الحمد لله يارب ,باركولي حبايبي انقبلت بالكلية , جاوبوني على كم سؤال لو سمحتو <3

[xanaza6]

يعطيك العافيه احمد ربيعة. طيب ليش حاطين لنا بالخطه في جدولنا فيزيا ورياضيات وانجليزي واحنا مفروض ماناخذها؟؟ :/

[أسد المنتدى]

هاااااااااااايوو

أنا كمان .. لاتمشوا وتتركوني .... أبويه وافق أطلع الرحله معاكم (( معاكم بكلية تصاميم البيئة ))

والله أنا اتمنيت هندسه صراحه
لكن على ماسمعت ... انه كلية تصاميم البيئة كانت قسم من أقسام كلية الهندسه وكنت راغبها اذا ماجات الهندسه ( الحمد لله ع كل حال )


الله يوفق الجميع بالكلية الجديدة
وألف ألف ألف مبرووووكـ للجميييع

[xanaza6]

المشاركة الأصلية كتبت بواسطة أسد المنتدى هاااااااااااايوو أنا كمان .. لاتمشوا وتتركوني .... أبويه وافق أطلع الرحله معاكم (( معاكم بكلية تصاميم البيئة )) والله أنا اتمنيت هندسه صراحه لكن على ماسمعت ... انه كلية تصاميم البيئة كانت قسم من أقسام كلية الهندسه وكنت راغبها اذا ماجات الهندسه ( الحمد لله ع كل حال ) الله يوفق الجميع بالكلية الجديدة وألف ألف ألف مبرووووكـ للجميييع

مبروك على القبول والله يحييك, يمكن خِيره لك انك انقبلت عندنا ^,^

[حبتور]

هم منزلين لنا فيزياء ورياضيات وانجليزي . وانا شايف ان في طلاب يقولو لا ؟؟؟؟؟؟؟؟؟ اتمنى التوضيح ؟؟؟

[احمد ربيعة]

هم منزلين لكم الخطة القديمة الي كانت قبل السنة التحضيرية تمام وكان الطالب على طول ينقبل في الكلية ويدرس فيزياء ورياضيات وانجلش...

اما بنسبة لكم فما راح تدرسونها ابد لافيزياء ولا رياضيات ولا نجلش بعد اليوم وراح تتعادل لكم مع بداية الترم

[hsport]

اول شي مبرووووووووووووووووووووووووك والكليه دي بصراحه مرررررره قمه وحتشوفو ان شالله حترتاحو فيها
تاني شي انا مني عارف لي الخوف دا كلو من الثقافه والعربي ترا مررررررررره سهله خاصة الثقافه
وعشان تتخصصو لازم تكونو مغلقين 50 ساعه
واختبار العماره في الترم التاني طبعا
دا الي قدرت اساعدكم فيه
والله يوفقكم ويوفقنا اجمعين

[ramy lazoz]

حبايبي دي الصورة من الجدول حقي ممكن تساعدوني شوي ؟؟

ـــــــــــــــــــــــــــــــــــــــــــــــ
دحين ايش يعني اتصال بصري وايش ادرس فيه ؟؟
مقدمة في تصاميم البيئة ايش ادررس فيها ؟؟
تطوير البيئة المبنية ايش ادرس فيها؟؟
الأنسان وعمارة البيئة ايش ادرس فيها ؟؟
ايش هي المواد النظرية وايش هي العملية ؟؟
ــــــــــــــــــــــــــــــــــــــــــــــــــ ــــ
لابد للطالب من تسجيل المواد عن طريق الدخول على الحذف والاضافة فى الجانب الايمن من هذه الصفحة , ثم التأكد من نزول المواد فى الجدول الدراسي للطالب.
؟؟؟
ايش يعني هل الجملة يعني المواد الي بالصورة لازم انا الي انزلها وارتبها عن طريق الحزف والأضافة ؟؟
طيب لو انا لازم ارتبها ايش تنصحوني انزل اول ترم بحيث ما اتعب ويكون متكافئ مع تاني ترم ؟؟

ــــــــــــــــــــــــــــــــــــــــــــــــــ ـ
انا اقلكم صحيح في شوية خوف بس كلام الأخوة هنا طمنا يعني عارفين سنة جديدة وتبغا نكون مميزين ونتخرج بمتياز وزي كدا الله يسعدكم ويوفقكم
حكون على تواصل حبايبي مع انو يوم الخميس حسافر وما حرجع الا قبل الدراسة بكم يوم

[xanaza6]

ramy lazoz هذا الجدول زي ماقالو زايد فيه المواد اللي ماحندرسها لانها الخطه القديمه, وبما ان الحذف والاضافه ماحيفتح اللا قبل الجامعه باسبوع فاحنا حنشوف المواد اللي علينا والخطه حقتهم ونبدى هذاك الوقت

الماده الوحيده اللي عارفها هي AR190 "كلام منقول"
-...بتتعلم فيها حاجات كثير ومنها استخدام الاسكيل ورسم المناظير والبلانات والظل والظلال والاسقاطات والقطاعات.
- اغراض الماده, بالاحرى فهي ماده عمليه
1) لوحه رسم 374ريال .
2) ورق كانسون 25 ريال .
3) اقلام تحبير /
(3. ) = 39 ريال : (5.) =35 ريال : (2.) =42 ريال .
4) مراسم /
(7. ) =16ريال : (5. ) =22 ريال .
5) فرجار 120 ريال .
6) حبر 42 ريال .
7) سولتيب لصاق 6ريال .
8) مقياس رسم 40 ريال .
9) مثلث ثلاثيني ستيني 20 مثلثي 45 24 ريال .
10) شنطة حامله الأغراض 69 ريال .
-- (( لاتنسوا تقدموا بطاقة الجامعة والاغراض هذه كلها من مكتبة جرير ))

نزلت هذا الكتاب مرفوع من م.دافور الله يسعده ^.^
http://www.skaau.ws/vb/showthread.php?t=109626
في الرد رقم 8, ماقدرت استوعبه لانه عربي فما ركزت فيه, بس موجود فيه مواضيع صغيره

[Mohannad Al-zahrani]

بآآآآآركوا لي أنا برضوا معكمـ في الكلية ... ^^
مع العلم انها الرغبة الثانية ^^

نتقابل هناكـ بإذن اللـه ....

بس تصدقون متخوف من ناحية وحده ..... متخوف من ناحية مابعد التخرج؟!!!! فقط!
أتمنى يكون لها توضيح شافي وكامل .... بالتوفيق حبايبي ...

[xanaza6]

المشاركة الأصلية كتبت بواسطة mohannad al-zahrani بآآآآآركوا لي أنا برضوا معكمـ في الكلية ... ^^ مع العلم انها الرغبة الثانية ^^ نتقابل هناكـ بإذن اللـه .... بس تصدقون متخوف من ناحية وحده ..... متخوف من ناحية مابعد التخرج؟!!!! فقط! أتمنى يكون لها توضيح شافي وكامل .... بالتوفيق حبايبي ...

مبروووووك وإن شاء الله تكون خِيره لك, الصراحه اعتقد انه التخوف موجود في اي حاجه نخشها, بالنسبه لي انا داخل اللي ابغاه, التوفيق والرزق من عند ربنا سبحانه تعالى, واهم شي الدعاء "."