للمستجدات في كلية الفنون 1435/1436 -التصميم الداخلي - تعالوا نساعد و نتعرف على بعض

[BODUR]

*




السلام عليكم ورحمه الله وبركاته
انا لسا تحضيري بس ناويه اتخصص تصميم داخلي بإذن الله
عندي استفسارات كثيرة وأعرف انه مو المكان المناسب بس القسم مرة نايم ولو نزلت موضوع او استفسرت في موضوع الاستفسارات محد حيرد :(
ف كلي أمل اني ألاقي الجواب عندكم واني أكون واعية وعارفه عن التخصص قبل لا ادخله

ايش طبيعة المواد اللي بتدرسوها؟ و فيه عندكم مواد تتعلق بالجرافيك؟

- ايش يعني استديوهات عملية؟

- التخصص يجمع بين الشغل اليدوي و الكمبيوتر ولا بس يدوي؟

- تدرسوا كيفية تصميم الاثاث ولا التخصص مقتصر على تصميم المباني ؟

- ايش حيكون المسمى الوظيفي بعد التخرج؟

- وهل القسم يتطلب ان الوحده تكون عندها مهارة الرسم ؟

- التخصص عبارة عن هندسة معمارية ولا ديكور ؟

- ايش التخصصات والمجالات التي اقدر اشتغل فيها بعد التخرج؟ يعني الدارسة حستفيد منها من الناحية الحياتية ولا مجرد دراسة لا اكثر ولا اقل؟

- الدكاتره اللي يدرسوكم متخرجين من نفس التخصص ولا ممكن وحده تكون تربية فنية وتدرس؟

وشكرًا مقدما لكل وحده ترد والله يسعدكم جميعا دنيا وآخرة

[noHope]

أنا خريجة تصميم داخلي وأثاث من جامعة الملك عبدالعزيز بشهادة تفوق وامتياز في جميع الستديوهات الحمدلله
وحاز مشروع تخرجي على جائزة الأمير سلطان بن سلمان للتراث العمراني



أعطي دروس خصوصية للطالبات لجميع مواد تخصص التصميم الداخلي (لفترة محدودة و العدد محدود)

لجميع المستويات (من ستديو 1 إلى ستديو تخرج)
لتطوير مهاراتك في الاخراج اليدوي و الفوتوشوب و الاوتوكاد و الالستريتر و الريفيت
اسرار البحث وعمل الدراسات بشكل سريع
طريقة التفكير الابداعي و الاستلهام وترتيب الافكار
من مرحلة الافكار الاولية إلى الاخراج النهائي

في جدة

التواصل على الايميل: Hope.whispers@gmail.com

[saharphtg]

المشاركة الأصلية كتبت بواسطة bodur * السلام عليكم ورحمه الله وبركاته و عليكم السسلام و رحمة الله و بركاته انا لسا تحضيري بس ناويه اتخصص تصميم داخلي بإذن الله عندي استفسارات كثيرة وأعرف انه مو المكان المناسب بس القسم مرة نايم ولو نزلت موضوع او استفسرت في موضوع الاستفسارات محد حيرد :( ف كلي أمل اني ألاقي الجواب عندكم واني أكون واعية وعارفه عن التخصص قبل لا ادخله ايش طبيعة المواد اللي بتدرسوها؟ و فيه عندكم مواد تتعلق بالجرافيك؟ طبيعة المواد الي ندرسها امممم شوفي انا لسه الحين باول سنة في القسم و المواد كلها رسم هندسي معماري ,, ماعدا مواد تنعد عاليد تكون ضمن الخطه للتخصص لكنها من تخصص ثاني و الجرافيك , في مادة اسمها جرافيك ، لكنها تصيم بالفوتوشوب ,، لسه ما درستها مش بمعناها الي نعرفه ^^ - ايش يعني استديوهات عملية؟ انا اخدت الاستديو السكني ,, و بالنسبة لنا انه نصمم فلة منننننننن الى تبعا لعميلك ايش يبغى يكون بيته ,, و هي محاضرة 6 ساعات و هي سكني تجاري اداري سياحي .. و كل سنة تاخدي واحد .. تقعدي ترسمي فيها و اكيد سمعتي عن الجوري ,، الجوري النصفي انه يوم يقيموكي فيه على كل شغلك يعني لازم يكون كامل لحد اخر شي اخدتوه ,, و النهائي لسه مدري عنه,, - التخصص يجمع بين الشغل اليدوي و الكمبيوتر ولا بس يدوي؟ السنة الاولى كلها يدوي .. بعد كدا يصير حاسب ,، و في مواد زي تصميم اثاث و تشطيب اظن ترجع يدوي - تدرسوا كيفية تصميم الاثاث ولا التخصص مقتصر على تصميام المباني ؟ فيه مادة اسمها تصميم اثاث ,, لسه ماعندي خلفيه عنها - ايش حيكون المسمى الوظيفي بعد التخرج؟ ماني متاكده ,، سوري - وهل القسم يتطلب ان الوحده تكون عندها مهارة الرسم ؟ ايوا ,، الدليل انهم يعملوا اختبار قبول للمحولات ,، بينما قسم الرسم و الفنون مافيه اختبار قبول ,، لانهم فيه بيعلموكي ,، التصميم الداخلي يحتاج تكون يدك شوي تعرف للرسم - التخصص عبارة عن هندسة معمارية ولا ديكور ؟ من ناحية الدراسة ,, هندسة ,, يعني شغلك رسم هندسي عالورق - ايش التخصصات والمجالات التي اقدر اشتغل فيها بعد التخرج؟ يعني الدارسة حستفيد منها من الناحية الحياتية ولا مجرد دراسة لا اكثر ولا اقل؟ شوفي ,, التخصص دا مو خسارة ابدا ، ما احس حيجي يوم وحده درسته وما استفادت من شهادته - الدكاتره اللي يدرسوكم متخرجين من نفس التخصص ولا ممكن وحده تكون تربية فنية وتدرس؟ من نفس التخصص ,, و ادا وحده خريجة رسم و فنون فهي حتدرسك مادة رسم و فنون ,, مستحيل تجيك في مواد التخصص .. ماهي لعب وشكرًا مقدما لكل وحده ترد والله يسعدكم جميعا دنيا وآخرة

و الله حبيت افيدك بالي عندي اجابة له و لو بسيطة
و ربي يوفقك يارب و يختار لك الي فيه الخير

[asma.]

السلام عليكم ... انا ابغا اتخصص تصميم داخلي بس محتارة بين اللي في كلية الاقتصاد المنزلي و بين كلية التصاميم و الفنون يعني انا سالت و كثير يقولو مافي فرق كبير بين الخطة الدراسية في

الكليتين بس سمعت اشياء كثيييير عن فرع الرحاب انو عندهم المعامل و الكلاسات غير مجهزة و الكفتيريات سيئة و كمان قرات مواضيع من بنات يدرسو فالكلية يعني مو بس كلام انتو كيف شايفينها بصراحة ؟


و كمان ايش يتضمن اختبار القبول فالكلية بس رسم ؟ يعني انا كويسة في الرسم بالذات رسم الانمي و كذا بس الرسمات تاخذ معي وقت عشان اظبطها قد ايش مدة الاختبار ؟