رايكم يهمني يادفعة 10؟؟؟؟

[It's Easy]

انا اخااااااالف الكلللل هههههههههههههههه

انا اشوف جدولك مررة تماااام

لانو انا كنت زيك الترم الي فاات ومرة كان ضغط
بس الاسبوعين الي قبل الاختبارات النهائية كنت اذاكر واختم المواد
.. ولمن جا موعد الاختبارات مررة الحمدالله كنت مررتاحة لانو مو اول مرة امسك المااادة ..

يعني بالعربي اذا ذاكرتي اول باول مرررة حترتاااحي (خلي جدولك زي ماهوا وخلي الثقافة عشان يرفع معدلك لانو اذا حذفتيها حتكون كلها مواد علمية )

ونصييييييييحة لااااااتحذفي الاحصاااء ,,
خذيه لانو الاترام الي بعد كذا حتكون دسمة ومحا تكوني فاااضية للاحصااء يعني في مواد اولى الي من الخطة الي المفروض نركز عليها ...

وبالنسبة للمحاسبة خذي مع نهال لانها اهون من امال .. واحصاء خذي مع لمياء لانها حتدرسكم هذا الترم والدكاترة غير الي كانوا احنا يدرسونا >> هذا بالنسبة للاحصاء , والفيزياء خذيها مع وحدة اسمها منيرة سمعتهم يمدحووها ...

وبالتوفيييق :)

[نوره الغامدي]

انا اشوف تخلي جدولك زي ما هوا ..


انا مثلا ماخذه اللحين ست مواد 18 ساعه كامله مكمله ( محاسبه 2 و انقلش 2 و احصاء و اقتصاد كلي و عربي 2 و مبادئ اداره )


انا عارفه انه جدولي ضغط , بس ما تفرق معايا لانه ادري اني شطووره و حقدر ارتب وقتي تمام :)


المحاسبه 117 مرره حلوه و سهله , بس يبغالك تذاكري اول بأول و تدربي نفسك عـ المسائل مزبووط , و تحلي تمارين الكتاب و كمان التست بانك مررره حلووو و فيه افكار كثيره ,, انا اخذتو مع نهاال و جبت درجه عاليه والحمدلله ..

اقتصاد 107 ماده رهيبه ومافيها اي تعقيدات .. انا اخذتها مع محمد البنا و كان تمام الله يسعده . بس اعتقد انه هالترم مافي دكاتره يدرسو .. بس دكتورات ,,,


انقلش 201 يجنن ,, مره مررره سهل , و اختباراته روووعه ,, انا اخذته مع عايشه ,, هالاستاذه مررره عسووله ومتعاونه لابعد درجه .. اختباره الفاينل كان السبت اللي راح >> صراحه كان تااافه ..

ثقافه 2 لسآ ما اخذتها , بس اعتقد انها عاديه زي 1 تقري الكتاب و تفهمي الكلام و تدخلي الاختبار و تجيبي درجه حلووه


احصاء اعمال انا اخذته الترم اللي فات بس حذفته لاني ضايقني و ما ارتحت مع استاذتي ,, بس هالترم اخذته مع لمياء باحارث .. مررره يمدحوهاااا ,, الاحصاء يبغاله وقته و جهده ,, يعني لازم تركزي عليه مزبووط و تحلي كثير ..

زميلاتي اخذوه الترم الاول وماشاء الله درجاتهم حلوه , تقدري تجيبي فيه a & a+ بس اهتمي فيه و حيهتم فيكي :)

الفيزياء اخذته فـ التحضيري ,, كان حلووو و سهل وجبت فيه درجه كويسه , اخذته مع لبنى سندي ..


اخر شي بأنصحك نصيييييييحه لوجه الله .. خليكي دايم متواصله مع الشباب هنا فـ المنتدى , لانه الرجال كل شي بيدهم , حتى النهائيات تجي من عندهم , يعني اي دكتور ينزل تست بانك او نماذج , او يعطي الاولاد اي معلومه عـ طووول اسألي قبل اي اختبار لاي ماده .. >> نزلي موضوع هنا و ان شاء الله الاولاد مايقصرو معاكي ^_^


موفقه اختي و اهلا و سهلا فيكي ^-^

[battota]

حبيبتي اسمعي تبغي تجيبي معدل حلووووووووو

اسمعيني


انااا الترم اللي فات

اخدت اقتصاد جزئي ومحاسبه 1 وانجلش 1 وثقافه وفيزياااااااااء

5 مواد كافي يا قلبي

خدي الجزئي مع البناااااااااااااااااااا او خالد الديب او خالد سيد ,,,,,,,انا كنت مع البنااااااااااا والحمد لله شرحه مرررررررررررره حلووووو وطيوب واسئلته دايمااااااااااااااا اختياري مافي ولا سؤال مقالي


المحاسبه اخدتها مع نهال اببببببببببببببببببد ما عجبتني لا شرح ولا شي ولا صوت حتى ههههههههههه ولا شئ

بس جبت درجه حلوه بمجهودي الحمد لله

بس بين امال او نهال يفضل نهااااااااال لانو امال تعطي بالعربي افضل اما الانجلش لغتها مش ولا بد


ثقااااااااااااافه خديهااااااااااااا ترفع معدلك صح دسم الكلام بس معليش ذاكري

انا اخدتها مع استشهاد حريري وما تفرق مع اي استاذه


انجلش 2 اخدتها مع ا .منى حلمي قمممممممممممممه في الشرح وتعطيكي علامات ربي يسعدهاااااااااا ولغتها مررررررررررررررررره حلوه ماشا ءالله عليهاااا وتراعي ربي يوفقها

بس ما اعرف كاني سمعت انو بطلت تعطي

فيزياااااااااااااااء اكييييييييييييييييد ازم تاخديها مع دكتوره منيره الحماد ماشاء الله عليهاااااااااااااااااااا اخلاق وشررررررررررررررررررح وكل شي عسل عسل ربي يحفظها ويوفقها



انا اقوووول احذفي الاحصاااااااااااااااء خديه الترم الجاي السنه الجايه يعني

واذا اذا تشوفي 5 قليل ضيفي عربي انتي حره بس احذفي احصااااااااااء



بس انا هالترم اخد كلي ومحاسبه 2 وانجلش 2 واحصااااااااء وعربي

5 موااااااااااااااد

والمبادئ السنه الجايه اخدها

[فتاة اقرأ]

شكرا رورو على الموضوع

افادني كثير ..

بس بقولك كيف اضفتي الثقافة واحنا مو شغال عندنا غير الحذف؟؟

[battota]

ممكن من الجامعه يا اقرا تضيفيها

[sanfoora]

اما كدا

اجل انا ايش اسوي في جدولي :"(

انا محاسبه ومبادئ اداره واقتصاد كلي وجزئي وثقافه 3 وانقلش 201

محد رد عليا بالله ايش تنصحوني انا فكرت احزف الثقافه واحوط بدالها ماده حره

بس ماني عارفا ايش اختار ماده حره تكون سهله بالله افيدوني :(

[It's Easy]

بطووطة احتمال مايدرسونا رجال اقتصدا كلي

بعدين انتي كل الناااس بعدتييهم عن الاحصااااء خخخخخخخخخخ يعني عشنك انتي حذفتيه؟؟

ترى مررررررررة احسن انها تاخذه وانصح اي وحدة حذفت الاحصااء تاخذه هذا الترم >> الين متى بتأجلووه يعني ؟!!! ترى وراكم وراكم هههههههههههههه

و5 مواد قليييلة وعلى كذا الوحدة تتأخر في الخطة الا اذا مامداكي تضيفي مواد مثلا من المستوى الخامس >> لانو انا كذا 5 مواد بس مو بكيفي لانو انا خلصت كل المواد ويقيتلي مواد المستوى الخامس وطبعا مافتحوولها شعب ... الافضل انك تاخذي قد مااتقدري ..
وبالتوفيق للجمييع

[It's Easy]

سنفوورة حلوو جدولك وخلي الثقافة هذا الترم احسن وبعدين فكري في الحرة :)

بس مو كلي وجزئي مع بعض يلخبطوا ؟؟

[sanfoora]

دا الي خايفا منو الخبطه ههههههههههه

بس سيبيها على ربك لانو لازم اخد دي المواد

[sanfoora]

بس انتي ازا شايفه الحره اخدها بعدين واخلي الثقافه

في رايك افضل