ملتقى طالبات الريسيرش د. ابتسام فكهاني 2010

[الضمير المستتر]

مررحبااا بناااات
قاصدتكم بخدمة <== تحزن مررررة ترى

بنات أنا للحين ماحضرت ولامحاضرة ريسيرتش نهاااائي
عندي مديكال ريبورترز بس أبغى أعرف اش أخذتوا من البداية وبالتفصيل إذا ممكن
واش مطلوب أسوي

أبغى أداوم الأحد وانا عندي فكرة وجايبة لها شي يعني يمشي الحال

بليز بليز بليييززززززز هيييييييلللللب مي

وسوري عالكلفة مقدما

[حنين الود]

^
^
لو حتمشي على تفكيرك دآ مع د.إبتسآم حتآخدي Fوانتي مرتاحه ماتـُحب شغل الكروته دآ..وأغلب البنآت الي كدآ يأخدوآ معآهآ درجآت مو كويسة عندك ربوع وخميس وجمعه ..إيش حتعملي..دوريلك قصيده والا قصه قصيرة والا مسرحيه قصيره وإعملي عليها كم حركه وحآولي تلقي موضوع سهل وصلي ركعتين قبل لآتبدأي عشآن ربنآ يسهل عليكي وينور دربك..لو مو عآرفه عن إيش تكتبي إدخلي موضوع الغشآشين
Let's cheat in a good way..طلبات(الواجبات +بحوث+مساعدة في حل الواجبات)
دوري فيه أفكآر أو أكتبي طلبك..

[الضمير المستتر]

افاااا ليه كده
ليه كده
<== شافت الاف طاروا عنونها هع
فال الله ولا فالك حنوون

حنين انا مو قصدي اكروت <= اقتباس
بس اول حاجة ابغى افهم وش اعطتكم وش قالت لكم
1-
2-
3-
يعني أساسيات ، طلبات ، اسم كتاب ... زي كذه

حاجة ثانية أبغى أفهم السالفة ولو جزئيا قبل ماأحضر أول محاضرة لأن صعب أقولها عيدي حق 3أسابيع

وغير كذه أنا حأروح لها المكتب وأحاول أشتغل عالريسريش قد ماأقدر
بس أبغاها كمان تشوف إني مهتمة وجايبة شي عن الموضوع حتى لو مو 100%

عرفتي قصدي ياقمر


الشي الثاني انا عندي مسرحية قصيرة الثيم الأساسي فيها إنه زي ماتقولي ارتكاب الأخطاء أو الآثام فطرة في كل إنسان مهما كان درجة تدينه أو طبقته أو أو يعني زي كذه

فهل قصدك كذه ؟؟
عشان إذا قصدك كذه تكوني هونتي علي الموضوع لأنه قاريتها ومخلصة

الشيء الثاني كيف أعمل عليه كم حركة <== فسري ؟؟؟

وآخر حاجة إذا الفكرة كذه صح اش المفروض أكتب في البحث يخص الفكرة
عشان اعرف إذا فكرتي ذي ممكن أكتب عنها وإلا أدور لي شيء ثاني

مرررررة ثرررثااااااااارة أنا
بس الله يعنيك علي جد مو عارفة
والله يسعدك ويوفقك عالرد

[حنين الود]

اول حآجة فكره الموضوع خورافيــة أنا وأختي لـسآتنآ بنتكلم فيهآ ..مررره حلوه
الشي التآني الحركآت أقصد مثلا وإنتي فآضيه إجمعيلك كم آرتكآلز شوفي إيش نفسك تكتبي عنه مثلآ تجمعي شورت سوريز تدعمي فيهآ موضوعك..إتصفحي شويتين اعطي نفسك نص سآعه بس <<أهم حآجة تتصفحي في إطآر الموضوع ..وحتشوفي..وأنا مستعدة لآي خدمآآت ولاتشيلي هم تحضير وخرآبيط أهم حآجه عندها إخترتي المسرحية +إخترتي موضوع وبسسسسسس

[الضمير المستتر]

مرررررة مرررررررة مررررررة شووووووكرررن يا عسل

بجد هونتي الموضوع علي
وإن شاء الله كذه ربي يوفقك وتتخرجي امتياز مع مرتبة الشرف
وتصيري أستاذة حنينة عالبنات الي زي ههههههههههههه

بجد يعطيكي ألف ألف عافية وماقصرتي ياحلوة

[البطه]

بنات عندي سوالين بس

اول سوال انتو انتظام ولا انتساب

ثاني سوال هل اقدر اخد مادة الريسرتش قبل مقدمة الادب
ما اقصد بالمتطلبات لالا اقصد هل بيمشي حالي لانو ماقدر اخذ مادة مقدمة الادب وانا راسبه في الريدنق2

[زيـــنـــة]

احنا انتظام ، و الأفضل انك تكوني مخلصة المقدمة عشان مواضيع الريسيرش بتكون مقتبسة من قصة قصيرة أو رواية أو مسرحية و كلها دي أدبية ، يعني لابد انك تكوني عارفة خواص كل فرع من فروع الأدب عشان يسهل عليكِ اختيار النص و الموضوع تبع البحث

موفقين يارب ،،

[حنين الود]

المشاركة الأصلية كتبت بواسطة البطه بنات عندي سوالين بس اول سوال انتو انتظام ولا انتساب ثاني سوال هل اقدر اخد مادة الريسرتش قبل مقدمة الادب ما اقصد بالمتطلبات لالا اقصد هل بيمشي حالي لانو ماقدر اخذ مادة مقدمة الادب وانا راسبه في الريدنق2

البنات الدبدوبآت (زينه + الضمير السمتتر +بوح ) < كلهم إنتظام
وبالنسبه لو تقدري تآخديه أو لأ إيوه تقدري ..تآخديه بس بشرط مو مع د. إبتسآم لأنو لآحظت الي مو مآخدين الأدب يرسبوآ معآهآ ..بالنسبه للادب والريدنق كتيييييييير بنات إنتظام اخدوها مع بعض يعني يآخدوا أدب وهمآ حآملين الريدنق 2

[serenity]

سلامو عليكوم < سارقه اليوزر ومستعجله

بنات انا بدأت واخترت موضوعي وأموري تمام . بس ابغى أعرف ايش المطلوب ليوم الأحد الجاي بالزبط . عشان ابدأ احضر لها

وسؤال كمان : هيا جابت طاري الاختبار ؟ لأنه متلخبطه مرره بين المواد :s

وياربي يوفقكم ويجزاكم خيررر :)

[serenity]

Up

:(