معلومات تحتاج معرفتها عن ( التحويل إلى كلية الطب ) !

[زقره صمصومه]

انا درست سنه وطلبت تحويل ووللان انتظر النتيجه
متى تنزل النتايج ؟ وكيف المعدلات لازم مرتفعه مرةة ؟

[AoDi]

اذا كنتي تتكلمي عن التحويل من جامعة تانية فأكيد " غالبا يصير كدا" راح يدرسوكي تحضيري

البنات يقولوا " انو في محولات حولوهم على كلياتهم اللي جايين عشانها" بس هادي للأن اشاعات ما نعرف احد صار معاه كدا


أما لو كنتي قصدك انك محولة من تخصص تاني في نفس الجامعة فما عندي علم


بالتوفيق عموما

[loooly94]

السلام عليكم
ابغى اسال انا سنه ثالثه طب بجامعه ثانيه
يصير احول لجامعتكم بدون ما اعيد من اول :(
يعني ع طول اخش كلينيكل ولا ايش الحكاية

[فطوووووومة]

السلام عليكم , انا في كلية العلوم و ماني حابة اكمل فيها اقدر انقل لكلية الطب أو لا ؟

[loooly94]

up
plz i wanna know:'(

[AoDi]

عندي صحبات درسوا طب الين ثالث و ثاني كلهم من جامعات حكومية برا جدة و كلهم عادوا التحضيري ما اعرف ايش تخصصاتهم بس محد فيهم دخل طب

ليش...؟

لان كل المواد تتعادل بإستثناء الأنقلش و الانقلش لازم ينقصك .. لأن في أختبار writing

المهم اذا حولتي ع الاقل راح تضيع سنة قبل ما ترجعي تدرسي طب او اي تخصص تاني (لأن ممكن بالراحة وقت التسكين تلقي معدلك نازل اكتر من 5 او 6 درجات بسبب انقلش او مهارات اتصال)

بس في ناس تعادل بالايلتس جربوا..

[AoDi]

اللي من الكليات العلمية التخصصات الصحية مفتوحة لهم ..

بي معدلك التراكمي يكون اعلى من تحضيري15 السنة دي

[mawada07]

السلام عليكم ابسال لو اقدر احول من كلية التصميم والفنون لكلية الطب اقدر ولا بس الكليات العليمة ويعني لو ارفع معدلي ل4.8 او 4.9 راح يقبلو او لا ؟ الله يسعدكم ابا احد يفيدني