ممكن سؤال لطلاب قسم القانون؟

[مستشار قانوني]

المشاركة الأصلية كتبت بواسطة shielaz عشان اسجل قانون كم لازم يكون معدلي في الثانويه العامه والقدرات؟

حياك اختي في جامعتنا تنوري الجامعه ...
شوفي راح اعطيك نظرة عامةعن الجامعه والقانون وان شاء الله تستفيدي

اول شي نسبة الثانوية العامه مهمة جدا في القبول الجامعه في جميع الكليات على حسب نسبتك وكمان راح تحدد النسبة هل انتي سوف تدخلي في الفصل الدراسي الاول او الثاني في الجامعه بمعنى راح يقبلوك في اي ترم في الجامعه والتقديم عندنا مره واحده في السنة وهم يحددوا قبلوك في اي ترم دراسي وذلك عن طريق نسبة الثانوية ...

ثاني شي نسبتك بإذن الله تدخلك معظم الكليات في جامعتنا وراح يكون قبلوك بإذن الله في الترم الاول
وخصوصا كلية الادارة والاقتصاد التي يندرج فيها قسم الانظمة ( القانون)


ثالث شي اما اذا كنتي اصلا في كلية من كليات الجامعه وحابه تحولي كلية اقتصاد والادارة على شان القانون تقدري تحولي بكل بساطة ولكن هنا راح يكون المعدل بدل النسبة لانك صرتي اكاديمية بالجامعه تستبعد النسبة في كلية الاقتصاد والادارة ولكن ما يمنع ان بعض الكليات تشترط مع المعدل نسبة الثانوية وايضا درجة ماده معينة مثل الرياضيات في الثانوية او اي ماده علمية ...


رابع شي بالنسبة لقانون ... في كل دول العالم القانون يقع في كلية مستقلة عن باقي التخصصات ويسمونها كلية الحقوق ولكن عندنا في جامعتنا يندرج القانون تحت كلية اقتصاد وادارة
ومسمى القانون عندنا بلأنظمة ... ودخول القانون بعد دخول كلية اقتصاد وادراة ودراسة سنه عامة بالكلية كما سبق وقالت لك الاخت لوليتا وبعدها يتم تخصصك ولكن القانون كل ترم له معدل خاص فيه على حسب الاماكن والقدرة الموجوده لدى القسم واذا كنتي حابه القانون شدي حيلك وارفعي معدلك على شان تكوني مستعده لاي معدل يطلبوا قسم القانون ...

ومن وجهة نظري بأن القانون له مستقبل كبير عندنا في سوق العمل وفي السعودية وخصوصا عند البنات ولا ننسى ايضا الطلاب وله قبول كبير من بين الشركات والمؤسسات الحكومية وأرى القانون الان اصبح افضل من الهندسة والطب ... الخ مع احترامي لجميع التخصصات ويتعبر القانون مهنة مثل مهنة المهندس ومهنة الطب ... واي قطاع في سوق العمل لا بد ان يحتاج لقانون واي ادارة حكومية او بنك او شركة او حتى في منازعات لا بد من القانون ...(وجهة نظر لا اكثر )



ان شاء الله قدرت اعطيك معلومات تهمك ...



اتمنى التوفيق للجميع ...

[ملاك بن هاشم]

ياحبيبتي شوفي عندك الأدارة والأقتصاد أحلى شي بالجامعة ..اسأليني انا

بس عندك تخصص نظم معلومات ونظم معلومات محاسبية هذي تخصصات جديدة ومطلوبة في سوق العمل

اما بالنسبة للقانون فهو مطلوب بس ماأنصحك فيه لسبب واحد أنك بتشوفي الفشل فيه مو بسببك بسبب الدكاترة اللي يآكلو بالدرجات ..

ولاتخافي التخصصات هذي للكل ..علمي وأدبي ولاتقولي حرام نسبتي عالية واروح لادارة واقتصاد أهم شي تكوني حابته
انا جبت بالثنوية 98%

ودخلت علوم وخرجت قالولي حرام نسبتك تخشي فيها ادارة واقتصاد ورحت حولت بعد سنة ونص ودخلت قانون والحمد

لله انا راضية عن تخصصي بس مكتئبة فيه بسبب الدكاترة وكان نفسي اخش نظم معلومات بس قفل على سنة تخصصنا

[مستشار قانوني]

المشاركة الأصلية كتبت بواسطة ملاك بن هاشم ياحبيبتي شوفي عندك الأدارة والأقتصاد أحلى شي بالجامعة ..اسأليني انا بس عندك تخصص نظم معلومات ونظم معلومات محاسبية هذي تخصصات جديدة ومطلوبة في سوق العمل اما بالنسبة للقانون فهو مطلوب بس ماأنصحك فيه لسبب واحد أنك بتشوفي الفشل فيه مو بسببك بسبب الدكاترة اللي يآكلو بالدرجات .. ولاتخافي التخصصات هذي للكل ..علمي وأدبي ولاتقولي حرام نسبتي عالية واروح لادارة واقتصاد أهم شي تكوني حابته انا جبت بالثنوية 98% ودخلت علوم وخرجت قالولي حرام نسبتك تخشي فيها ادارة واقتصاد ورحت حولت بعد سنة ونص ودخلت قانون والحمد لله انا راضية عن تخصصي بس مكتئبة فيه بسبب الدكاترة وكان نفسي اخش نظم معلومات بس قفل على سنة تخصصنا

اخت ملاك لا تحطمي البنت حرام ... انا متخصص قانون والحمدلله عمري ما شفت ظلم من اي دكتور

صحيح ان فيه بعض الظلم لكن اذا عرفتي اسلوب الدكتور راح تعرفي كيف تتعاملي معه

يقولون الدكتور / هشام عوض ظالم ... درست عنده الله ونعم فيه ما ظلمني ولا شفت ظلمه كله كلام في كلام عارفه ليش ... لاني عرفت اسلوبه وطريقة اسئلته وش يبغاه في الاختبار من جواب

وزي ما قلتي اختي القانون مطلوب ... وانا بدوري اتمنى لك التوفيق بالقانون وعالقبال ما اشوفك محامية في المستقبل طبعا اذا فتحوا باب المحاميات ... بشري وش نزلتي في الصيف ...



اتمنى التوفيق للجميع ...

[ملاك بن هاشم]

يمكن لساتك ياأخ مستشار في المستويات الاولى ..

انا خلاص على وجه تخرج وعندي خبرة ..

ذاكرنا أول بأول سوينا كل شي معهم ولافي فايدة ..هذا الكلام مو عام على كل الدكاترة ..بس على الاغلبية اللي أخذت معهم ..

الدكتور هشام اخذت معه 3 مواد والله والله ولا مادة اخذت حقي فيها وفي مادة من مواده توقعت 93 الاقي نفسي بالسبعينات

فيه تحطيم أكثر من كذا ؟! بس كله عند الله مايضيع وفيه غيره وغيره


على فكرة ..مسألة مستوى البنات لما تكون أفضل من الأولاد الاساتذة تصير عندهم مشكلة ويحاولو بقدر الامكان ينزلو من مستوى البنات وهذا الكلام مصرح جانا من دكتور ولاراح اذاكر اسمه ..

بس اللي احب اقوله اننا البنات بما ان تخصصاتنا قليل بالجامعة فطبيعي يكون مستوى الطالبات أفضل ..

لأننا نتكوم بهذي التخصصات اما الاولاد فأغلب النسب العالية تتخصص هندسة وطب والتخصصات الثانية

بس محد يفهم هذا الشي ..

[ملاك بن هاشم]

كنت افكر انزل بالصيف مواد قانونية بس مافيه لنا وماعندي مواد عامة كل اللي فاضلي 3 مواد واتخرج

ولاراح اصير محامية عشان مو مسموح

شايفين الهنا اللي نحنا فيه ؟!

[مستشار قانوني]

المشاركة الأصلية كتبت بواسطة ملاك بن هاشم يمكن لساتك ياأخ مستشار في المستويات الاولى .. انا خلاص على وجه تخرج وعندي خبرة .. ذاكرنا أول بأول سوينا كل شي معهم ولافي فايدة ..هذا الكلام مو عام على كل الدكاترة ..بس على الاغلبية اللي أخذت معهم .. الدكتور هشام اخذت معه 3 مواد والله والله ولا مادة اخذت حقي فيها وفي مادة من مواده توقعت 93 الاقي نفسي بالسبعينات فيه تحطيم أكثر من كذا ؟! بس كله عند الله مايضيع وفيه غيره وغيره على فكرة ..مسألة مستوى البنات لما تكون أفضل من الأولاد الاساتذة تصير عندهم مشكلة ويحاولو بقدر الامكان ينزلو من مستوى البنات وهذا الكلام مصرح جانا من دكتور ولاراح اذاكر اسمه .. بس اللي احب اقوله اننا البنات بما ان تخصصاتنا قليل بالجامعة فطبيعي يكون مستوى الطالبات أفضل .. لأننا نتكوم بهذي التخصصات اما الاولاد فأغلب النسب العالية تتخصص هندسة وطب والتخصصات الثانية بس محد يفهم هذا الشي ..

اول شي اختي انا دفعت 04 يعني قديم في الجامعه ولازم اكون قد تخرجت من زمان بس سحبت ترمين في الجامعه واعرف دكاتره كلهم واحد واحد واسلوبهم واحد واحد ...انا ما اقولك ما في ظلم في قسم موجود الظلم لكن قليل جدا ...وانتي حاطه في بالك فكره ان الدكاتره يطيحون من مستوى البنات طبعا فكرتك خاطئى اعتقد انتي درستي معي الترم اللي فات عند الدكتور حسين الشريف وعند د/ عبدالهادي الغامدي وكلهم دكاتره ما يعرفون الظلم لكن لكل دكتور طريقة في وضع الاسئلة وكل واحد يبغى اجابه محدده ... ومو معنى اذا جاك ظلم من دكتور محدد تجمعي جميع الدكاتره انهم ظالمين ... ولا تنسي انك طالبه في القانون وتعرفي كيف تأخذي حقك يعني لو انظلمنتي لا تسكتي على حقك سكوتك على حقك بحد ذاته يعتبر ظلم لنفسك وفي عندك اكثر من طريقة لتأخذي حقك في القسم ...
النقطة الثانية لازم تعرفي ان المذاكرة فن واذا قدرتي تعرفي فن المذاكره راح تعرفي تتميزي في الماده وهذا مبدي في الجامعه ...واما من ناحية التحطيم من وجهة نظري ما في شخص يحطم شخص اخر وانما الانسان يحطم نفسه بنفسه يعني لازم نكون واثقين من انفسنا مهما يتكلم الدكتور او اي شخص واذا في دكتور حاول انو يحطم فيكم او قال انوا مستواكم اعلى من مستوى الطلاب ويبغى ينزل من مستواكم هذا انسان مريض ولازم ما تسكتوا له على كلاموا ...وانا اعترف ان مستواكم اعلى من مستونا وهذا شرف لي بأني اشوف بنات بلدي في مستوى عالي ... ولمعلومية في كم دكتور ظالم عندنا وكل طلاب عارفينهم وهم ينعدوا على الاصابع وراح يستبعدوا في يوم من ايام
وارجوا انك ما تفهمي كلامي غلط ... واتمنى لك التوفيق والتخرج ...
اما من ناحية انوا ما راح تكوني محامية في يوم من ايام ... هذا بحد ذاته تحطيم لنفسك وقدراتك
لان راح يجي يوم ويفتحوا لكم باب المحاماه وتذكري كلامي في يوم من ايام ... وخصوصا تخصصنا جديد ومتطور في وقت واحد ... كما تعلمي ايضا ان المحامين في البلد لا يتجاوز عددهم عن 1000 محامي
وهذا دليل بأن القانون جديد ومطلوب سواء كان من طلاب او طالبات ... ودائم خليك متفائلة ...



اتمنى التوفيق للجميع

[ملاك بن هاشم]

أنت الوحيد اللي تقول الظلم قليل ..

ترا كنت زيك اول ما خشيت الجامعة وكنت لسه بآخذ مواد عامة وآخذ حقي على داير مليم ..

وكنت مبسوطة ومندفعة والمعدل ياسلام ..دخلت القانون من ثاني ترم عرفت أن اللي يقولو ظلمونا لهم حق والله اني كنت قبل كذا بقول اكيد

مايذاكرو واكيد واكيد ..وأحط اللوم عليهم ..بس عرفت ان الله حق ..

أما عن فن المذاكرة ..مو مدحا بنفسي بس اعرف اذاكر واعرف اجيب فل مارك اذا حطيت ببالي اني اجيب فل مارك


واعرف افهم كل استاذ وطريقته واتنبأ بالأسئلة من خلال اسلوب الدكتور وقت الشرح وتركيزه على موضوعات معينة وأسأل عن اسئلة الدكتور واسلوبه للي أخذو معه المادة ..بس صدقني

أكون متفائلة طول الترم وأتعشم اني جبت علامات عالية بالدوري والنصفي وفعلا اجيب وأذاكر قبل تبدأ الامتحانات النهائية بـ 3

اسابيع او شهر ..غير التوتر والقلق اللي بيحصلنا ..ووالله بفتح على درجاتي النهائية وبشوف درجات مابصدق انها درجاتي..

تقول اروح آخذ حقي ؟!..طيب انا بروح وبطالب بأعاده تصحيح أحتمال كبير يحطني بباله الدكتور وانا انسانة ابغا

اتخرج واخلص ..

وترا كلنا خايفين من هذا الشي مو انا وحدي حتى غيري كثير ..في زميلات لي اتفقنا نطالب بأعادة تصحيح بس بعضهم خافو لأنهم أحتمال كبير يآخذو معاه وكانت الدرجات مو ظلم بس اجحاف مابعده تتوقع انك تآخذ A+ وتلاقي نفسك آخذb+ طيب لو Aانا بسكت وبقول الحمد لله عشان تعرفو قد ايش المعاناة ..والله والتعب مو على قد حجم المادة بس عند ربي مايضيع ..

[مستشار قانوني]

ملاك اتمنى لك التوفيق وربي يعطيك على قد نيتك بس عمرك لا تسكتي عن حق لك اما حكاية تقولي نخاف نطلب ونصصح الورقه على شان الدكتور ما يحطنا في باله هذا غلط انتي كدا سكتي عن حقك ...
مو انتي كان نكك ملاك ( لبنى هاشم ) سابقا ... واذا انتي كم اعطاك الدكتور عبدالهادي في الاوراق وكم اعطاك الدكتور حسين في العقود ...كان نفسي يفتحون لكم ترم صيفي كنتي تخرجتي في الصيف ... يالله ربي يعوضك .. وش باقي لك من مواد ...؟

[مستشار قانوني]

على فكره لو في دكتور ظلمني في يوم من ايام ما راح اسكت عن حقي لاقلب القسم فوق تحت ... بس الحمدلله ما في دكتور ظلمني وان شاء الله ما راح يكون في دكتور يظلمني ... وكل الدكاتره فوق راسي ...


اتمنى التوفيق للجميع ...

[عاطل بس دافور في القانون]

المشاركة الأصلية كتبت بواسطة ملاك بن هاشم أنت الوحيد اللي تقول الظلم قليل .. ..

لا والله يا أختي ملاك
ترا حتى أنا أقول انو الظلم عندنا قليل
واللي يظلموا ينعدوا على الأصابع
وعقبال تخرجك ونشوفك محاميه قد الدنيا
مع التحـــــــــــيه