سؤال للطعمين في القسم

[M!sS chocolate]

كل الأقسام حلوه في كليتنا من المختبرات للأشعه للعلاج للتغذيه كلها ممتعه

التغذيه
صراحه تستفيدي لنفسك قبل ماتفيدي غيرك حتى لو مااتوظفتي بس تستفيدي
وتعرفي احنا البنات دايت وأكل صحي ومدري ايش مرره مدققين في دي الحاجات
ودي كلللها موجوده في التغذيه ...

العلاااج
برضو مفيد لنفسك كمااان بس صراحه مرره ضغط وحده من صحباتي علااج
مكروووفه لكن في نفس الوقت احسه ممتع في العملي يعني لمن سووا الملتقى حق الكليه
عجبني اكثر شيء العلاج حاجاته حلوه لو عندك شد عضلي في زي اللصق تحطيه
وتستفيدي لنفسك برضو قبل ماتفيدي غيرك

المختبراااات
اترك الشرح لقصة غرووب

الأشعه
أحلىىىىىىىىىى قسم <<تموون على قسمها ههههههههه أمزح أمزح
المهم الأشعه امممم صراحه من وجهة نظري احسه اخف قسم في الدراااسه
يعني لو تذاكري كل درس بدرسه تقدري تجيبي معدل عاااالي لكن العيب
في الدكاتره وفينا نحن مانذاكر الا يومة الإختباار والدكاااتره يلعبوا في درجاتنا
-_- .... الفيزياء حقته لأني انسألت من وحده من التحضيري عن دا الشيء
الفيزياء مهو نفس الفيزياء حق التحضيري الفيزياء حقه عن اممم تحسيه فيزياء حق الأشعه
يعني الأشعه لمن تدخل الجسم كيف تتفاعل معاه و فيه عن الإلكترونات وكدا بس كله تحسيه
متعلق بأجهزة الأشعه مو فيزياء الثااانوي ولا فيزياء التحضيري يعني مو شيء دسم