أتمنى الدخول وابداء الرأي حول المواد والأستاذات ((طالبات إنتظــام))

[memo 21]

السلام عليكم ..
حابه انزل المواد هدي ايش رأيكم /
ثقافة 3 و فكر فلسفي و قيم المواطنة و مقدمة في العلوم ومدخل في الاحصاء ومدخل توجيه وارشاد
وتنصحوني اخدها مع مين وشكرا

[Esraa.MD]

المشاركة الأصلية كتبت بواسطة pinks معليش ابغى أسألكي عن مادة سيره نبويه كيف الماده دسمه - سهله - صعبه - مع مين اخذتيها - وكيف أسألتها

اختدتها مع سمر مررررررررررررررررررررررررررررة رووووووعة كل شي يجنن ماشاءلله لو امدح من اليوم لبكرة ما اوفي حقها اخلاق اسئلة شرح كل كل كل شي والله العظيم لو تحضري معاها اسلوبها يخليكي تنسي انك تبغي درجات حاتحسي انك بس تبغي تحضري عشان تسمعي سيرة الرسول

[شروووووق]

احصاء نفسي مع استااااذه ايمان المحمدي مررا حلووووه سهله واسئلتها سهله وتراااعي
نمووو بعد مع استاذه خلوود مرررا عسسل ربي يسعدها اخلاق والماده سهله
مدخل مع استاذه ريم الحربي صصراحه انا مو عاجبتني اسئلتها دقيقه وما تاخذ ع المفهوووم حتى ولو كان صحح

[Loveless]

مدخل احصاء مع إيمان المحمدي : اصلا المادة سهلة و بالراحة فيها امتياز و الأستاذة أسئلتها حلوة و ما فيها شيء بس طيبة !

مدخل علم نفس مع ريم الحربي : ما انصح بهادي الأستاذة صعب التعامل معها في الدرجات احسها تصعب المادة و تكبرها و هي سهلة !! طارت مني كتيييير درجات معاها و ما اتوقع أخد معاها شيء تأني و ما تاخد بالمفهوم و أسئلة صعبة و لف و دوران !!

ثقافة ٢ مع رشا رجب : الله يسعدها دمها خفيف و طيوبة الأستاذة و أخلاقها عالية

تحرير كتابي مع سهير : اروع استاذة عربي على مر التاريخ ما راح اوفي بحقها مهما تكلمت ربي يسعدهاااا !! و اصلا المادة سهلة و بكل سهولة الامتياز المرتفع فيها !!!

علم نفس النمو مع أروى عرب : ما انصح بالاستاذة ما تسمع طالباتها و ما تشرح عدل الصراحة بس تقرا من الكتاب و اختباراتها صعععبه و ما تراعي :(

علم نفس اجتماعي من اسماء باصرة : أسوا مادة قابلتها في التخصص و الله يستر من الباقي !!! و كمان الأستاذة اسماء ما تراعي بصراحة هي حبوبة و كل شيء بس في الدرجات ما تاخدي معاها راحتك يعني درجاااتك تطيييير ايش الفائدة !! ما اتوقع اني أعيد الكره معاها أبدا !!

و بس بسألكم بنات ايش تنصحوني بالمواد اللي ممكن اخدها انا مستوى رابع ! محتاجة رأيكم بليز ضروري !! نفسي أخد ٦ مواد بس مني عارفه ايش أخد !!! ساعدوني :(

[بنوتة هلالية]

بنات فكر فلسفي ومقدمة ف العلوم والشباب وقيم المواطنه>>>مع مين اخذهم ؟
والاحصااء باخذو مع ايماان والاجتمااعي فيه وحدة اتوقع اسمها ريم الهويش يمدحوهاا فمادري مين جربتها
وابغى اخذ مادة تانيا تنصحوني ايش اخذ لانو باخذ الترم هادا 6 مواد

[their moon]

طيب يا عسولات أنا افكر اخذ ماده حره من قسمكم الرائع

ومحتارة بين مدخل الى علم النفس ـ ـ و ـ ـ مدخل إلى التوجيه والارشاد النفسي

أتمنى تفيدوني بأيهم أسهل والحصول فيه على a+ بلس أكثر

بالاضافة صورة مختصرة عن هالمادتين

وجزاكم رب العباد جنانه ونعيمه وتوفيقه

[[:مريــم:]]

المشاركة الأصلية كتبت بواسطة their moon طيب يا عسولات أنا افكر اخذ ماده حره من قسمكم الرائع ومحتارة بين مدخل الى علم النفس ـ ـ و ـ ـ مدخل إلى التوجيه والارشاد النفسي أتمنى تفيدوني بأيهم أسهل والحصول فيه على a+ بلس أكثر بالاضافة صورة مختصرة عن هالمادتين وجزاكم رب العباد جنانه ونعيمه وتوفيقه

طبعا يفضل تاخذي مدخل علم النفس عشان الاي بلس بالراحة <<< يعطيك معلومات عن علم النفس بشكل عام (تاريخه - مدارسه - بأيش يهتم الانفعالات السلوك والدوافع) المادة مرره لزيزه وسهله طبعا لو مع أ. دلال موريا كويس لانو الكل بيمدحها وانا ما جربتها

مدخل توجيه وارشاد <<< مادة تخصص ومو مادة حره الا لو غيروا الترم دا الله أعلم / يعطيكي نظريات الارشاد النفسي الي نستخدمها مع العميل (المسترشد) وأسلوب دراسة الحالة للمسترشد وكيف نطبق الارشاد عليه والمادة حلوه عموما واخذتها مع أ.حنان الشعفل زماان لوول

[DR.ROMA]

بناااااات نزلو النمو مع ريما الهويش لو سمحتو لو احد اخد معاها يقولي كيف اسئلتها و اسلوبها و المادة سهلة ولا لأ ؟؟؟
و بالنسبة ل د نسرييين في الارشاد ام منال كيال ؟؟

[مالي لقب]

المشاركة الأصلية كتبت بواسطة esraa.md اختدتها مع سمر مررررررررررررررررررررررررررررة رووووووعة كل شي يجنن ماشاءلله لو امدح من اليوم لبكرة ما اوفي حقها اخلاق اسئلة شرح كل كل كل شي والله العظيم لو تحضري معاها اسلوبها يخليكي تنسي انك تبغي درجات حاتحسي انك بس تبغي تحضري عشان تسمعي سيرة الرسول

طيب ي عسل انا ان شاءالله بأخذها مع سمر بس سمعت انو لها كتابين صح ولا ؟
واذا كتابين دسمة ولا بس تأخذ جزء من كل كتاب ؟


على فكرة اذا نازل شي مع نوال الضبيبان اخذوه وانتو مغمضين اخلاااااااق وشرح واسئلة وتكليف سهل وكل شي

سهير برضو تجنن هي واسئلتها في الفسيولجي

اجتماعي مع ليليى غالب برضو قممممة في الاخلاق وتعامل البنات بذوق واحترام وتكاليفها سهلة وتستفيدي منها واسئلتها رووووعة ربي يسعدها

[برنسيسة الورد]

بنات أنا محتاره أخذ التوجيه والإرشاد مع ليلى ال غالب
ولا مع زينب عايش
الله يسعدها اللي ترد عليه
ضرورررري