حمله تاجيل الدراسه في الجامعه

[IT girl]

السلآم عليكم.
مأجورين ياأهل جدة بإذن الله..ويآآآرب يصبرنآ يآآرب بس خلووووونآ نستغفر ونستغفر ونستغفررر>>> ..مالنآ غيييييرك يآآآآرب

انآ معاكم مو بس لأن الجامعه اتضررت (على حسب كلامهم>>>> حيث أكد مدير جامعة الملك عبد العزيز الدكتور أسامة بن صادق طيب لـصحيفة المدينة السعودية أن لجان باشرت مهام رفع الأضرار بعد السيول التي جرفت سور الجامعة، وأغرقت كامل مباني الجامعة، إضافة إلى تدمير البنى التحتية بالجامعة من أجهزة تكييف وأجهزة الحاسب الآلي وتعطل أجهزة تقنيات المعلومات والحاسبات، وغرق مئات الأجهزة المخبرية الدقيقة بمركز تقنيات النانو، وأجهزة أخرى لمراكز أبحاث ومعامل كليات الجامعة.

وأكد "طيب" أن الأضرار دمرت كامل البنى التحتية للجامعة كما دمرت السيول أجهزة تقنية عالية كانت الجامعة قد وفرتها خلال عشرات السنين خلال عمليات التخطيط لتحويل الجامعة إلى جامعة الكترونية وأجهزة أبحاث متقدمه تم توفيرها لمراكز تميز بحثية كانت الجامعة أيضاً قد وفرتها خلال خطتها لتكون جامعة بحثية.)..
كمان لأن النآس لسه متضررين هي بالله كيف ناس محبوسين من يوم المطر فبيوتهم ولا أكل والكهربا كل شويا ومقطوعه>>>يعني النفسية زففففففت(هذا وضع وحدة من صحباتي فحي الجامعة وربي لين دحين محبووسين فبيتهم)
والأسوأ الناس اللي اتشردت وفقدت بيوتها وأوراقها المهمة وفلوسها ولا فقدت عزيز عليها...الخ>>>كيف حتكون نفسيتهم للدوام>>>اكيد صففففر

وكمان يعني لاسمح الله وطلعت اخبار الأرصاد الجوية صح وجات الأمطار مرررة ثانية واحنا مثلا في الجامعه ..مثلا يعني يبغونا نصير شهداء في سبيل العلم ولا اييييييييش

لآ حول ولآ قوة الا بالله..
أستغفرك اللهم وأتووووب اليك
اللهم انت ربي لآ اله الآ انت.. خلقتني وانآ عبدك..وأنآ على عهدك ووعدك مآ استطعت اعوذ بك من شر مآ صنعت ابوء لك بنعمتك علي وابوء بذنبي فاغفر لي فانه لآ يغفر الذنوب الآ انت..

[من هنا وهناك]

مشكوره اختي على المبادره بتولي امر الخطاب ولك منا جزيل الشكر والعرفان وانا كمان معاكي وان شاءالله ماتضيع جهودك على الخطاب سداء

[Woman stone]

انا معاكي

وسببي لانه بصراحه محنا مضحين بارواحنا

وممكن بأي وقت ينفجر السد , الناس لما جاهم

السيل مالقوا مين ينقذهم لساعات طويله , الين

انقذو نفسهم , حرام ارواح الناس تروح هباء منثور

من دون ماتعني شي ليهم وماتوقع الشهاده بتنفعنا

اذا فقدنا ارواحنا او اعز الناس لينا..

شاكره لكي موضوعك وربنا يقويكي..

[مراهقة طفلة]

انا أنضم لحملة تأجيل الدراسة

وشلون بيكون وضع أهالينا لما نطلع من عندهم

أو لما يجي المطر والسيول واهالينا خايفين

لو جانا المطر ومتنا لاقدر الله اهلنا شو بيعملوا

يعني هم ماعندهم عيال بالجامعه يخافون عليهم ؟؟؟

[miss:tesT_Tube of pharma]

يكفي انو امتحانات اول اسبوع
نفسية ابدًا مو لمذاكرة بالنسبة لأهالي جدة والبنات والأولاد اللي فقدوا أحد من أهاليهم
الكل تعبان من الا صار
, انا من الشرقية والطيرانات في مطار الملك فهد إلى جدة متوقفة حتى الآن
بتروح علينا الإمتحانات وأهالينا مو راضيين يخلونا نروح,
يكفي الخطر اللي هيجي من البحيرة,
ربي ييسر

سببي/ هل سينتظرون المزيد من الضحايا على الأرصفة؟
أم سيقلبون الجامعة ثلاجة موتى يبحثون في الأزقة عنها؟
, هم يريدون ونحن نريد وهذا يريدُ وهذِي تُريد والله يفعل مايريد,

[أنثىْ لأ تنحنَيِ }`]

وانا اضم صوتي معاكم

ياروح مابعدك روح

*

[عبق الزهور]

اضم صوتي معاكي ياختي لانو الوضع مره مايسمح انو نبدا دراسه اتحداهم اذ كانو خلصو تنضيف الجامعه يادوب يخلصو الشوراع والجثث وتسفير الحجاج وبعدين الجامعه والناس الي مشرده كيف بالله تدرس الي راح لهم عزيز والي راحت بيوتهم كيف دوام ابغى افهم بعدين يقول امطار الجمعه والسبت كيف ادوام يبغوني اموت في الجامعه ولا اهلنا يعشيون برعب من يوم نروح الين نرجع ولا بحيرة الزفت هاذي ا انا ماعندي استعدااد اموت الا مع اهلي قال دوام قال مع نفسهم احنا مانبغى تتاجل لاكن الوضع يتطلب ذالك مره مافيه امكانيه للدوام ولا احد يسوي فيها شاطر ويروح كلكم اسسحبو

[حابه # اتخصص]

و أنا معاكم

إذا مطر4 ساعات والين دحين عمل يطلعوا في الجثث ولا في ناس مفقودين

أجل مطر 3 أيام ايش بيصير فيها جدة

الله يلطف فينا

[مجتهده فله]

وانا كمان معاآآآآآكم
حسبي الله ونعم الوكيل

[النورس الابيض]

وعليكم السلآم ورحمة الله وبركاته



أنا كمان معك بالحملة .. وإن شآء الله يأجلون الدرآسة
الأسباب:
1.هو توقعات مصلحة الأرصاد الجوية بهطول الأمطآر بغزارة لثلاثة أيام متواصلة من يوم الجمعة إلى الأحد لا قدر الله، وهذا يهدد بسيول أشد من السابقة ،وانفجار بحيرة الصرف الصحي الكارثة الأكبر نسأل الله اللطف والسلامة.

2. بالنسبة للطرق لسه العمل جارِ على تنظيفها وتهيئتها من الأضرار التي اصابتها من حفر وتكسير وجثث الله يرحمنا برحمته، ولم تنتهي هذه الأعمال بعد يعني كيف نوصل للجامعة بطيارة؟

3. المواصلات: سيارات الكثير من الناس راحت في السيول يعني كيف يروحوا دواماتهم بغواصات ولا طيارات؟؟
4. بنات السكن كيف يطمئنوا ويذهبوا مرة اخرى للسكن في ظل ما قرأناه على لسان د.طيب في الجريدة من دماااار للجامعة يقدر بمليار ريال؟!!.
5. كثير عوائل تشردوا بعد ماراحت بيوتهم، صحيح اسكنتهم الحكومة الله يعزها لكن مازالو يلملموا شتاتهم ويرتبوا أوضاعهم.
6. الناس لسه في عزاء الله يرحمنا برحمته، مين حيداوم واهله أو بعض أهله راح في هذه السيول، لا واختبارات بعد!!!

ويمكن فيه أسباب اخرى نسيتها

في حفظ الله