانها مااخدت الادب ليسا , ينفع تضيفها من عند المرشدة ولا لازم تخلص الادب اولا ؟ علما انو مابينزل عندها الا مواد لغوية ومواد الادب معللقة . ما اتوقع تقدر لانها ماخلصت الادب لكن تقريبا يستثنون اذا وحده حملتها اكثر من مرره ,. اخر شي ايش رايكم اخد سينتاكس ولا مناهج البحث مين الاولى والافضل ؟؟

والله يا عسل احس اذا تقدرين عليهم كلهم حلو لكن لو مخيره بين واحد منهم احس السنتاكس اولى لانه متطلب لسمنار ,..


ان شاء الله المشرفات يعطونك رأيهم لانهم اعلم مني ,..

بالتوفيق