بما انكم موجودين( سؤال عن الدكاترة والمواد للترم التاني )

[Lamar1]

نصيحه نصيحه للي لسا ما اخذت elib 201
تنتبه ما تاخذو عند استاذه نجود حتكره نفسها
يمكن دا الترم تدي المستوى الثاني
مراااا تعبتنا معاها كلنا بنشكي منها لا شرح ولا درجات وفي البرزنتيشن نقصتنا كثير وخلتنا نداوم الين اخر يوم قبل الاختبارات
دكتوره امال عوض مرا كويسه للمحاسبه

[ωαнм]

محاسبه الكل بيمدح في دكتورة سحر ,
ادارة رنا انا اخذت معاها تساعد في درجات البحث والبريزنتيشن وهذا اهم شي عشان تضمني الدرجات الباقيه
والميد تيرم ساعدتنا كمان ,
عربي فوززيه العتيبي مراااا قووود بس ماتحضر بالورق
ثقافه هوا هوا بالصيفي الحين زي بعضو فخذيه الحين انا الحين اخذ 2 مع زينب حبيب الله تحضر بالورق
انجلش عييشه مرا متساهله وفله بس كدرجات يعني !
اقتصاد اخذت مع ناديه كويسه لاباس بها اسئلتها حلوة واخذت مع لبنى برضها كويسه وحقانيين بالدرجات
بس كشرح كلهم يعني ,

دعواااتك

[beeboo2012]

المشاركة الأصلية كتبت بواسطة ҳҲҳŔỜŔỜҳҲҳ اهن اهن يابطططه اقتصاد كلي ابعدي كل البعد عن دكتورة ناديه <<تقرأ من السلايدات بسس ويوم نجي ننسألها تحووس الدنيا وتقول بسألكم لبنى وبرجع اقلكم يعني من ناحيه الشرح زيروو عندكك الانقليش خذيها عند مس عيشه خططططططططططيرره وفللله وتجنن وكلاساتها كلها ساعة إلا بالكثير وتكنسل كمان وتعطينا يوم اجازة بعد اي ميد تيرم عسسسسسسسسسسل مررررررررررره بالتووووفيق فالاختيار :)

الحين استاذه ناديه تقرأ من السلايدات ؟!
الا تشرح سلايده سلايده بضمير .. و اذا ما فهمنا تعيد لين ما نفهم
و بعد هيا تقول بتسأل لبنى في القرارات زي الحذف وكذا مو في الشرح ! عمرها ما قالت بتسأل استاذه لبنى عن شرح شي في السلايدات !!

و اذا ما تدري كانت درجات طالبات ناديه اعلى من غيرها ..



و بالنسبة الى عايشه
صحيح انها فله و كذا
بس ما تساعد في الدرجات ولا حتى 1%

[ҳҲҳŔỜŔỜҳҲҳ]

المشاركة الأصلية كتبت بواسطة beeboo2012 الحين استاذه ناديه تقرأ من السلايدات ؟! الا تشرح سلايده سلايده بضمير .. و اذا ما فهمنا تعيد لين ما نفهم و بعد هيا تقول بتسأل لبنى في القرارات زي الحذف وكذا مو في الشرح ! عمرها ما قالت بتسأل استاذه لبنى عن شرح شي في السلايدات !! و اذا ما تدري كانت درجات طالبات ناديه اعلى من غيرها .. و بالنسبة الى عايشه صحيح انها فله و كذا بس ما تساعد في الدرجات ولا حتى 1%

اوك حبيبي كل واحد وله وجهة نظر انا بالنسبة ليا درست جزئي عنند د.عفاف صح كانت بتكرفنا كرف فالاختبارات بس بجدد فهمتنا ايش هوا الاقتصاد مزبووط كانت بتشرح بضمير ومسكت قلم وعالسبورة ,الرسمات كانت بتفصفصها الادميه كانت بتشرح من قلبها

د.ناديه بصراحه ماشفت منها شي فالشرح مجرد نقاط بسيطه وبديهي بتفهميها

وع سالفة انها بتسأل د.لبنى عن شرح شي فأنا مابقول شي ماجربته اذا كانن اسئلة الاختبار يوم جينا نناقشها ف سؤال قالت بسأل د.لبنى وبعدها كمان رسلتلنا ايميل طويل عريض وفيه شرح للاجوبة اللي اشكلت علينا
وكم مره سألناها ع حاجه تقول بسأل لبنى وبقولكم

مابتبلى عالحرمه صح انها طيبة وعسل بس معليش فالشرح ولا شي
صحبتي بتأخذ عندها جزئي الحين مررره عانت قالت الكلي لو مافي غير هيا لا احذف الماده

[< جـنـون الـصـMـت >]

يَ عَسَلْ، الـمُـحَـاسَبَهـ/ هِيَامْـ مَرَّه عَسَلْ وَ شَرحَهَا تَمَامْـ ~
باقِيْ المَوَادْ كَانْوا الـأسَاتذَهـ مُو مَرَّهـ، مَا أنصَحِك تِحضَرِيلَهُمْـ!
بَسْ مَادَّة الـإدَارَهـ/ خُذِيهَا مَع رَنَا’ جدَّا مُرَاعِيهـ وَ طيِّبَهـ في الدَرجَاتْ ~
::

بَنَاتْ <~ أبي اسألكُمْـ عنْ الـإحصَاء أعمالْ وَ إعداد تَقَارِيرْ وَ تَسوِيقْ ~
مِن أفضَل أستَاذَه تِرجِّحُوهَا، مِن ناحيَة الشَّرحْ وَ الـإختِبَارَات وَ الدَّرجَاتْ وَ المُرَاعَاهْـ!
وِمينْ تِنصَحًونِيْ أبعِد عَنَّهُمْـ
,
شُكَرا لَكُمْـ مُقَدَّمَا

[joony]

بنات اعداد تقارير وتسويق مين افضل وحده ؟

[الامبراطورة نوف]

التسويق نصصصيحة فقط خذيه مع د.شذى عزي
دكتوورة تخلي المحاضرة ممتعة من شرحها الحلوو وجدا عسل

[الامبراطورة نوف]

جنون الصمت يا قمر
بالنسبة لإحصاء اعمال حاولي تاخديه مع نفس رئيسة القسم الي هي د.لميااء باحارث
واذا ماقدرتي خذيه احسن مع د.تغريد
انا حملت المادة مرتين أخدتها مع دكاترة غير هدوول وندما أني مااخذت معاهم بس ان شاءالله السمستر الجاي أخد مع احد فيهم
والله يوفق الجميع

وبالنسبة للتسويق طبعا مع د.شذى عزي

بالنسبة لإعداد تقارير سمعت انو مس عيشة هي الافضل في دراسة الانجلش بشكل عام
بس ما أظن في دي المادة تفرق المس الي تدرسك لانها جدا موووية

[The golden girl]

محاسبة خذي عند شريفة أو سحر

هيأم صح طيوبة وتراعي بالأختبارات لكن لأزم تشتغلي ع نفسك اذا تبي الفل مارك

بالتوفيق

[احــلام]

السلام عليكم
مو عارفة ايش اضيف
انا حولت واعتذرت ودحين مني عارفة اروح الجامعة واسالهم ايش اضيف مواد !! اخاف مالاقيهم
حتى اعرف اذا نزل الحذف والاضافة
انا باقيلي احصاء اعمال واقتصاد جزئي واقتصاد كلي ولغة متقدمه 1 و2 و3 وطبعا فيزياء
اااخ مرا كتيرة متى اتخصص :(