تجمعنا بعد اختبار الكفايات هنا..............

[علوم فلكية]

فررررق عن اختبار شهر 8 ... اسهل بكثير خاصة من ناحية الفوكابلري

الحمد لله على كل حال و ان شاء الله ياااارب مايروح تعبنا هدر

شتاااااااء اش عملت .. طمنيني :)

على فكرة كانت قاعتي فيها شويه لخبطة .. الجهاز طفا عليهم ومابدأنا الا تقريبا 8 ونص

وبصراحة مرره زعلت من السماعات ... امة وعالم على سماعتين صغيرة

اتمنى يكون التنظيم افضل من كدا في المرات الجايه و يستغلوا سماعات القاعات ... طارت علينا درجات كان ممكن نجيبها بسهولة

[eman 111]

والله اختبار متعب بشكل فضيع رغم اني مرررررررررررة كويسة في الانجليزي بس بجد يارب يارب يارب أنجح فيه..

أما لو ماعديت أبدا ماراح أعيده لأنو بجد ملخبط ويلخبطك

الحمدلله

[علوم فلكية]

بحيرة توبا .. يمكن قطعة ابن سينا هي المعادة ؟؟ ما ادري بس اعتقد نفس الموضوع لكن المضمون يختلف

[eman 111]

علوم انتي في الكلية صح؟؟

[علوم فلكية]

ايوة في كلية التربية

[سايا]

ياحلوين حياكم هنا وان شاء الله الموضوعين رح يندمجون عشان مانشتت

http://www.skaau.com/vb/showthread.php?t=293793

[عماد الحسن]

ماشاء الله عليكم .. الموضوع نشيط ومتفاعل بكم ، الله يتمم على خير وتنجحوا بالدرجات المطلوبة منكم، موضوع السماعات هذا هو مشكلة كبيرة في غالبية الاختبارات الماضية وأحياناً المسجل يخرب أو السي دي يكون معلق، والقطعة نفسها ممكن تتكرر في عدة اختبارات كما ذكرت أختكم بحيرة توبا.
أشكر الأخت http://www.skaau.com/vb/member.php?u=78273 لهذا التنبيه الله يوفقكم.

[annoody]

الوقت حسيتو عالقد

يادوبك ينتهي و أقلب للقسم التالي

و الطريف في الموضوع إنو جبتلي معايا بسكوت لأني ما اتغديت قلك آكل هناك هههههه

مافي وقت حتى أرفع عيني من الورقة

كنت في صراع مع الزمن

وحتى مع الجاكيت و برضو البرد مالو حل

بصفة عامة الاختبار الحمد الله جيد مو مررة سهل و لا مرررة صعب

كثيرة القطع حسيتها

و الله و هيا أكثر شي أخدت من وقتي

يعني اللي متمرس بالإنجليزي أتوقع مرة حيتونس بالاختبار

بأحاول أتذكر شي من الأسئلة ( اللي حيجي في بالي حأكتبوا مو شرط بترتيب نوع الأسئلة )

The paragraph is a group ot-------- (sentences)
(somebody ) was born in ---------- in 1998
طبعا مو المفروض يكون شي في الفراغ الجواب أتوقع فاي
--------

في قسم الاستماع

في مقطع كان شخصين بيتكلمو في المطعم و كان واحد فيهم بيسأل الجرسون ايش نوع المأكولات بالمطعم و إنو طلب شيش طاووق على ما أعتقد و طلب له و لمرتو و بنتو ولدو

و الأسئلة على دا المقطع كانت:
فين المكان اللي دار فيه الحوار , طبعا المطعم (resturant)
و السؤال التاني : ايش نوع المأكولات اللي بيقدمها المطعم
(sea food , vigitarian food, varity of food ) الخيار الرابع نسيتو
أنا اخترت مختلف الأطعمة ما أعرف أكيد ولا لأ
و السؤال التالت: كم عدد الأشخاص أعتقد اللي طلبو (2و3و4و5)
انا اخترت 4 و الله أعلم

في مقطع تاني كان حوار بين شخصين و بيدور حول إنو واحد بيحجز في مكتب للحجز يبغا يسافر لكولالمبور- على ما أعتقد -و بيشوف الحجز و سعر التذكرة و أعتقد حتكون الرحلة ترانزيت و حينزل أول شي في دبي و كمان في بلدة تانية نسيتها - الموهيم - الأسئلة كانت:
على فين راح يسافر الأخ ؟ أعتقد الجواب كولاالمبور
و كم مدة الانتظار في مطار -ناسية طبعا- ؟ الخيارت ساعتين, أكثر من ساعتين, أقل من ساعتين, شي زي كدا
الجواب الله أعلم لأنو لما كان الراجل بيقلو على تفاصيل الرحلة كان بيوضح بالوقتو بيقولو حتوصل دبي الساعة كدا و حتقلع الرحلة تاني في الساعة كدا
و المفروض إني أسجل التوقيت لكن للأسف ما لحقت
حتى و الله نسيت ايش اخترت

في مقطع تالت بين شخصتين ( فينك يا سيباويه ) كانو في جدة مول أعتقد ( جدة مول من عندي ترى ) و واحدة تبغى تشتري تي شيرت أبيض دا أهم مافي الموضوع و بعدين بتسأل عن المقاس و مالمقاس و تقولها جيبيلي مقاس تاني و حكاية يعني و في النهاية السؤال : شو لون التيشيرت تبع الأخت؟
طبعا اللون أبيض

-------------

آه تعبت وانا بكتب

و ياليت اللي افتكرت شي من الأسئلة تشاركنا

و تصححلي إذا شي خرفت من عندي عادي
الموهيم نحاول نطلع بالأسئلة

بالمناسبة انا اختبرت بمجموعة 4 في الصف التاني

اللي اختبرت معايا تقلي


راجعة لما أتذكر أكتر

[TuNa]

الحمدلله على السلامة يا علوم فلكية
و القطعة المعادة تبعت العاداتاللى فيها ال Genatic بالنص كما اختبرنها في شهر 8
وكمان اللسنيق تقريبا كلة معاد .

[eman 111]

والله في السماعي أنا أحسبوا لسا مابدأ اتاري انو خلص الريكوردينق الأول وبالتالي قمت أخمن
أما القطع صح واضحة بس مافي وقت تفهمي ولاتستنتجي
والقرمر لاأعلم فينه في الأسئلة حسيتو حايس على بعض
وتحليل الكتابة كل اللي تحتها خط عندي حالتها مأساوية

بس يااااااااااااااااااااااااااارب ننجح وأجيب درجة النجاح وأكثر كمان