مبروك مجلس الوزراء يقرر تحمل50% من رسوم طلاب الداخل في مؤسسات التعليم الأهلية

[~{رهايف}~]

اي صح الجامعه مو اهليه حكوميه
وثاني شي
كل الجامعات
يخفضوا بالروسوم ويشيلوا الراسوم
الا هالجامعه
ماعندها الا ياكلوا الفلوس اكال اهب عليهم
وياليتها تبان
وربي مانشوف الا خيبه الامل منهم
حسبي الله عليهم

[موت المشاعر]

الاهلي مو احنا
2)مثلا جامعه الامير سلطان كانت 30000 بعد القرار صارت 50000 نفس الشي

[الطـموح]

ياشيخ يطالع فينا مجلس الوزراء بعدين يطالع
في الجامعات الأهليه
ياابويـا اللي يدخل الجامعات الاهليه ناس ماعليهم خلاف
عيـال نعمه وماهم منتظرين من المجلس هاللفته ..
اللفته والله فينا حنـا الغــــــــــــلااابـه ..

[وفاء الشريف]

طيب الجامعات والكليات الاهلية الموجوده في السعودية ..؟

[FLOOOWER]

مين قال ان الجامعات مو اهليه اجل هل مبلغ الي يقطعونه من قلوبنا ليه عشان ايش عشان نتعلم زي خلق الله ولله لوهم يدخلون المعلومه في روسنا سصراحه حرام اغلب الطلاب ما يقدرون يدفعون مو الكل يقدر يدفع والمشله الاكبر انها مو متعلقه بالثلاثه الف ريال رسوم وبس لا ومصارف الكتب والطمع الكبرا عاد اذا رحنا نختبر في جده طبعن النا من الرياض شوف المصاريف كيف سكن على كيف كيفك واكل وشرب وتعرف الاختبارات اسبوعين وزياده في السنوات المتقدمه يعني وش العمل تقريبن خمسه الف وانت تضحك من غير الرسوم طبعا لما قالو ادفعو الف واختبرو في العالميه فرحت قلت نوفر وعلى ايش ياخذون الف على ايش عشان ساعه ونص نجلس في الكرسي نختبر ولله استغلال من كل جهه المفروض شي واحد بس يلغون رسوم الجامعه ونتحمل احنا الباقي ولا ندفع رسوم الجمعه ونختبر في اماكننا مثل الرياض بس مجانن من طممن الرسوم الي دفعنهاه


صدقت ولله يا خوي طموح اصلن ما يدخل الجامعات الاهليه الا ناس قدها مو محتاجه تخفيض ناس مرتاحه المشكله فينا احنا الي الله يخلف علين
خلونا نطالب كلنا خلونا نرفع اصواتنا عسى ملكنا يسمعنا ويسدد الرسوم عننا او يلغيها

اتمنى بصراحه انا ما اقدر ادفع الرسوم باقي المستويات الجايه يالله يالله المستوى الجاي على امل الاعفا ء بصراحه داخله ولله يكتب الي فيه الخير

[روقي راقي]

مره أخرى أرجع عشان أرد على الناس الي شربكت

الخبر قال للجامعات ، والكليات الاهليـه

يعني ابشركم اذا الخبر صحيح ابشروا بالخير
جامعة الملك عبدالعزيز بما انا نكد عليهم تعتبر أهليـه
لو انها حكوميه صرفت لكم كل شهر راتب شهري

بالتوفيق يالربع ذاكروا احصاء زيـن مشان تنجحوا

[яєĻάㄨ]

الجامعات سواء كانت اهلية و لا حكوميه بالسعودية ما تشمل القرار

القرار ذا بس حق الابتعاث الخارجي

[تركي الغصاب]

إن شاء الله يشملنا العفو>>>>>>وش عنده الأخ مسجون
هههههههههههههههههههههههههههههه

[byby]

المشاركة الأصلية كتبت بواسطة تركي الغصاب إن شاء الله يشملنا العفو>>>>>>وش عنده الأخ مسجون هههههههههههههههههههههههههههههه

ههههههههههههههههههههه
ههههههههههههههههههههههه
هههههههههههههههههههههههههه
ههههههههههههههههههههههههههههههه
<<هذا العضو فاطس ضحك

[للأمل خطوة]

يآفرح ـة مآتمت