سـعـودي وأفــــــتــــخـــــر...ويحق لي..

[مِنْ أينَ لَكَ هَذآ]

أما الجنسية فهي تحصيل حاصل,

أحسنتم , هذا مَقصدِي قد أوجز في هذه الجملة

ما أدري ايشبهم زعلوا

لا ما زعلنَا , بس " و ذكر فإن الذكرى تنفع المؤمنِين "

[الولد المنمق]

شكرا شكرا لك وماقصرتي بس والله

قلبك ابيض باين عليك

وعلى السجيه زي ماقالو اهل جده

[بنت قحطان]

سكوت اتوقع تكلمتي عني بعد مايحتاج ازيد على كلامك

[عادل مظفر]

المشاركة الأصلية كتبت بواسطة سكووت اعتقد كلامي منطقي ومايحتاج توضيح اكثر طيب ونتغنى بالموجود ونفرح بشي بسيط زي كدا وموجود بكل مكان سواء الغيرة او غيرو .. اذا كنت شي فلازم تنقدو وتبين سلبياتو عشان يتعدل ويتحول للأفضل مو نمدح ونجامل عشان خاطر جواز اخضر لا اذا تحب بلدك عن جد واصيل تقبل السلبيات وحاول تعدلها ..وترا سلبيات البلد اكثر من ايجابياتها بصراحة ولازم نعرف السلبيات عشان نطورها للأفضل مو نصير زي النعامة اللي تدفن راسها او مجرد ناس تغنى للبلد لمجرد المجاملة واسم اني فخوورة بدون معرفة ليش انا فخورة

والله افتخر اني سعودي وراسي فوق

واذا بتتكلمي على السلبيات والايجابيات سواء في السعودية او غيرها من الدول المتقدمة
جميعها بلا أستثنــاء عندهم الايجابيات والسلبيات

ومين قال المملكه سلبياتها اكثر من ايجابياتها ؟؟؟

بقولك مثال بسيط :

المملكه هي من أوائل الدول اللي تعطي مكافات مالية لطلاب وطالبات الجامعة ، وهذا مثال واحد فقط
والحمدالله المملكه جالسة تتطور تدريجياً لكن مشكلتنا او البعض منا مستعجل يبي كل شي بسرعة
ولا تخافي في هالزمن محد راح يجامل احد .

,,,, ممكن تعيشين في المملكه من غير جنسية سعودية ؟

عيشي شهر واحد فقط وتعرفي ان الله حق

ترى نحن في نعمة نحسد عليها المفروض نعالج المشكله وليس نضخمها

وشكراً

[سكووت]

وانا ماابغى اكتر من كدا ..نعالج المشكلة ..والمشاكل اصلا مضخمة من نفسها ..

[alraga]

الموضوع كبير جدا بغض النظر عن الية طرحه

فاعتقد بأنها ستنكشف الكثير من النوايا الحسنه وخلافها . كل شخص مسئول عن رده وتعبيره يمثله بالدرجه الاولى
من لم تعجبه الوطنية فليدع الهوية ويبحث عن هوية بها وطنية .


صاحبة الموضوع : مالهدف من طرح مثل هذا النقاش فلدى اجيال الوقت الحالي توجهات زرعها ناقمون وحاسدون ومحسوبون على الهوية والوطنية ليسوا متأصلين في هذا الوطن . نحن من نحسن التصرف ونحن من نسئ ولو عدنا لحب الوطن والوطنية مع الهوية لقل التعداد للسكان وكثر للمساكن المؤجره .

ياصاحب الجنسيه تحصيل حاصل هل تملكها ام انها موهوبه لك كي تحتسب على تيار اخر . لابد ان تفرق بين الجنسية والهويه ان كان هناك فوارق . اسعدني ردك الموزون لا الى هنا ولا الى هناك . توصيل الرساله يحتاج الى من يفهما لا الى من يرسلها .

هناك من يريد الوقوف . وهناك من يريد ان يزيد لمعانا فلنشاهد .

لا اذا تحب بلدك عن جد واصيل تقبل السلبيات وحاول تعدلها ..وترا سلبيات البلد اكثر من ايجابياتها بصراحة ولازم نعرف السلبيات عشان نطورها للأفضل مو نصير زي النعامة اللي تدفن راسها او مجرد ناس تغنى للبلد لمجرد المجاملة واسم اني فخوورة بدون معرفة ليش انا فخورة

ياصاحبه جواز اخضر : لدي قناعه ان الدخلاء على الوطن والوطنية والمحسوبين على جواز اخضر بلا هويه هم من اساء واكثر السلبيه . وشوه الصوره وكأن من فوق يطحن من هو تحت كي يظهر محسوبا .
في النهايه خيري لغيري ... وفي الكلمتين الاخيرتين اختصار لما هو حاصل للسلبيه .

ترى نحن في نعمة نحسد عليها المفروض نعالج المشكله وليس نضخمها

شكرا عادل

[سكووت]

alraga
الدخلاء على الوطن سواء ماسك جواز اخضر او غيرو..مين برأيك جابهم !!مو الوطن اللي جابهم هنا وسمح بتواجدهم..وليه جابهم اذا كانو يفسدو بالوطن ليه الوطن مايعالج المشكلة ويحد من تواجدهم لكن للأسف احنا نكره وجودهم هنا لكن ماتقدر نستغنى عنهم لاسباب سخيفة وعقد نفسية..والمشاكل مو منهم بس المشاكل حتى من اصحاب الوطن انفسهم ومنهم المثقفين والكبارية واصحاب المناصب ...الخ

على ايش تفخر وعلى ايش راح يحسدونا الدخلاء على الاموال اللي تنأكل وتنسرق ولا على فلوس التعليم اللي ماندري وين تروح وماشفنا نتيجة ولا على حال المرأة السعودية اللي يتحرك ابطأ من السلحفاة ولا على البطالة والواسطة وطريقة التعليم أوالافكار القديمة والمعتقدات البالية..الخ

الشي الوحيد اللي افخر فيه انو انا عايشة في بلد فيه مكة والكعبة المشرفة والمدينة وبس ..

اخ عادل بالنسبة للمكافات ترا مو بس السعودية تدي مكافات وقارن بين وضع بعض دول الخليج والسعودية سواء من ناحية فواتير الكهربا او بدل بطالة او قرض زواج ..الخ

الكلام يعبر عن وجهة نظري انا ومافي اي تعميم او تحديد لشخص بعينه

[أحـمـد ظـافـر]

سكوت , الله يرحمك والديك فكينا من ردودكـ الممزيفه ..

[سكووت]

^^

مزيفة ولا عشان حقيقة وبعض الناس ماتحب احد يقول الحق ..
عالعموم غمض عيونك ماغصبتك تقرا وتناقش انا اقول رأيي ومااجبرت احد يرد عليا

[wallo]

^^^

سكوت حبيبي هدي اعصااابك ترى مافيش حد يستاااهل ...

سعوودي وماسعوودي وآآووهـ ياسعوووودي ع ايييييس نفتخر اذا كانو فيهـ ناس بدائية وصلو المرحلهـ الجامعيهـ ولسى مايعرفو يحاورو ولا يناقشو واذا خالفتيهم في الرأي ع طووول يقولو كلاام مالو دااعي ؟؟((في كل مواضيع المنتدى))

ع ايه افتخر اذا كانو مايعرفو يهرجو كلمتين ع بعض الا لاازم يقولو كلااام مو حلو في حق غيرهم !

بعدين اخووي ADss انا احترررمك جداا ومره من المرات قرأت لك كم رد وحسيتك انسان راقي في تعاملك وترى سكووت صحبتي ومرره ماسمحلك تقولها كذا هيا ماقالت شي غلط هيا قالت انو لكل شي فيه سلبيات وايجابيات ومانكووون طوول الووقت نغني اووه ياسعوودي بدوون مانحسن في اوضااع البلد ....!

وانا اعرفها اكتر من اي شي ردودها من قلبها ومافيه اي شي مزيف منهاا صدقني ..

المزيف لما يجوو ناس ساكنيين بإيجااار وحالتهم حاالهـ ورواتبهم ع قدهم والديوون ع ظهوورهم وانتسااب وماعطووهم اي فرصة يدرسو زي الناااس .......إلخ ويكتبووو انو احنا احسن بلد في العااالم من كل النواااحي ؟؟! > هنا اقوول انو هما اللي ردودهم مزيفهـ وحتى ينكرو الواقع اللي هما فيها ....

كلنا نفتخر اننا سعووديين بس عشان مكهـ والمدينة واعتقد انها لكل الناس ماهي مكتووبهـ بإسمنا ..