تقرير حضور الدورة لمواد تطوير تنظيمي ، تنمية موارد بشرية تخطيط استراتيجي ادارة محلية

[بتال القوس]

بسم الله الرحمن الرحيم

عساكم على القوة اليوم انا حضرت الدورة التاهيلية حضرت اربع مواد رغم تعارض وحده معايه في الجدول لكن عشان خاطركم راح اعطيكم المفيد في مادة من دكتور المادة ..

في البداية حضرت تطوير تنظيمي عند الدكتور بخاري وجلس يشرح شرح عام عن المنهج يعني ما استفدنا شي غير اني انتظر وش بيقول عن المنهج المهم :::

ما يخص مادة التطوير التنظيمي لا يوجد محذوف على حسب كلامه كل الكتاب ما عدا شي واحد فقط محذوف وهو التطوير التنظيمي والبيئة العربية و سمات ومشاكل الادارة العربية ص 231 وص 241 فقط ..

بالنسبة لطريقة الاسئلة وهذا الكل ينتظرها قال راح يغير من الطريقة هذي المرة في البداية قال ارجو قراءة الكتاب وليس حفظ الكتاب اريد فهم وليس حفظ يعني قال راح اجيب سؤال مقالي اريد شرح فيه وليس وضع من الكتاب يعني قصده انك تكتب ايش اللي فهمته من السؤال اللي راح يعطيك اياه ... وباقي الاسئلة عبارة عن خيارات فقط .... هذا ما يخص التطوير التظيمي

بعدها رحلت الى المحاضرة الثانية وكانت زحمة مررررررررة والسبب ان الدكتور كان عبدالعظيم شمسان كانت القاعة صغيرة وجلس يضحك ونقلنا قاعة ثانية اكبر ولكن ذبحنا البرد خرجت وعروقي خضراء من البرد المهم الله يجزه خير افضل دكتور شفته في حياتي من حيث الاسلوب من حيث المزح والاسلوب الراقي والتطمين للطالب وازالة الرهبة ...

المهم الدكتور ذكر لنا ان المنهج فيه القسم الاخير محذوف يعني الفصل السادس محذوف لا تذاكروه وقال بشاره لكم رح اعطيكم جميع الاسئلة صح وخطاء مافي اختيارات ولا فيه مقالي ولا يحزنون واسئلتي مختصرة مررة يعني السؤال قصير جداً عشان ما تلخبطون فيه .. ولا تنسون الورق اللي في المنتدى هنا نزلته الاخت المشرفه هنا ونزله ايضاً ثامر البراق عبارة عن ورقتين فيه عن المناطق مهمه لازم تاخذوها مع الكتاب طبعاً والكتاب اذا مو موجود هو مصور في مكتبة الخوارزمي نفس الكتاب للدكتور محمد بدران طبعة 1986م ....

وبعدها محاضرة التخطيط الاستراتيجي عند الدكتور الروابدة المهم اعطانا المعلوم عن الكتاب لانه لا يوجد كتاب والكتاب المجمع في الخوارزمي متعب شوي ومتشعب ويلخبط قال لنا عليكم بمذكرة لي موجود في مكتبة الخوارزمي داخل الجامعة وليس خارجها ولا تراسلوني على الايميل اعطيكم نسخه منها على بريدكم الالكتروني .. وقال ان جميع الاسئلة راح تكون عبارة عن اختيارات يعني شوز .......

بعدها طبعا (( موارد بشرية كلفت احد الشباب بان ينقل لي كل ما يحدث معهم في الدورة اتصل علي وقال ان الدكتور حذف (( الباب الرابع )) وحذف (( الفصل الرابع كامل )) وحذف الرسومات قال لا تركزوا عليها ... هذا كل ما عرفته من الموارد البشرية ....

ارجو ان اكون افدتكم والله يكتب لنا النجاح ..