كل ماتريد معرفته عن قسم كلية الاقتصاد المنزلي (تغذية) سؤال ،، وجواب مع cinnabon

[cinnabon]

المشاركة الأصلية كتبت بواسطة lazooord طيب انا راح عليا اختبار قبول التصميم الداخلي عادي لو دخلت علوم بعدين حولت ودرجتي الانجليزي لو أطلع القمر وانزل ما قربت من 85 عادي أنقبل ولا لا ؟؟؟؟؟؟؟

ايوا عادي تقعدي فيها سنة بعدينا حيفتح التحويل وتقدمي

بس لما تجي تحولي حيخصصوووكي على طول او حيخلوكي تدرسي االمواد العامة حقت الاقتصاد

المنزلي دي ما اعرلفها بس انتي اسالي الشؤوون عشان تعرفي متى تقدمي لاختبار التصميم

وحاولي كمان يكون معدلك عالي لانو برضو يعتمد ع دخولك للتصميم

بالنسبة لتخصص التغذية زي منتي شايفة محددين بس امكن يقبلوكي

قبل ما تحولي انتي استخيري امكن يعجبك العلوم وتنبسطي في ويكون خير ليكي

وان شاء الله ربنا يسهلك اموورك

[cinnabon]

المشاركة الأصلية كتبت بواسطة rnd و عليكم السلام و رحمة الله و بركاته ... سؤالي : لو تخرجنا من ( بكالريوس ) التغذيه مارح نطلع أخصائيين تغذيه .. و لو أخذنا (ماجستير) تغذيه .. نطلع فنية تغذيه .. هذا الكلام سمعته من البنات اللي متخصصات تغذيه .. هل هذا الكلام صحيح ولا لا ..؟ لأنه في دكتورة عندنا لمن أخذنا ( مدخل الى الاقتصاد المنزلي ) قالتلنا انه اذا أخذتوا ماجستير تغذيه تطلعوا (أخصائية تغذيه ) .. يعني ممكن تشتغلي بمستشفى أو عياده زي كذا .. أتمنى تفيديني أي كلام هو الصح ؟ و مشكوووورة مقدمـاً .. :) هذ

هلا اختي

ايوا صح لما حنتخرج من بكالوريوس التغذية محنطلع أخصائيين تغذية وانو نطلع فنيين

وعشان تطلعي أخصائية تغذية لازم تاخدي الماستر

[memestudent]

السلام عليكم
لو سمحتي ممكن تقوليلي الفرق بين التغذية في الاقتصاد المنزلي والتغذية الاكلينيكية اللي في التقنية الطبية وشكرا

[cinnabon]

المشاركة الأصلية كتبت بواسطة memestudent السلام عليكم لو سمحتي ممكن تقوليلي الفرق بين التغذية في الاقتصاد المنزلي والتغذية الاكلينيكية اللي في التقنية الطبية وشكرا

هلا أختي وعليكم السلام

بالنسبة للفرق مهو كتير لأنك لو طالعتي خطط الاتنين بتلاقي اغلبية المواد زي بعضها

بس اللهم انو بتكون الدراسة في التغذية الاكلينيكية بالانجليزي ويدربوا اكتر ويتخرجوا اخصائيين تغذية

أما التغذية في الاقتصاد المنزلي بيدرسوا موادهم اغلبو بالعربي مع انجليزي ويدربوا اخر الترم بس يومين في الاسبوع ويتخرجوا فنيين تغذية

[SeNyoOrEtta]

السلام عليكم .. مشكورينـ وجزاكم الله خير ..

سؤالي هل الاقتصاد المنزلي للعلمي بس تصميم وتغذيهـ ؟؟

ومعليه اذا السؤال ماله داااعي .. !!

[cinnabon]

المشاركة الأصلية كتبت بواسطة senyooretta السلام عليكم .. مشكورينـ وجزاكم الله خير .. سؤالي هل الاقتصاد المنزلي للعلمي بس تصميم وتغذيهـ ؟؟ ومعليه اذا السؤال ماله داااعي .. !!

هلا وعليكم سلام

ايوا بس للمسار العلمي

[ساكنه في بيتنا]

المشاركة الأصلية كتبت بواسطة senyooretta السلام عليكم .. مشكورينـ وجزاكم الله خير .. سؤالي هل الاقتصاد المنزلي للعلمي بس تصميم وتغذيهـ ؟؟ ومعليه اذا السؤال ماله داااعي .. !!

وعليكم السلام و رحمه الله و ربركاته .. اسمحيلي ارد عنك سينبون

$ الغذاء و التغذية .
$ نسيج و ملابس .
$ مسار تصميم داخلي .

دي هيا تخصصات القسم العلمي للاقتصاد المنزلي ..

[DANiA]

انا خريجة تغذية اتخرجت الترم دا,
صح زي ماقالو نعتبر فنيات..
لا كن كملو دراستكم وبالتوفيق سواء تغذية ولا فنون ... :)

[Confused]

cinnabon
الله يوفقك للخير وين ماكان يا آلبي على تعبك ..
بس شوية اسئلة ..

كم عدد الساعات المطلوبة للتخرج ؟؟
فرص التقديم للماستر كويسة ولا صعبة و يبغالها حووسة ؟؟
اخاف يقولوا مثلا 5% من المتقدمين زي ماسووا بتخصصات ثانية .. بكده حتكون جدا سيئة =(
ايش هي الوظايف المتاحة لـ فنيات التغذية ؟؟
ممكن اشتغل بالمستشفى مثلا ؟؟

ويسلموووو

[cinnabon]

المشاركة الأصلية كتبت بواسطة ساكنه في بيتنا وعليكم السلام و رحمه الله و ربركاته .. اسمحيلي ارد عنك سينبون $ الغذاء و التغذية . $ نسيج و ملابس . $ مسار تصميم داخلي . دي هيا تخصصات القسم العلمي للاقتصاد المنزلي ..

خدي راحتك اختي ساكنة في بيتنا

برضو نحنا نحتاج خبرتك ازا كنا غافلين عنها