اللي عنده خبرة في مواد ماجستير الاقتصاد و الاستاذات يدخل..بليز

[جنون الطفولة]

المشاركة الأصلية كتبت بواسطة mooon light شكرًا لكل اللي رد علي ، بسبب ظروف الوظفية ما قدرت أتابع الموقع الشيء الثاني دي المواد اللي راح انزلها نظرية اقتصادية جزىية- اقتصاد رياضي-تحليل اقتصاد إسلامي-نظريات و سياسات نقدية و ياليت اللي عنده خبرة يفيدنا في مواد الماجستير من حيث شرح الدكتور /الدراسة عربي او أنجلش/ صعوبة المادة و البحوث و الاختبارات في دي المواد او غيرها نبغى التجربة مع اسم الدكتور؟ الشيء الثالث بحول من رسالة لمشروع بحثي ايش نصيحتكم و هل يوافقون بدون شروط؟ انتظر الرد منكم عشان جدولي فاضي و بكرة بروح المشرفة انزل مواد و ربي يسعدهم و بالتوفيق لنا يارب

أهلا عزيزتي, أعتذر عن التأخر بالرد.
بالنسبة للشرح والمادة العلمية فكله بالعربي.
الشرح يتفاوت من دكتور لآخر, وكذلك اهتمامهم بالبحوث ودقتهم فيها.
ملاحظة: كل مادة دكتورها معروف ولا يتغير الا في الـ4 سنوات مرة يمكن عشان كدة لا تحاولي تكئبي نفسك بكلام البنات (أعرفي من كل دكتور ايش يبغى .. واتبعي تعليماته وإن شاء الله يكون وضعك تمام).


موادك حسب ما أخذتها حتكون مع الدكاترة:
نظرية جزئية: دكتور عبدالعزيز دياب + خليكي دقيقه معاه ولا تتوقعي اختباره زي محاضراته تافهه + الكتاب هو مؤلفه ولذلك لا تهملي تمارينه + حيكون مع البنات أوراقي (نسخة من اسئلة العام والمحاضرات)
اقتصاد رياضي:دكتور عصام حابس رئيس القسم + المادة هذه مهم جدا تذاكري أول بأول لأنها رياضيات بحتة وهو ما يدقق في الاقتصاد كثير بس في الاختبار لازم يربط بالاقتصاد لذلك ركزي فيها + حيكون مع البنات اوراقي (تمارين ومحاضرات وملخص شرح)
تحليل اقتصاد اسلامي دكتور حمد الطاسان + هذه المادة غالبا تدخلي النهائي وانت مجمعة درجة النجاح من كثرة تكاليفه اللي كلها بور بوينت ولعب بالدرجات فالمحاضرة .. كل جواب تقوليه ويكون صحيح يعطيك درجتين او درجة او 5 .. حسب اللي يحدده قبل ما يطرح السؤال.
نظريات وسياسات نقدية: دكتور عيد الجهني + ماجربته وحأكون معاكي في المادة باذن الله


التحويل من رسالة لمشروع:
ماهو صعب وتقدري تحولي قبل التخرج بترم .. عادي صحبتي نفس حالتك وتخرج التيرم القادم.
واجراءاتها سهله بس لسا ماعرفتها .. كلها خطاب ترفعيه ويتحول.
بس مع ملاحظة: ماتقدري تحولي الا مرة وحدة .. فخذي قرارك بتأنّي


فيه قروب على الواتساب لنا طالبات ماجستير الاقتصاد نتبادل فيه كل شيء يخص الدراسة.
إن شاء الله مع بداية التيرم أطلبي من البنات يضيفوكي فيه.

[شوق الواصل]

جنون طفلة انا طالبة اقتصاد جديدة ...، || احتاج دخول القروب اذا امكن .

[جنون الطفولة]

المشاركة الأصلية كتبت بواسطة شوق الواصل جنون طفلة انا طالبة اقتصاد جديدة ...، || احتاج دخول القروب اذا امكن .

حياكي الله عزيزتي, إن شاء الله يضيفوكي البنات.
بس مانقدر نتبادل أرقام هنا (أتوقع).
خليها في الجامعة مع البنات في المحاضرات, تقدري تقولي لأي وحدة من طالبات الاقتصاد ويضيفوكي إن شاء الله

[جنون الطفولة]

أعذروني في حال تأخري بالاجابات ..
لو ما رديت عليكم غالبا حأكون مادخلت نت ..
لذلك بس أعطوني خبر هنا وأجي أرد إن شاء الله http://ask.fm/Samati88

[اقتصادي لغوي]

الله يديكي العافية استاذه جنون الطفولة :)