اول اسبوع في الجامعه الرجاء من الجميع الدخول

[manal]

عندي خبر يا ديفل عن موضوع الغياب
لا تشيل هم ماني من النوع الغياب أو اللي يفوت شيء من أيام المدرسة وأنا كدا فما بالك وأنا دحين
في الجامعة وأبغى أجيب معدل عالي !!

هههههاي ضحكتني قلك لون برونزي ترى فيه شمس بس مو لدرجة نتبرونز مرة وحدة <<<كلمة جديدة نتبرونز لووووول
----------------------------------------------------------
هاي دافورة
انا راح احكي لك على الأسبوع الثاني اللي هو دا
لانه بالنسبة لي كان أحلى من الأول والسبب اني دخلت فيه المشرحة
يااااااااي it was so exciting
أول مرة رحتها يوم الاثنين يعني قبل أمس ...طالعت بس من عند الباب وشفت الجثث مغطاية وشميت الريحة وصارت رجولي ترتجف ..حسيت اني ماني قادرة أوقف
اليوم الثاني اللي هو أمس ..رحت مرة ثانية طالعت من عند الباب ودخلت خطوتين بس بدون ما أرتجف ..الحمد لله
اليوم ..رحنا وجمعنا لنا كم بنت من الدفعة ودخلنا ...تخيلي اتجولت فيها والله انا ماني مصدقة نفسي اني قدرت أمشي بينهم(الجثث) طبعا ما شفت وجوههم لانه البنات كان عندهم درس أعتقد على الساق او الفخذ شيء زي كده فكان الجسم كله مغطى ما عدا الفخذ والساق ...وكان باين الراس من تحت الغطا يا حرام اللي شفته أظنه عجوز والله شعره ابيض والجلد مفصول عن الجمجمة أظنهم شرحوها ولا ايه ماني عارفة...
المهم كان شيء رهيييييب فعلا ...ان شاء الله المرة الثانية حأحاول أدخل وهم كاشفين الوجه نفسي أعرف حأخاف ولا لأ!
كلامي كتير صح؟
والله عارفة أصلا من يوم ما دخلتها وانا داوشتهم في البيت

سامحوني على الاطالة

[عــــامـــر]

عندنا شمس تفحمك مو تخليكي برونزي

[الدافوره]

الله يعينك حبيبتي منال ويصبرك
ديفل انتوا اولاد عادي تفحموا تصيروا برونزي مو احنا البنات لازم نهتم ببشرتنا وجمالها صح
لووووووووووووووووووووووول
وانتوا في حريقه<ترى امزح>
نو زعل
الموهيييييييييييييييم
شكرا على مروركم حبايبي

[caramella]

انا اول اسبوع مارحت غير يوم الاتنين والتلوت
صراحه شفت مبنى العلوم الجديد كانو اسياب مستشفى بس بااااااااااااااااااااارد كانك في فريزر
وماكان في محاضرات طبعا بس شفت صحباتي
وتاني يوم نفس الشي
والربوع مارحت
بس الاسبوع التاني شفت العاشر كيف ضبطووو
زمان اول مادخلت الجامعه كنت احسببه حمامات
وشفت التامن مررررررة عدلوووو احسن من اول بكتييير وهوا كان خرابه
بس احلى شي في الكراسي مدري غيروها ولا لا
الكراسي الملونه الوااان يالطيف كل صف بلون اشي احمر واشي ازرق واشي برتقالي عفن الواااان صراحه فللله

[smile flower]

مرحبا شباب وبنات...
ذكرتيني باول اسبوع ليه في الجامعة...
كانت ايااااااااااام...
بالنسبة للترم داه كانت بدايته مثل الثلاث الاترام اللي راحت...
دوام عند مكتب المرشدة...
على احذفوا داه وحطوا داه...
يعني اللي ما تمشي على الخطة الله يعينها...
وظليت ليوم الاربعاء وانا مداومة قدام مكتبها لانه كان في مواد مسجلة بتعارض...
الموقف الوحيد الطريف انه المبنى الجديد سعة بعض الغرف فيه مش كبيرة..
الشعبة مسجل فيها فوق 46 والكراسي 24 بس!!!!
طبعا دخلت حضرتي اول يوم متأخرة (تأثير الاجازة) ولقيت القاعة فل...
اخذت بعضي وخرجت...
بس خلاص هذي اول واخر مرة..
صرت احضرلها بعد كدة قبل بربع ساعة...


بالتوفيق للجميع وترم دراسي كله خير وسعادة...

[متفائل بحذر]

بالنسبه ليه .. حضرت من أول يوم وكان دوامي من الساعه 8 لين الساعه 5 .. بس للأسف ما حضر الا دكتور واحد حق الثيرمو دايناميك ( الديناميكا الحراريه )
وباقي الأيام .. حضرت .. وحضروا الأساتذه .. وبدينا في دراسة المنهج ..
بالنسبه للمباني .. صار فيها صيانه جيده .. خاصة مبنى 79 ومبنى 40
انا عارف ان البنات مو عارفين انا وش اقول مثل ما انا مو عارف ايش يقولون .. بس مو مشكله !!
بالنسبة لسالفة الجثث والتشريح .. الله يعينكم من جد شي يجيب القلق .. ما ادري كيف تقدرين تنامين في الليل !!

[S o L i D]

مرحبا

احنا بدينا الدراسه من أول يوم !! تصدقووووووووووووووون ؟

لما خلصت المحاضره الاولى رحت قابلت اصحابي وانواع السواليف لين الساعه 11

وبعدها رجعت البيت


واسف على الاطاله خخخخخخخخخخخ

[الدافوره]

مشكورين حبايبي ع المرور تسلمووووووووووووووووووووووو

[^^alloosh^^]

سلا عليكم ...كيفكم شباب وبناات الجامعة المحترمة ........أنا صارت فية مقالب من اول يوم بالجامعة ...والسبب إني أول واحد في عائلتي الكريمة من الشباب من يدخل الجامعة...يعني كبير الشباب بالعائله.....شيبة الشباب بالعائلة هههههه...
على العموم أول محاضرة كانت محاضرة ثقافة اسلامية وحضرت عمد دكتور غير دكتوري تخيلوا مادة 401 ثقافة شطحت مرة وحدة ...كان عندي معمل في مبنى العلوم فضلت ادور على المبنى حتى اتكسرت رجلي وفي الاخير لقيته بعد ماتحسب عليه غياب محاضرة ..........لاني حضرت لما انتهى معمل الكيمياء ....وأحلى موقف مع دكتور الانجليزي



كان باكستاني صرااحة أول محاضرة جيت متاخر أول مادخلت كان يهرج كلام مافهمتو مع اني بلبل انجليزي يقولو الشباب انه كان يتريق علي ..على العموم انا أصلا مافهمت ولاكلمة منه من اول الترم لأخره ...........الانجليزي اتحول لغة باكستانية ماتفهم ايش اللغة الللي يتكلمها........ومواقف كتييييييييييير مرت عليه وأنا الان

في قسم علوم الحاسبات سنة تالتة ....................دعواتكم لي بالتوفيق ......مع تحياتي .............

[رمروم]

انا الحمدلله خلاص تخرجت من الجامعة وارتحت من وجع الراس حقها بس من جد انها متعة وربي
خصوصا لما كنا مانعرف المباني ولا اول الايام نروح نقعد قدام وطبعا لاننسى المباني الجليدية زي 40 و 73 وطبعا لاننسى المبنى الشعبي اقصد اللي كل طلاب الجامعة درسو فيه وهو 125 طبعا ناهيك عن الكلية الاثرية اللي يدرسو فيها طلاب الفلك بيدرسو في كلية العلوم القديمة يقولو انها كانت مشروع قلعة مصاص الدماء مع العلم انو كان تخصصي احصاء وعلوم حاسبات بس كنت اسمع عنها