و يستمر المسلسل .. لماذا لم تمنع صور ريكي مارتن ؟؟

[live is live]

كلامك حلو نضال

انا رحت السوق اكثر من عشرين مره وكل مارحت ابي ملابس نسائيه لقيت الملابس كلها خالعه

يعني الاسواق كلها لازم تقفل والتاجر ينخبط على راسه

من ثمان سنوات واكثر والاسواق على هالحاله وهذي مشكله بحد ذاتها

يعني مستحيله تلاقي ملابس محتشمه يعني لازم تشتري قماش وتاكذ المديلات المحتشمه والمقاسات وتوديها للمفصل وكل هذا بياخذ منك عشرين يوم

شكرا نضال على الموضوع

[R-Kh]

الرابعة: مجتمعاتنا جاءتها ضربة قاسية على رأسها بسبب هزيمتها الحضارية أمام الغرب العتيد والشرق الوليد، فضاعت ما بين التراث والتحديث، الأمر الذي جعلها تتخبط يساراً ويميناً، تمنع الشيء مرة وتسمح به بعد حين، ترفضه بالمطلق وتقبل شبيهه بالمطلق، أو بعبارة أشد إيلاماً: نمارس الازدواجية العقلية بشكل لا مثيل له.
^
انا من رأي دي الصح
لانو احنا طول عمرنا عايشين على القناة الاولى
وفجأة دخلت القنوات علينا
وشفنا مسلسلات غريبة علينا
فـ الاغلب اتعلق بيها
انا مااقول اننا انهزمنا قدام الغرب
بس احنا من جد على وشك اننا ننهزم
لاننا بناخد اي شي منهم
طيب او بطال
مانحسب الموضوع بالعقل
جا مسلسل جديد
الكل يتابع
طيب تابعنا
وبعدين؟؟
انضاف شي جديد او استفدنا شي؟؟؟

وبعدين زي مرة
كنا في فندق في المدينة وانا من طبعي مااحب التلفزيون
فـ فتحتو كدا وكنت بقلب في القنوات
ولفت نظري قناة اسمها "دسكفري"
قناة رائعة بمعنى الكلمة
وفيها برامج مرررررررره حلوة
واكتر من رائعة
كنا 3ايام في الفندق
وخلال دي الـ3 الايام
استفدت اشياء مررررره كتير
اكتر من ساعات وايام وسنين قضيتها قدام اشياء ما فادتني بشي
المهم
لما رجعنا جدة
سألت بابا لو القناة دي عندنا؟
قلي لا القناة دي بفلوس
طيب
ليش الشي مفيد مايعرضوا في القنوات المشهورة
والشي المو كويس هوا اللي ينعرض ليل نهار
ومفتوح للكل يتفرجوا
يعني انا لو مو عن طريق الصدفة عرفت دي القناة ولا كان طول عمري ماعرفتها او سمعت بيها
لو سألت اي احد يعرف قناة دسكفري طبعا حيقول لا
لاعمرو شافها ولا عمرو حتى سمع عنها
لكن لو سألت عن سنوات الضياع او نور
الكل يا يعرفو يا سمع عنو على الاقل
او على اقل تقدير قرأ عنو في المجلات
^
مفارقة عجيبة!!
------------
يعني لو يبغوا يمنعوا صور مهند ونور والتيشرتات
محا يقدروا
اهم شي التربية
يعني انا لما اربي طفل مسلم تربية صحيحة على الاسلام
مهما يشوف من مسلسلات واغاني وافلام
محا يتأثر عشان هوا من جوا اتربى على شي معين
وحيرفض صور ومسلسلات زي هادي من جواه
مو انا امنعو
لان المنع صار مايفيد في زمن زي زمنا
لو مثلا منعتو يتفرج سنوات الضياع او نور في التلفزيون
يقدر بكل بساطة يفتح اليوتيوب او اي موقع تاني
ويتفرج كل حلقات من الاولى للاخيرة!!
بيعني ابدا ماتقدر تمنع
لكن لو فهمنا الطفل من الصغر الصح والغلط ودينو ايش يقول
يكبر على شي معين ومستحيل يسمح لنفسو يغير نمط حياتو


مختصر الكلام دا كلو
المنع ماصار اسلوب في زماننا
التربية هي الاهم

واسفة على الاطالة
وشكرا لـ نضال
الموضوع اكتر من رائع للمناقشة
:)