تجمع مادة الصوتيات 332 /انتساب ..الفصل الاول.

[ام حمدان]

عن ايه يتكلم كتابكم ؟

اكتبي عناوين الشابترات حتى اشوف لو نقدر نساعدكم ونقولكم كيف تذاكروها

ويمكن يكون فيه شي مشابه للي درسناه ونساعدكم فيه

ومثل ماقالت لك i still feel ya

راح تعتمدي على نفسك في هذي الماده ولا تخافي مواد اللغويات بشكل عام كتبها تشرح بشكل واضح وماراح تجدي صعوبه فيها إن شاء الله لكن تحتاج منك قراءه بتركيز وبتفهمي كل شي

بصراحه سبق واخذت الماده ومااستفدت من المحاضرات غير امور لا تذكر يعني فهمت نفسي بنفسي والحمدلله اجتزتها

[لصممتي حكممه]

اهلين ام حمدان منوره موضوعي الكتاب تقريبا نفس اللغويات الترم اللي فات يتكلم عن دراسة الفونتكس والفاول والكونسونانت بس انا كنت ابغى اعرف الاختبار كيف راح يجي فيه مسائل او لا تعاريف او تعداد اش اركز عليه واش اللي مهم وكذا يعني لكن مررره محد تكلم عن ذي الماده انا فكرت احذفها لاني مضغوطه ذا الترم وعندي مواد غيرها بس المشكله انها تعتمد على الفونولوجي لكن ان شاء الله توضح الرؤيه قريب ..

[ام حمدان]

هلا ياعسل النور نورك :)

اولاً-- لاتسولك نفسك حذف الماده ابداً

تراها سهله وخفيفه كل الي تحتاجه التركيز والفهم وتدرب عالترانسكريبشن وفيها كمان شويه حفظ

بس صدقيني ابد ماتخوف وكثير ينجحوا فيها بامتياز


ثانيا: الماده ماتعتمد على شي غير على مقدمه في اللغويات والفونولجي هو الي يعتمد على انك درستي الصوتيات


ولو حفظتي جدول الفاولز والكونسوننات اعتبري تقريبا نص الاسئله في جيبك
اذا كان يشبه منهجنا العام
فاكيد بتكون فيه اسئله عنهم
والامتحان كان منوع بين شوية مقالي لكن الاجوبه كلمه ورد غطاها واغلبها مجرد رموز وفيه اختيارات


نسخت لك ردي الي كتبته الترم الماضي الخاص بامتحان الفونيتكس

فونتيتكس 332 - مس ليلى هاشم -انتساب الامتحان كان حلو فيه السهل وفيه الي يحتاج تركيز وفهم اول سؤال -- كان مجموعه فيتشرز حوالي 10 فقرات والمطلوب انك تكتبي الصوت الي تنطبق عليه هذي الفيتشر وكانت بعضها كونسننات وبعضها فاولز مثال low-mid central stressed وهو ˄ --- السؤال الثاني -- حوالي 6 فقرات كاتبه مجموعه اصوات وتطلب منكم تكتبوا فيتشر وحده منطبقه على كل مجموعه ممكن تكون البليس او المانر او حاجه ثانيه مثل /l r j w/ approximants السؤال الثالث --- جابت الرسمه تبع اجزاء اللسان الي في التمارين شابتر 1 ص 16 السؤال الرابع-- جابت مجموعه مسميات للdiacritics وانتوا بس عليكم تكتبوا رمزها جابت ال6 كلها nasalized velarized devoiced syllabic dental aspirated السؤال الخامس -- جابت تقريبا 6 فقرات من الرولز بالنص وفوقها بوكس صغير في مجموعه كلمات المطلوب انكم تختاروا فقط الكلمه الي تنطبق عليها الرول قدام كل واحد من الي اتذكرها جات رولز رقم 2 و8 و11و12 و13و14 اقروها من الكتاب وبتعرفوها والكلمات الي في البوكس الي افتكر منها city- eleventh-bold-bottle-bottom-kiss السؤال السادس- ترانكريبشن ل30 كلمه الكلمات كانت سهله وكلها معروفه تطلب تعملوا ترانكريبشن فقط للاصوات الي تحتها خط مو لكامل الكلمه من الكمات الي جات father with house horse example extra wealth these السؤال السابع - جابت 4 مصطلحات وطلبت نكتب تعريفها وهم phonolgy--phoneme--nasal sound--open syllable السؤال الاخير -- كان 25 فقره كلها اختيارات منوعه مابين الرولز وتعريفات وفيتشرز لاصوات معينه يمكن تقريبا هذا يعتبر اصعب سؤال كان فيه بعض الفقرات السهله جدا والبعض الاخر يحتاج فهم وتركيز من ضمن الفقرات الي جات اذكر -ايش هو الصوت الي ممكن يكون biliabl or velar هو الw - اي من الكلمات التاليه نطقنا الk فيهم زي بعض بالضبط (كانت كاتبه جوز كلمات في كل خيار) انا اخترت creek-cream -تعريف الallophone جابت التعريف ونختاره من بين مجوعه تعاريف -ايش نوع الstop في كلمه spit unaspirated (لانها سبقها س ) وفقرات كثير مو فاكرتها بس مجملا الاختبار كان حلو ويحتاج انكم فاهمين المنهج الله يفرحنا جميع بالنجاح بالدرجات العاليه يارب

إن شاء الله تفهمي من خلاله طريقه الامتحان

موفقه

[nour al3mr]

إن شاء الله أســـأل البنـات اللي تآخذ فونتكس اعرف منها كيف المنهج ..

[little Angel]

ربي يوفقكم أكيد ننتظر اللي حضروا الدورة..لأن ب أبد فيها لكن نحتاج نتعاون...
بالتوفيق للجميع..

[لصممتي حكممه]

ام حمدان .. كل كلمات الشكر ماتوفيلك حقك الله يوفقك ويجزيك كل خير عالجهد اللي تبذلينه ماتتخيلين قد ايش هونتي عليه الله يهون عليك كل عسير ويفرحنا بتخرجك يارب ..

نور العمر .. الله يوفقك يارب والله انتي كثير تحرجينا باسلوبك ومجهودك الله يوفقك يارب ويفرحنا بتخرجك ..

[لصممتي حكممه]

المشاركة الأصلية كتبت بواسطة little angel ربي يوفقكم أكيد ننتظر اللي حضروا الدورة..لأن ب أبد فيها لكن نحتاج نتعاون... بالتوفيق للجميع..

هلا وغلا نورتينا ياعسل ان شاء الله نتعاون فيه حتى لو مالقينا بنات حضروا مالنا الا نعتمد على انفسنا بعد الله ونشد حيلنا انا ابغى احد بس معايا واتشجع اني اذاكر معاه اذا حابه نخصص لكل تشابتر وقت محدد على حسب استطاعتنا نخلص فيه علشان يمدينا نخلصه لان فيه مواد غيره ..

[الملاك الأبيض]

صباحكم معطر ورد وجوري . مرحبا عزيزاتي لو تسمحوا لي حابة اشارك معكم برابط صاحبتي تدرس منه واعطتهم اياه ميس ليلى وقالت مرة مفيد وجلست فترة تدور عليه لحد مالقته فاحفظوه عندكم :

http://www.teachingenglish.org.uk/ac...phonemic-chart

بس للامانة يابنوتات انا مابعرف اذا هاذا الرابط لمادة الصوتيات او علم الاصوات لأنو بلخبط بينهم بس المهم انو ميس ليلى عطتهم اياه وياليت تتأكدوا هو تابع لاي مادة ويارب يفيدكم. بالتوفيق يارب

[nour al3mr]

لصمتي

الله يسعدك مافي تعب احنا لبعض ..

المـــــلاك

الله يعطيك العافية فعلاً الموقع رائع و هو يختص بالصوتيــات =)

[الملاك الأبيض]

المشاركة الأصلية كتبت بواسطة nour al3mr المـــــلاك الله يعطيك العافية فعلاً الموقع رائع و هو يختص بالصوتيــات =)

طب الحمد لله يعني في مكانه المناسب .

بحكم اني ليسا مااخدت المادتين دول فما اعرف افرق بينهم ليسا . بس إن شاء الله الرابط يفيدكم عزيزاتي وربي يوفقكم وييسر اموركم