جميع آلإستفسآرآت هنآ..~

[إبتسآمه أمل]

والله ما اعرف كم بنت حيقبلوا

انا سمعت انه 30 بس ما اعرف اذا هذا بالسليمانية او بالرحاب

ربي يكتب اللي فيه الخير ويرضينا به يارب

^^

[إبتسآمه أمل]

المشاركة الأصلية كتبت بواسطة Om tote بنات انا ابغا اسأل عن دي المواد نبذه بسيط عنها ومدى صعوبتها اسس التصميم ،، مباديء التصميم الداخلي ،، علم المنسوجات ،، سيكولوجيا النسيج ،، تقنيات الحياكه ،، التصميم الزخرفي ،، المبادئ الفنيه للجرافيك ،، نسيج التريكو ،، خامات الديكور ،، رسم حر وتواصل مرئي ،، الألوان والأزياء ،، رسم الباترون ،، تكنولوجيا التراكيب النسجيه

امممم عندي النبذات البسيطة طبعاً من الكتيب اللي اخذته من الكلية لما رحت

لكن مدى صعوبتها اتمنى اي وحده تفيدك

اسس التصميم عندي بالازياء اما بالتصميم الداخلي ما اعرف + الالوان والازياء



مباديء التصميم الداخلي بحثت وهذا اللي حصلته
http://www.kau.edu.sa/GetFile.aspx?i...%20الداخلي.doc

علم المنسوجات + سيكلوجيا النسيج



تقنيات الحياكة



وهذا اللي حصلته للتصميم الزخرفي
http://tkhousaifan.kau.edu.sa/conten...g=AR&cid=40422

المبادئ الفنية للجرافيك للاسف ما حصلت شي لها

نسيج التريكو



خامات الديكور



رسم الباترون



تكنولوجيا التراكيب النسيجية



اما رسم حر وتواصل مرئي ما حصلت له شيء

اتمنى اكون افدتك لو بشي بسيط

واتمنى التصوير واضح لاني ادخل من ايباد

اتمنى للكل التوفيق

^^

[إبتسآمه أمل]

__ السلآم عليكم ورحمة الله وبركاتة : ) حابة اعرف ايش هيا اقسام الكلية ! وكم المعدل حق كل قسم .. أفيدوني بأي شي ولو القليل مو عارفة اي حاجة عن الكلية "( _وو مشكورين

وعليكم السلام ورحمة الله وبركاته

اقسام الكلية

"تصميم داخلي، رسم وفنون، تصميم ازياء"

والمعدلات اللي اعرفه ان التصميم الداخلي 3 وفوق

اما الباقي والله ما عندي اي فكرة بس اتوقع نفس التصميم الداخلي لكن مو اكيد

اي وحدة عندها معلومة تقولك ان شاء الله

بالتوفيق

^^

[H..M..D]

بنات انا ابغى اسالكم عن المواد الاختياريه

ابغى ماده اختياريه نظريه تكون سهله وقولوا لي اذا لازم اراجع الكليه والا عادي انزلها من الاودس؟؟؟

[Om tote]

ابتسامه امل تسلمي والله ماقصرتي ،،

نفسي اشوف ابداعاتك في الكليه احسك ماشاء الله متحمسه للقسم ^___^

[إبتسآمه أمل]

نزلت تكنولوجيا التراكيب النسيجية نفس رسم الباترون بالغلط

وهذي هي



H..M..D

والله ما عندي اي خلفية عن المواد

ان شاء الله بكرا بروح الكلية واسأل عن المواد وايش الاسهل لنا باول ترم

Om tote

ولو خيتو احنا اخوات يا البي

ربي يسلمك من كل شر ويحفظ لك توتي يارب

ان شاء الله نشوف ابداعاتنا كلنا

والله من بداية حياتي لاول ترم بالسنة التحضيرية ما كان ببالي ابداً هالقسم

بس سبحان ربي مغير الاحوال حبيته فجأه

ربي يوفقنا لكل خير وييسره لنا ويرضينا به

^^

[~*MooNWiNk*~]

المشاركة الأصلية كتبت بواسطة Om tote بنات انا ابغا اسأل عن دي المواد نبذه بسيط عنها ومدى صعوبتها اسس التصميم ،، مباديء التصميم الداخلي ،، علم المنسوجات ،، سيكولوجيا النسيج ،، تقنيات الحياكه ،، التصميم الزخرفي ،، المبادئ الفنيه للجرافيك ،، نسيج التريكو ،، خامات الديكور ،، رسم حر وتواصل مرئي ،، الألوان والأزياء ،، رسم الباترون ،، تكنولوجيا التراكيب النسجيه

أسس التصميم : مادة من قسم الفني وتعتمد على الأستازة اذا كانت كويسة حتحبي المادة
تدرسي النقطة والخط والألوان مع تنفيذها ع الكرآسة حلوة المادة بس زي
ماقولتلك تعتمد ع الأستازه .

مبادىء تصميم داخلي : برضو حلوة بس تتعب شوويا بس لو تخصصك أزياء تدرسي المادة
بإختصار اما لو تخصصك داخلي تدرسي المادة بالتفصيل وتدرسي عن الألوان
الإضاءة الأسقف والأرضيات وزي كدا وبعدين تعملي مشروع تأثيث فراغ من إلى
وتعتمد ع الدقةة كتييير بس لما تخلصي تحسي انك أنجزتي شي
يعني تفرحي بالغرفة اللي صممتيها من أثاث من أرضيات
وإختبارها نفس الشي تصممي فراغ بس بشكل مبسط .

علم المنسوجات : زي الكيمياء تدرسي الخامات زي ( القطن - النايلون - الكتان - ... ) ومن ايش
تصنع وكيف تعرفي انو هذا قطن أو كتان بأكثر من طريقة وتدخلو معمل كمان ، حلوة المادة بس
تعتمد ع الحفظ ولازم تفرقي بين كل خامة وقت اختبار العملي وعن نفسي استفدت
من دي المادة كتييييير

سيكولوجيا النسيج : دي المادة زي علم النفس تدرسي عن الملابس اللي تناسب الأشخاص
زي مثلا الطفل والمراهق وكبار السن وكمان عن الألوان وتأثيرها على النفس
وزي كدا حلوة المادة وتستفيدي منها .

تقنيات الحياكة : أحححلى مادة ومررررا ممتعةة أول شي تدرسي الغرز اليدوية اللي هيا السراجة
والنباتة وووو .. وبعدها تتعلمي ع الماكينة وغرزها وبعدين تتعلمي كيف تسوي المرد
وكيف تركبي السوسته والأزارير وكيف تسوي الحردات زي حردة الرقبة
وحاجااات تانية وحتستفيدي منها كمان

نسيج التريكو : برضو مرررا حلوة المادة وسهلة تتعلمي ع السنارة وخيوط القطن وتتعلمي غرز
بس أساسها العدلة والمقلوبة وفي الأخير تسوي مشروعك زي ما انتي حابه ممكن
شنطة - طاقية - حزام - ...

خامات الديكور : يعتمد على حسب الدكتورة واختاري دكتورة كويسسسة والا حتكرهي حياتك
بسبب دي المادة
بإختصار تدرسي كيف تنفيذ الخداديات والستارة واللحاف وشرشف السرير يعني كيف تخيطي
أثاث البيت وكدا .

وباقي المواد دا الترم حأدرسها ان شاء الله
أما مادة المبادىء الفنية للجرافيك من قسم الجرافيك والقسم مافتح يعني حيجي بدالها مادة تانية
الا اذا فتحوهـ دي السنه

وبس ان شاء الله استفدتي ( كل المواد سهلة لاتشيلي همها وتجيبي الـ a+ بالراااااحة )

بالتوووفيق

[BUTTERFLY.2009]

السلام عليكم ورحمة الله وبركاته
كيف الحال <3
بس حبيت استفسر عن اختبار القبول للتصميم الداخلي
كيفية الاستعداد له وايش الاسئلة الممكنة ونبذة عنه اذا سمحتو
واكون شااااااااااااااكرة لكم

[إبتسآمه أمل]

وعليكم السلام ورحمة الله وبركاته

الحمدلله غرقانين بنعم ربي

شوفي هذا الموضوع ان شاء الله يفيدك

http://www.skaau.com/vb/showthread.php?t=448473

بالتوفيق

^^

[Om tote]

Moon wink

يسلموووو جزااااك الله خير ماقصرتي ان شااء الله يارب كلنا نجيب ال a

بس ماني عارفه حدرس دي المواد ولا لا ،، اليوم نزلتلي مادة صحة الفرد وهيا من مواد الخطه القديمه لانو انا كنت مؤجله سنتين فدحين ماني عارفه حدرس مواد الخطه القديمه ولا الجديده وحيعادلولي المواد اللي درستها ولا لا