اخلاء الجامعه يوم الثلاقاء بعد الظهر الله يستر

[never hide]

المشاركة الأصلية كتبت بواسطة مراهقة مرهقة قبلها بنص ساعة كنا خارجين انا وصاحباتي من مبنى 43 رايحين ل 420 والشمس حااارة ومنعنشة ومافي اي سحابة في السما !!! اول ماوصلنا شويتين دخلت الأستاذة تقول اكثروا من الاستغفار لانو موجة امطار قوية جاية !!! بصراحة جاني ضحك اي أمطار مع الشمس والسما الصافية ؟؟ شوية وحدة قالتلها يا استاذة الشؤون يخلو المباني وخرجتنا والدنيا غييييييير ... سبحان الله في لحظة بسيطة كل شي اتغير ،،، الله يكتبلنا الخير يااارب ، ويجعلها رحمة . وينبع حاليا أمطار قوية جداجدا

ايو سبحان الله كل شي اتغير في دقيقة

تصدقي انا كنت جالسة مع صحباتي مبسوطين فجأه جات وحده من الخالات تقول السيل جااااااي و ينع غرقت ... و الله طيحت قلبي ...

اخوي و خالي في ينبع كلمتهم يقولو عواصف بعدها مطر غزير و الجو ظلام عندهم و الكهرباء مقطوعة و الدفاع المدني يدور ....

[اضاءات]

المشاركة الأصلية كتبت بواسطة never hide حتى احنا وحده قريبتي عضو هيئة تدريس وصلها مسج من العميده بإخلاء رسمي و الغاء المعامل ... و الدكاتره اول الشاردين و الله طلعت من البوبة حقت الاستاذات سياره قدامي طالعين فيها خمسة مدري سته استاذات ... و الأمن قالو الاخلاء فوري و سيتم اغلاق الجامعة الساعة 2 و نصف و يا روح ما بعدك روح الناس تجري و السيارت تساقط على بعض تقولو بركان راح ينفجر مو مطررررر حتى النفق اللي مكتبة الملك فهد كان مقفل قاو اهل الخير فتحوه من الزحمة الناس مهي عارفة تعمل ايه و الله اترعبت من اللي شفتو الناس راح يعملو حوداث من السرعة .... و الله الناس ما ينلامو خلاص ما عندهم ثقة ..

شر البلية ما يضحك ..

بس في النهاية هل كذا بيصير حالنا دايما .. !!

كل ماغيمت السماء نخاف ونتكركب كذا .. !!

واحسرتاه عليك ياجدة

[smorh]

انا كنت لابسه وبطلع خلاص الا كلمتني صاحبتي قالت لا تطلعين ترى الجامعه سوو لها اخلاء وان شاء الله خير

[مراهقة مرهقة]

فجأه جات وحده من الخالات تقول السيل جااااااي و ينع غرقت

هههههههههه حتى الخالات خايفين ،، شكلهم يقولو في نفسم بلادنا الفقرانه ماسار فيها كدا وهنا البترول عندهم مو قادرين يعملو شبكة تصريف !!!
سواق الباص باكستاني من الساعة 2 تماما 15 بنت في السيارة ! وطول الطريق البنات يتصلو عليه
مسكين جالو الضغط والسكر وهو يقول ، مافي خوف انت ليش خايف ، كله خير ان شاءالله ،، ^_^
رجعت البيت اتوقعت الكل خايف لقيتهم نايمييين ومتغديين !! ولا يدروا عن الدنيا!!

[never hide]

سواق الباص باكستاني من الساعة 2 تماما 15 بنت في السيارة ! وطول الطريق البنات يتصلو عليه مسكين جالو الضغط والسكر وهو يقول ، مافي خوف انت ليش خايف ، كله خير ان شاءالله ،، ^_^

ههههههههههههههههههههههههههههههه حلوه انتا ليش خايف و الله يحق لنا نخاف ...

[خلوده1]

الحمدلله خرجت من الجامعه قبل ما يسوا اخلاء

ولا كان رحت فيها

[~دنيتي غـآآآلية~]

أنا أصلا كنت غايب ,,, صاروا يخافوا من الغيوم ها ؟
لووووووووووووول !!!

[nova09]

أنا أقلكم حكايتي:
الساعة 1 دخلت القاعة كان عندي ثقافة وجات الأستاذة ودخلت وكل شي طبيعي بس قبل ما تبدأ الاستاذه قامت وحده بنت و راحت كلمت الأستاذه قالتلها انو صحبتها تقول حتجي أمطار ، قامت الآستاذه قالتلنا الخبر قام البنات أترعبوا بس قالت الآستاذه حشرح بسرعة و أخرجكم بدري قلنا طيب، بعدين فجأة جوالي دق و جوال كم بنت دق و بعدين البنات قاعدين يطالعوا في الباب يشوفو البنات قاعدين يخرجوا قامت الأستاذه قالت من في عند الباب ؟؟ قلنالها في بنات قاعدين يأشرولنا يقولو أخرجو وفجأة دخلت علينا بنت وقالت : مدير الجامعة يقولو لازم تخلو الجامعة في ربع ساعة.. وطبعا بعد دي الكلمة البنات نطو من محلهم وجررررري على الباب (طبعا انا ألولهم خخخخ) قامت الاستاذه قالت استنو ابا اقلكم حاجة وبدأت تتكلم عن انو مايصير نخاف وكدا .. والله انا عن نفسي ما جلست اسمع على طول خرجت ... و خرجت من القاعة الاقي كل مبنى 420 فاضييييي قمت طبعا امشييييييييييييييييييييي بسرعة للبوابة الغربية الين ما وصلت بشق الانفس لقيت كل حقون الامن متجمعين عند الباب مدري ايش والله مريت من جنبهم ولا وريت بطاقة ولا حاجة... وبسرعة ركبت السيارة والطريق زحمة و ال bb بس قاعد طن طن برودكاست وحفللللللللللللة الين الحمد الله ما وصلت البيت... و توته توته خلصت الحتوته ولي بيتو قريب يروح يجيب صحنين زبيب خخخخخخخخخخخخخ

[سواليف ليل]

الحمدلله اني طلعت من الجامعه الساعه 2 قبل ما يسوا اخلاء

وإلا كان مت من الخوف

[● ά7Ļά şùģάя ●]

المشاركة الأصلية كتبت بواسطة ~دنيتي غـآآآلية~ أنا أصلا كنت غايب ,,, صاروا يخافوا من الغيوم ها ؟ لووووووووووووول !!!

يقولك "إللي انعض من حنش يخاف من حبل"
:D

الحمدلله كآن اليوم عندي off