بنــــــــــــات الانتساب

[داانه]

اهلين حبايب

انا رحت الاربعاء

كنت ابا اخلص اوراق التخرج

رحت لعماده القبول والتسجيل

للمركز الشامل اول ماتدخل ع يدك اليسار القاعه الكبيره

بيدوكي ورقه استماره التخرج تعبي البيانات

وترفقي معاها صوره من الهويه وصوره من جواز السفر دا هوا المطلوب

طبعا عشن ما جبت الصور ما كملت الاجراءات

بس محد قللي انو مو دحينه!

دا شي والشي التاني

رحت لدكتوره سوزان ( طبعا هيا اللي حتدي الماده)وسألتها عن التدريب العملي وانو ممكن نتدرب دحين والا لا

قال طبعا ممكن

وقالتلي اجي الاحد 11 ونص فساعاتها المكتبيه

اذا كنت قررت فين حدرب

ولا زم اجيب رقم الجهه الي حدرب فيها
عشن تديني الورقه وتوقع عليها

وشي تاني

قالتلي في تلات اوراق اطبعها من مموقع الجامعه قسم اللغات الاوروبيه واجيبها معايا

انا لسى ما دورت عليها

طيب واش تاني

ايوه دكتوره سهام فطاني حتمسك الشعر

ودكتوره ناريمان حتمسك شكسبير

طبعا دا الكلام منهم شخصيا

لانو رحت لجميله ما ادتني كلام وقالت حتعرفو الاستاذات بعد 3 اسابيع!!

اللي عندها اخبار جديده تفيدنا

لانو زي منتو عارفين ما في شي مؤكد

الله يعيينا ويعدي السمستر دا ع خيرر

ياارب

[داانه]

ياحلوين

الاوراق اللي طلبتها د/ سوزان حتلاقوها فدا المسار

جامعه الملك عبدالعزيز --> كليه الأداب والعلوم الانسانيه --> الانتساب --> شطر الطالبات --> اللغات الاوروبيه

وتطبعو الاوراق

اللي هيا خمس مرفقات للتدريب العملي

بالتوفيق

[itti2020]

مين حيعطي المودرن واللابلايد والسمنار واللغويات الاجتماعية بليز

[mahawe]

طيب معلش دانه .. ما سألتي عن التدريب بالجامعه لسا متوفر ولا كتفو ؟؟!
لاني سألتها من بدري والله وقالت لي ما حد اعطاني الجدول ما اقدر افيدك ..
وغير كدا يعني اروح لها انا برضو الاحد ولا بس اللي بيدربو برا ..

[غنوج]

دانه حبيبتي لازم صور من الهوية وصور من الجواز عااوزين الاثنين والا واحد منهم

[داانه]

اهلين حبايب

مهاوي ياعسل

صراحه ما سألتها عن التدريب فالجامعه بالتحديد

هيا كانت تتكلم بشكل عام

انو اجيب الاوراق دي واحدد فين ابا ادرب

هيا قالت تعالي على اساس اني حددت فين ابا ادرب بس انا لسى ما حددت شكلي كدا مني رايحالها الاحد

لانها قالت جيبي رقم الجهه اللي حتدربي فيها

بالتوفيق

غنوج حبوبه

دي الاشياء المطلوبه لما روحت المركز الشامل اللي فعماده القبول والتسجيل

قالولي اجيبها

صوره من الهويه + صوره من جواز السفر

ومعاها الاستماره الي تاخديها منهم

وسلامتك

[غنوج]

مشكورة يادانة الله يسلمك

[ana w bas]

الله يبشركم بالخير
خبر ناريمان وشكسبير بشاااااااااااااره

[الإمبراطورة]

المشاركة الأصلية كتبت بواسطة داانه .... بليز لا تحدفو الموضوع ولا تنقلوه

====>

المشاركة الأصلية كتبت بواسطة داانه ياحلوين الاوراق اللي طلبتها د/ سوزان حتلاقوها فدا المسار جامعه الملك عبدالعزيز --> كليه الأداب والعلوم الانسانيه --> الانتساب --> شطر الطالبات --> اللغات الاوروبيه وتطبعو الاوراق اللي هيا خمس مرفقات للتدريب العملي بالتوفيق

وهيدآ الرآبط

مفردآت و نمآذج مادة التدريب العملي التطبيقي LANE 463

بالتوفيق.. :)

[داانه]

الامبراطووره

الله يعطيكي العافيه

ويسهللك طريقك ...تشكراات كتيرات