معاهد اللغة الانجليزية

[Life as Game]

المشاركة الأصلية كتبت بواسطة صوت الفجر // وعليكم السلام ورحمــــــة الله وبركاته آهلا آخوي لايف ،، والله يبعد عنك وعن الجميع الضيقة (: - في معهد اسمـــة (برايت سكاي) في حي الشعلة . - في معهد ثاني اسمــة (المعهد الثقافي البريطاني) \

الله يسلمك ويبقيك ,,
ويديك الف عافية ..ماقصرتي ,,

المشاركة الأصلية كتبت بواسطة شموخ كبريآئي وعليكمـ آلسلآمـ ورحمة آلله وبركآته ~.. دآيمآ آسمع آلنآس تمدح بيرلتز لآنهمـ يركزو بشكل كبير ع آلمحآدثة وجميع آلمدرسين آجآنب ~.. موفق ~..

يديك الف عافية ..
كويس ..لانو مرة ما يعرف شي ..

المشاركة الأصلية كتبت بواسطة مصره على قراري +11 عن تجربة قريب لي معهد ممتاز والمحادثات مكثفه وعندهم يوم خاص يجمعون فيه الطلاب مع الاساتذه ويتنافشون في امور عامه عشان يساعدون الطالب على تقوية لغته وممارستها والاسعار ما عندي فكره دقيقه عنها بس اتوفع انها مناسبه //

هاهاها ..
النفاش نوع من انواع النقاش ..ولكن بسبب طغيان لغة الفرنجة على العرب سقطت احدى النقاط
ولذلك عندما تسمع احد الروم مقطبا حاجبيه و يزعق عليك قائلا : لا تنحاش من النفاش ..فلا تغضب فهو لا يشتمك وانما يريدك ان يتجادل معك لا اكثر

هههه امزح معاك ..مشكورة والله ما قصرتي ,,
يديك الف عافية

المشاركة الأصلية كتبت بواسطة JuStice . وعليكم السلام ورحمة الله وبركاته , بيرلتز .. .

ثانكس ما قصرت ..
يديك الف عافية ..

المشاركة الأصلية كتبت بواسطة فهد الجدعاني و عليكم السلام و رحمة الله و بركاته عن تجربة معهد بيرلتز الله يسير لك أمرك يارب

ماقصرت والله ,,
امين واياك ..الله يوفقك

المشاركة الأصلية كتبت بواسطة وتر الإحساآآس وعليكم السلآم ورحمة الله وبركآته =) ماعندي فكرة عن المعاهد *_* بس أهم شي حاولوآ تسمعوآ كثير آنقلش زي الأفلآم أتفرجوها من غير ترجمة مرة حتستفيدوا وفيه كمان الأناشيد بالإنجليزي وغيرو ^^ والله يوفقكم ويسهل أموركم يآآآرب =)

ههههههه ..الله يسعدك يا شيخة ,,
ايش اللي ؟؟
صاحبي دا ما يعرف الفيس بوك ..ولا تويتر ,,وادا سمع بالانترنت ..اول ما يخطر في بالو قيمزر وشات ومسن ..
وهوا ما يقرب من النت خير شر ,,
لا يروح بالك بعيد انو جاي من خيمة ..ههه لا بالعكس عيلتو ناس مرة هاي ماشاء الله عليهم
وواحد من اخوانو باكلريوس وماستر انقلش ..
بس ما يعترف بالحاجات دي ..واتوقع لو اديه فلم بترجمة كمان ما يمديه يقرا الترجمه
وكمان تقولي اشغل اناشيد ههههه ..والله حانجلد جلد ..
سبب انو يبغى يدرس عشان مرررة ما يعرف شي ..ومشكلة لو جا يقدم على وظيفة ..على كتر الوظايف عندنا..
امين واياك ..يسلمو عالمداخلة دي
على طاري ايش اللي ..تصورت معاه

المشاركة الأصلية كتبت بواسطة gzl GZLAN معهد بيرلتز الانتحار الحلال اللهم احيني ماكانت الحياة خيرا لي وتوفني اذا كانت الوفاة خيرا لي وبس

اممم جيدة الدعوة ..حادعيها في الليل ان شاء الله ,,
ماقصرتي ,,

المشاركة الأصلية كتبت بواسطة مجبور اوادعها اما انا فانصحك بالانتحار فلا شيء يستحق في هذه الحياة الدنيا وزينتها وإلى الله المشتكى +

اووو كم آون مان ..لو لقيت طريقة ما كنت دحين اقرأ نصيحتك ,,
لكن في حل
هو اني اروح العراق او ضواحيها ..والغم نفسي واجي مسرع وانا اصيح " آآآآآآآآ بيدي لا بيد عمرو " وافجر احد العلوج غضب الله عليهم..
فاما حياة تسر الصديق ..واما ممات يغيض العدى ,,
لكن لسى خايف من حكم العمليات الاستشهادية ,

على فكرة في محشش ..يبغى ينتحر قام ربط الحبل في رجولو..
سألوه ليش ؟ قال : مرة ربطت الحبل في رقبتي بغيت اموت ..

وفي محشش تاني محكوم عليه بالاعدام شنقا ..بعد تنفيذ الحكم جلس يرفع يدو ويأشر..
نزلوه من المشنقة قالو يمكن في شي يبغى يقولو قبل ما يموت ,,
قالوا ايش عندك ..قال الله يلعنكم بغيت اموت ,,

المشاركة الأصلية كتبت بواسطة طالبة.مجتهدة المعهد الثقآفي البريطآني أفضل معهد (y) بالتوفيق :)

شوكرا وعفوا طوطو مهجدة الفصل ,,




طيب دحين 5 بيتلز اقصد بيرلتز..مقابل 2 المعهد الثقافي البرتش,,

امم اهم حاجة ما يطلع البيتلز هوا نفسو التاني ..وانا ما ادري

مشكورين كلكم ما قصرتو ..الله يديكم الف عافية ,,
وجزاكم خيرا جزيلا ..وعفوا وسهلا ..

[مصره على قراري]

المشاركة الأصلية كتبت بواسطة life as game هاهاها .. النفاش نوع من انواع النقاش ..ولكن بسبب طغيان لغة الفرنجة على العرب سقطت احدى النقاط ولذلك عندما تسمع احد الروم مقطبا حاجبيه و يزعق عليك قائلا : لا تنحاش من النفاش ..فلا تغضب فهو لا يشتمك وانما يريدك ان يتجادل معك لا اكثر هههه امزح معاك ..مشكورة والله ما قصرتي ,, يديك الف عافية

سقطت إحدى النقاط عمداً
لمساعدتك في تغير (مودك) البائس اعلاه

يعني لولا الله ثم كلجتي هذه
لطغى البؤس والشقاء على مزاجك<<ارحمينا يامضاد الإكتئاب

[وتر الإحساآآس]

المشاركة الأصلية كتبت بواسطة life as game ههههههه ..الله يسعدك يا شيخة ,, ايش اللي ؟؟ صاحبي دا ما يعرف الفيس بوك ..ولا تويتر ,,وادا سمع بالانترنت ..اول ما يخطر في بالو قيمزر وشات ومسن .. وهوا ما يقرب من النت خير شر ,, لا يروح بالك بعيد انو جاي من خيمة ..ههه لا بالعكس عيلتو ناس مرة هاي ماشاء الله عليهم وواحد من اخوانو باكلريوس وماستر انقلش .. بس ما يعترف بالحاجات دي ..واتوقع لو اديه فلم بترجمة كمان ما يمديه يقرا الترجمه وكمان تقولي اشغل اناشيد ههههه ..والله حانجلد جلد .. سبب انو يبغى يدرس عشان مرررة ما يعرف شي ..ومشكلة لو جا يقدم على وظيفة ..على كتر الوظايف عندنا.. امين واياك ..يسلمو عالمداخلة دي على طاري ايش اللي ..تصورت معاه

ويآك والجميع يآرب

هههه ايوآ مآآستغرب لأنو أختي نفس الحآلة مع النت

غير المصآلح الجآمعية مآتعرفوآ

ههههه كنت بأقول أغآني بس ترآجعت قلت بلآش أكون محرضة

آهآ الله يوفقه يآآآرب هو لو بدأ في معهد فإن شآء الله تتسهل ^^


من جد كأني عرفتك بس ذكرني بالحلقة

[Life as Game]

المشاركة الأصلية كتبت بواسطة مصره على قراري سقطت إحدى النقاط عمداً لمساعدتك في تغير (مودك) البائس اعلاه يعني لولا الله ثم كلجتي هذه لطغى البؤس والشقاء على مزاجك<<ارحمينا يامضاد الإكتئاب

ايوه صحيح ..
في ناس تصرف ..بس في ناس محترفة تصريف
على طاري مضاد اكتئاب ..
عندي لك كتاب حلو لو ما قد قريتيه ,.اسمو "مضاد حيوي لليأس " للكاتب عبدالله المغلوث ,
الموهيم اشتروه من المكتبة وبلاش فور شيرد دا
ثانكس

المشاركة الأصلية كتبت بواسطة وتر الإحساآآس ويآك والجميع يآرب هههه ايوآ مآآستغرب لأنو أختي نفس الحآلة مع النت غير المصآلح الجآمعية مآتعرفوآ ههههه كنت بأقول أغآني بس ترآجعت قلت بلآش أكون محرضة آهآ الله يوفقه يآآآرب هو لو بدأ في معهد فإن شآء الله تتسهل ^^ من جد كأني عرفتك بس ذكرني بالحلقة

هههه كمان اغاني انقلش ..دا ما يسمع الا فيصل علوي و ابو نورة ,, ههههه
متخيل بس اشغل اناشيد ..بس ابغى اشوف ملامح وشو ..<< حيرميني من الشباك
امين ويوفقك ..ما قصرتي ,,

مو في حلقة ..صورة شخصية ..

---

طيب ليكم الهرجة ..

دق عليا صاحبي امس ..وسألني : ها بشر ؟؟!!

قلت : ابشر بعزك ياشنب ..5 - 2 لصالح البيتلز ,,
وكلهم مجربين المعهد ,,
يا رجال ..احلف لك يمين ..حتطلع من كتر منت فاهم الانقليزي ..
لو نرميك في نيويورك ترجع السعودية كعابي ماعندك اي مشكلة ,,

رد عليا : انا قد خاويت اشناب بس زيك وافي ما قد شفت ..
قلت : افا عليك دندن وغن يا طيار ,,
قال : طيب فين يقع معهد صالح بيتل ذا ؟؟
قلت : احم احم ..(وفتحت فمي لاخر حاجة اضحك مسوي واثق ) هااعاعاههعععا ههعهع<< ضحكة الدشير
ماهو بيتل الله يهديك ..بيتل سيارة من فلكسواجن .,اسمو بيتلز بيتلز << بيتلز فرقة غنائية بريتش يافاهم
قال : طيب فين الموقع وبكم السعر ..؟؟
قلت : ماعليك يا شنب بس تعال وما يصير خاطرك الا طيب ..


الموهيم ..دحين علموني فين يقع بيرلتز دا قبل ما اتفشل قدام اصحب اصحابي ,,
وكمان كم الاسعار للدورة التأسيسية المكثفة..لانو مايعرف شي بالمرة ..

وجزيتم خير وفيرا ..


على فكرة يا غزلان ..امس دعيت بالدعوة في الليل وما مت ..
لاني بميت ولاني حي ..بين البشر مالنا خانة << زومبي مسلا ؟؟


يديكم الف عافية

[JuStice]

الموهيم ..دحين علموني فين يقع بيرلتز دا قبل ما اتفشل قدام اصحب اصحابي ,, وكمان كم الاسعار للدورة التأسيسية المكثفة..لانو مايعرف شي بالمرة ..

.

المعهد في شارع الروضة ,

إذا كنت ماشي من جهة مستشفى الملك فيصل التخصصي ومتجه للكبري المربع .. قبل ما توصل للكبري فيه على اليمين محلات مفروشات .. المعهد بنفس المبنى ,

لكن لوحة ومدخل المعهد موجود عالجنب مو على الشارع الرئيسي فيمكن ما تنتبه له , والمستوى كان بـ 3300 ريال ..

يمقن الآن يكون السعر نزل شوية ويمقن لأ

.

[روبي18]

السعر زمااان كان التأأهيلي ب 6000 ومعاه المستوى الاول قلت سلامات غالي مو انتو تقولو المستوى 2000 مدري اقل قالت عشان دا مكثف ويعلمك الاساسيات كلها ووالمستويات الثانيه اقل سعرها كان الكلام دا العام بعد عيد الفطرر واللحين الله اعلم ,,,

ووكمان وول ستريت يمدحوووه

[Life as Game]

المشاركة الأصلية كتبت بواسطة justice . المعهد في شارع الروضة , إذا كنت ماشي من جهة مستشفى الملك فيصل التخصصي ومتجه للكبري المربع .. قبل ما توصل للكبري فيه على اليمين محلات مفروشات .. المعهد بنفس المبنى , لكن لوحة ومدخل المعهد موجود عالجنب مو على الشارع الرئيسي فيمكن ما تنتبه له , والمستوى كان بـ 3300 ريال .. يمقن الآن يكون السعر نزل شوية ويمقن لأ .

اممم كويس حطوه في الروضة عشان يبدأ صاحبي من الصفر ..
الله يديك الف عافية ,,تعبتك معايا
السعر مناسب الحمدلله ,,
و يمقن يلحق على تخفيض ويمقن لا ..بس اقيد ان السعر اتخفض..

المشاركة الأصلية كتبت بواسطة روبي18 السعر زمااان كان التأأهيلي ب 6000 ومعاه المستوى الاول قلت سلامات غالي مو انتو تقولو المستوى 2000 مدري اقل قالت عشان دا مكثف ويعلمك الاساسيات كلها ووالمستويات الثانيه اقل سعرها كان الكلام دا العام بعد عيد الفطرر واللحين الله اعلم ,,, ووكمان وول ستريت يمدحوووه

اهلا ام حمودي ..الله يحفظو ليك
احلا اسم في الدونيا محمد ..وكمان اكتر اسم انتشارا في العالم هوا محمد ..سبحان الله ..<< دي صدق
اللهم صل على حبيبي محمد ..
يعني بالدورة التأسيسية المكثفة حيطلع 6000 وعليها ..
وول استريت صاحبي ما يبغاه ..
الله يديك العافية ..ما قصرتي .


شوكرا وسهلا جميعا ..جزاكم الله ونعم الوكيل ورزقكم شمنقاحبش ..