اختبار قبول التخصص الانجليزي

[سديم خالد]

كمان لاتنسو اهم شي ف البارقراف انو تعرفو كيف تكتبو
1ـ topic sentence وهي أول جملة توضح بشكل عام عن ايش رح يتكلم البارقراف

2ـ supporting details جمل تدعم الجمل الأساسية في البارقراف..احيانا تكون امثلة او شرح

3ـconclusion تكون توصية مثلا او اقتراح او اختصار للبارقراف

[Wa'adHadi]

السلام عليكم ياجماعة انا ماكنت اعرف انو يلزمني احضر واسجل للتخصص بنفسي وللاختبار كل اللي سويته اني سكنت للكلية والتخصص
عن طريق الاودس وحسبت انو هذا كفاية وبستنى يعطوني الموعد حال القبول
هل فاتني شي وتاخرت ؟ باذن اللله راح اروح بكرا للاستاذة سحر في الفيصلية
لكن اخاف انو تاخرت كثير وراح عليا والله مهمومة عالاخر ساعدوني الله يساعدكم .....

[بزنس از بزنس]

السلام عليكم انا ولد وابغا اختبر الاختبار هل موعد الاولاد نفس موعدكم 19|12 والا غير ضروري جدا

[Saku]

الله يوفقكم والله اني تورطت لاني نسيت الموعد والمكان مع ان انا متاكدة صورت الورقة اللي فيها الكلام بس مالقيتها .

المهم عندي سؤال فين المكان؟ اعرف في فرع الفيصلية بس المبنى والقاعة؟
ياليت اللي يعرف يجاوبني قبل الاختبار ضروري

[Saku]

ايوة كمان الساعة كم الاختبار؟

[- ميـم ..]

السلام عليكم انا ولد وابغا اختبر الاختبار هل موعد الاولاد نفس موعدكم 19|12 والا غير ضروري جدا

اذا انت طالب انتساب ماتختبر خلاص تنقبل قبول نهائي اذا حققت شروط القبول ..

الله يوفقكم والله اني تورطت لاني نسيت الموعد والمكان مع ان انا متاكدة صورت الورقة اللي فيها الكلام بس مالقيتها . المهم عندي سؤال فين المكان؟ اعرف في فرع الفيصلية بس المبنى والقاعة؟ ياليت اللي يعرف يجاوبني قبل الاختبار ضروري

المبنى كلية الاداب القاعه رقم 101 و 102 يوم الثلاثاء الساعه 8 صباحا ..

[Belle.7]

طيب يابنات من تعرف المقايس اللي يمشون عليها يعني اذا جبتي اقل من درجه ذي ماتنقبلين واذا مثلا جبتي 65 ناجحه مقبوله فهمتوا علي ؟ابي اعرف كيف يحسبون درجات الإجتياز ونظام اللي يمشون عليه في تصحيح

[اهدنا الصراط المستقيم]

لا تشيلو هم ،، ذكرتوني بنفسي زمان كنت كذا مرتبكة و خايفه بس والله الاختبار ابسط من كذا بكثييير
اذا تقدرو تكتبو جمل صحيحه املائيا و مافيها اخطاء قرامر خلاص هذا اهم شي ترا يركزو عليه
و اهم شي حطو في بالكم انو ما تكثرو كلام
لانو كل ما كثرتو كلام كل ما زادت احتمالية انكم تغلطو فهمتو عليا ؟ اكتبو جمل بسيطة و صحيحه و قصيرة و وااااضحة يعني المعنى صحيح فيها
و توكلو على الله دااايما و ابدا والله قد ما تثقو بربي قد ما رح يساعدكم و يوقف معاكم
مثال على البرقراف لو جابولكم زيي انا زمان اكتبي عن افضل هدية جاتك و ليش ؟
اكتبو شي بسيط و واضح و قصير


اتركو مسافه بالسطر الاول بعدين اكتبو بحرف كابيتال طبعا The best gift for me is a necklace from my father . He gave it to me after my high school graduation party .It was a very beautiful gold necklace with a diamond stone in the center , I really loved it and used to wear it every day . I think this gift was special just beacause it was from dad , the dearest person to my heart . شايفين كيف ؟ كذا يكون تقريبا و حضمن لكم القبول باذن الله يعني بالبدايه بدات بجملة توضح عن ايش رح اتكلم ، بعدين تفسرين او تشرحين و تعطين اسباب و بعدها وصفت (عشان اعطي تفاصيل اكثر ) و الوصف يكون بالصفات adjectives زي beautiful , amazing , special , new , old , bad , horrible , terrific الخ بعدها زدت بجمله اضافيه تزيد كلام يعني قلت انو مرا احب هذا السلسال و صرت البسو كل يوم بعدين قلت ليش و ختمت الموضوع بالخلاصه انو اتوقع اني حبيت هذي الهديه اكثر من اي شي ثاني بس لانها من واللدي الي هو اعز انسان لقلبي و بس ! ان شالله تكون وضحت لكم الصوره
ترا عادي لو كتبتي جمل بسيطة مرا زي هذي يعني لا تحاولي تبهريهم والله كذا احسن من انك تحوسي و تخبصي الدنيا
و حاااجه مرررا مهمه ! انتبهو لها كلكم
ما شفت احد نبه عليها و هي انو لما تكتبي براقراف احرصي انك تكتبي كل شي بصيغه زمنيه واحده يعني اذا حتكتبي الجمل بالماضي يعني عن حدث صار بالماضي لازم كلها تكون بالماضي
مثلا my first day in school I was so much afraid of going to school alone , so I asked mum to come with me . مستحيل تحكيلنا عن اول يوم لك بالمدرسه و تكتبي بالمضارع البرزنت present زي كذا my first day in school is really bad ! I am afraid , so I ask mum to come with me ! كذا غلط زي كانك تقولي باول يوم بالمدرسه اقول لماما تجي معاي بدال ما تقولي قلت لماما تجي معايا و كذا ،، الله يوفقكم ياااارب و نشوفكم معانا بالقسم. اذا افدتكم ادعولي الله يسعدكم ان الله ييسر لي اموري
موفقين