انقبلت صيدله

[Hassan 91]

بالتوفيق لكي في كلية الصيدلة .. فهي كلية رائعة واقسامها متنوعة

[fatma r.s]

السلام عليكم ورحمته الله وبركاته

بس معليش أختي الي قلتي في شغلانات كتييرة للصيدلة (اعتبريني اختك الصغيرة) لاني مو عارفه ولا شيء عن دي الكلية وزي ماقالت الأخت الكل يقول انو مالها مجالات وظيفية متعدده غير شركات الأدوية و الصيدليات .. فلو سمحت أختي ممكن تقوليلي عن كم مجال كمان أنو ابغى شي اشتغل في مستشفى زي طبيب او شي زي كدا وقالولي انو الصيدلة السريرية قريبة من دا الموضوع.... المهم أختي دحين انتي بتقولي عن البكالوريس 6 السنوات ولا لمن تتخصصي انو توجد شغلانات بكثرة ؟؟؟ يارب تكوني فهمتيني واسفه اني طولت عليكم بس ياريت تفيدوني وشكرا

الله يوفقكم دنيا واخرة ..

[pharm.d .s]

المشاركة الأصلية كتبت بواسطة fatma r.s السلام عليكم ورحمته الله وبركاته بس معليش أختي الي قلتي في شغلانات كتييرة للصيدلة (اعتبريني اختك الصغيرة) لاني مو عارفه ولا شيء عن دي الكلية وزي ماقالت الأخت الكل يقول انو مالها مجالات وظيفية متعدده غير شركات الأدوية و الصيدليات .. فلو سمحت أختي ممكن تقوليلي عن كم مجال كمان أنو ابغى شي اشتغل في مستشفى زي طبيب او شي زي كدا وقالولي انو الصيدلة السريرية قريبة من دا الموضوع.... المهم أختي دحين انتي بتقولي عن البكالوريس 6 السنوات ولا لمن تتخصصي انو توجد شغلانات بكثرة ؟؟؟ يارب تكوني فهمتيني واسفه اني طولت عليكم بس ياريت تفيدوني وشكرا الله يوفقكم دنيا واخرة ..

يابنتي عادي كلنا زينا بس السنة الي فاتت نظموا يوم المهنة وبدينا نعرف الاماكن الي ممكن نشتغل فيها
وهادي السنة اتطور يوم المهنة وكان افضل بكتير من السنة الي فاتت
انا قولت برد ليا بالمنتدى بس راح اعيد من شان
1- الجامعات طبعا لو تبغي السلك التعلمي
2-المستشفيات لو ظليتي كفارم دي راح تكوني دكتورة صيلانية بس لو اخدتي الرزدنس راح تكوني كلنيكل فارمسست وهادش شغله برا الصيدلية تقريبااا
3-المصانع راح في الكوليتي كنترول ( يعني في تحليل الادوية وكدا) راح تدرسوة في رابع بالتفصيل
4-مراكز السموم وشغلها زي المعامل
5-هيئة الغذا والدوا ولسة ما في بنات يشتغلوا فيها بس قالوا قدموا عليها لانو في المستقبل القريب راح يبدؤن يوضفون الصيدلانيات
5- شركات الادوية وهادي شغلتها انك تسويق الادوية
6-في حاجة من زمان قالولنا عليها انو ممكن نشتغل بشركات التأمين كمستشارين