طالبات بحث وتدريب >> وفاء اليافي >>استفسارات

[أم زهور]

طيب عندي سؤال ثاني لو انا اقتبست من كتاب تعداد كيف اسجله في الهوامش
مثال اقتبست من كتاب
1- .............. اكتب في نهايته رقم (1) واكتب في الهوامش اسم الكتاب بس
2- ..............اكتب في نهايته رقم (2) واكتب في الهوامش اسم الكتاب علما انه نفس الكتاب ونفس الفقرة اللي اقتبست منها
إن شاء الله فهمتوني

[fa6o]

طريقه حساب الاستبان هذي طريقتي

تقسمين عدد الإجابات (نعم) على عدد الإجابات الكلي و تضربينه في 100
يعني إذا أنتي وزعتي 10 استبانات و كان عدد الإجابات بنعم 6 إجابات تكون النسبة:
6\10 * 100 = 60٪

شرح اكثر :: نفرض ان السؤال الأول اجاباته كالتالي:
6 اجابوا نعم
3 اجابوا لا
1 اجاب لا أعلم
راح تكون النسبة كالتالي:
نعم = 6 نقسمها على 10 تساوي (0.6) و نضربها في 100 تساوي (60) نسبة نعم = 60%
لا = 3 نقسمها على 10 تساوي (0.3) و نضربها في 100 تساوي (30) نسبة لا = 30%
لا أعلم = 1 نقسمه على 10 يساوي (0.1) و نضربه في 100 يساوي (10) نسبة لا أعلم = 10%
و نجي بعدين نطبق الطريقة على كل اسئلة الاستقصاء..

طبعا لازم تحليل والجدول

[fa6o]

الله يسعدكم فين احط هذي النتائج والجداول تبع الاستبيان في الجزء الثاني والا الثالث

اذا في كان الثالث أحطه بعد البدائل والحلول والا قبل ؟؟؟

[memo moon]

تحطيها في الاستنتاجات قبل التوصيات
الله يوفق الجميع يارب

[أم زهور]

المشاركة الأصلية كتبت بواسطة fa6o الله يسعدكم فين احط هذي النتائج والجداول تبع الاستبيان في الجزء الثاني والا الثالث اذا في كان الثالث أحطه بعد البدائل والحلول والا قبل ؟؟؟

نفس السؤال ياليت
الحين انا فهمت كيف اسوي استبيان وكيف اطلع النتائج طيب وين احط النتائج يعني في صفحة اكتب مثلا لقد تم عمل استبيان عن هذه المشكلة وكانت النتائج كالاتي :
السؤال الاول اجابوا 5 بنعم و5 بلا اذن نسبة المؤيدين هم 50% ونسبة المعارضين 50%
السؤال الثاني : اجابوا بنعم 3 و7 بلا ....... الخ
السؤال الثالث : اجابوا بنعم ......الخ
زي كذا يعني

وكمان عندي سؤال ثاني لو اقتبست من كتاب تعداد هل احط عن كل تعداد رقم واكتبه في الحاشية ولا اكتب عند اخر تعداد رقم واكتبه في الحاشية

[memo moon]

يا حلوه تحطي نموذج الاسستبيان في الملاحق في الاخير ونتائج الاستبيان تحطيها في الاستنتاجات قبل التوصيات يعني والدكتوره ركزت على انك قبل لا تحطي نتائج الاستبيان على طول كدا ف الاستنتاجات تكتبي مقدمه بسيطه ومختصره عنها انا ماعملت كدا وسألتني في المناقشه وقالتلي ليش ماكتبتي لو مقدمه بسيطه عنها وبعدين حطيتي النتائج حبيت افيدكم بما اني خلصت مناقشه الحمدلله

[لجين الشريف]

^ ماشاء الله تبارك الله عقباااالنا

في المناقشة كيف كانت يعني تأخذي راحتك لمن تتكلمي معاها !
كمان إيش ركزت اكثر شيء وقت المناقشة سمعت لك التقرير !
وكم استغرقت مناقشتك !
وكشف الدرجات ايش سوت فيه

ومرررره ششكرا

[خدالقمر]

اللي ناقشت ترد تطمنا ررفع للفائده

[المهاتما تسونامي]

ناقشت وكانت المناقشة سهلة وكلها على بعضها الأستاذة تجيب العافية بشوشة ومتعاونة وهادية ورايقة يعني حتى لو الواحد متوتر لما يجلس معاها يروح التوتر
أهم شي كوني واثقة من نفسك وبيني لها انك فاهمة تقريرك
راح تسألك عن التقرير بشكل عام مو زي ما انتو متصورين تسميع ومن دالكلام كلو بمفهومك
راح تسألك ايش معنى فرضيات البحث وايش معنى بحث علمي
يعني حتناقشك مثلا بالبدائل الي انتي كاتبتها او باليات التنفيذ مثلا حتقولك من فين جمعتي مراجعك أو ايش مفهومك العام بعنوان بحثك كل اسئلتها تحسينها عامة وشاملة
أهم شي الثقة الثقة الثقة والفلسفة الي لها معنى مو فلسفة أي كلام

لاتخافو وتوكلوا على الله وفالكم التخرج والتوفيق

[أم زهور]

ايش هي فرضيات البحث ؟

وفي مزمة فن كتابة التقرير مكتوب انه تكتبي في المقدمة مصادر المعلومات التي تم جمعها ومشكلات الدراسة

ومكتوب كمان خطة ومنهج معد التقرير في اعداد بحثه وش هي مافهمت ؟