السواق يركبها بيده السياارة ,, بعيني اليوم !!

[6flah]

بسم الله الرحمن الرحيم ,,

السلام عليـــكم ورحمة الله وبركاته ,,

كيفكم جميعا ,,

ما لكم بالطويلة ,,

باختصار }..

اليوم ونا بلبس عباتي واطلع شفت منظر غريب عجيب !!

شفت بنت كاشفة وحلوة وم شاء الله عليها مليانه يعني ,, هاذي كانت المرافق ماشية وشايفه حالها م علي منها بعدين بيجيها الدور ,,

بطلة القصة هي وحده بنت كاشفة كمان يمكن اخت او قريبة البنت اللي فوق ,, هاذي كانت الله يشفيها مريضة او فيها شي برجولها المهم تستخدم الويل شير ..

المهم هاذي البنت كانت تحرك العجلات بصعوبة بينما اللي معها م حركت ساكن عشان تساعدها ليييييين م وصلت للسيارة واللي فوق م عليها منها ,,

وصلت البنت السيارة جا السايق الاسيوي نحيف مرررة وكبير بالسن ,,

المهم جا ..

واخذ البنت ونزلها من الرصيف بهداوة غريبة ,, شال البنت قلت خلني اشوف هالسليمة وش بتسوي يمكن م تقدر برستيجها قدام الناس تنزل البنت من الرصيف او انه مجهود عضلي عليها مع انه البنت المريضة جدا نحييييييفة ,,

بس قلت بكمل وشوف وش الهرجة مع انو مو من طبعي اللقافة والله ,, لكن فضول غريب هزني ,,

وي ليتني م شفت ,,

ينزلها السايق ويفتح الباب ويركب البنت وكنها من بقايا اهله ويقفل الباب ويطلع يسوق ,, تدرون اللي فوق وش سوت ؟؟

باختصار شديد

ولا شي ,,

غير متأففه من الحر وتقلب بقشها وتركب السيارة بالوقت اللي الغريب هذا يركب بنت مو بس غريبة عنه جنسية غريبة دم !!

,, !!!!


بالله اشرحولي وش هالقلب اللي عند هالسليمة اللي ماشيه لا مراعية مشاعر احد ولا مساعده بالقليل ولا مراعاة عالاقل لحدود الله مو قصدي الحجاب ربي يتوب عليها ,, ي جماعه تستحي ع خلقتها وترحم عزيز قوم ذل !!

مجموعة اسئلة ,,

وش تتوقعون السبب اللي يخلي احد يسوي نفس البنت المتجرفة فوق !!

هل الاجنبي يُنظًر اليه و كانه ليس رجلا !!

هل السواق يمون ع بنات خلق الله كنه من بقايا اهلها !!

السواق وش وظيفته بنظركم !! وهل مشاكل السواقين تكونت من فراغ !!

وش تقولون لهالمتعجرفة اللي فوق اللي م راعت سن هالسايق ولا تعب هالبنت ,, واللي م راعت حتى مشاعر الشباب ولبست حجاب زي الخلق والناس !!

بالاخير عندي كلام لهالفئة اللي زي المتعجرفة فوق !!

ايا كان مكانتك الاجتماعية فانت من تراب واقف ع تراب وبارض مو ثابته والدينار اسرع زوالا من اي شي آآآخر ,,

الناس ما تنذل الا للقمة العيش ون دار فيك الزمن بتعرفي ان الله حق !!

البرستيج مو بتصنع مشية ولبس ماركة وشوفة حال ,,

البرستيج اخلاق وعون ورحمة بالناس وحب ينصنع من اخلاقه .. مو حب مصالح يتشكل من مكانته الزائلة ,,

لما شخص يحترمك ونت م سويت له شي حتى ابتسامه او لين او مساعده او اقلها رحمه فتأكد انك ابغض الناس اليه ,, لكن الظروف تحد الواحد !!



الله يستر ع بنات الناس ,, موقف هزني صرآآحة


لا تبخلو بآآآرائكم ,,