ماجستير 1439-1440 احياء نبات

[B2011]

نعم صحيح زي ماتفضلت وشرحت

انا استفسرت فقط بناء على ردك السابق استغربت مو معقول يغيرو الانظمة

في يوم وليلة خصوصا اذا الموضوع متعلق بمكافئة الطلبة

اتمنى الاعضاء يشاركونا في هذا الموضوع ويستمر او اي احد بيدرس ماجستير احياء يجي يشاركنا هنا

نفيد ونستفيد او ايضا لو فيه متخرجين سابقين للتخصص يحكو لنا عن مسيرتهم الدراسية

نبي الموضوع يتفاعل

[شروق باوجيه]

السلام عليكم
في حاجة حيرتني لا والله جننتني دحين دراسة الماستر تكون على حسبب التخصص يعني مثلا انا ادرس ال15 مادة حق النبات الي مدرجة في دليل البرنامج ، ولا ندرس عام سنتين بعدين نتخصص ؟؟؟؟

لانو كل يوم فوق ال4 ساعات وانا افرفر في النت ابى اشوف كيف تكون دراسة احياء نبات مافي ولا موضوع حتى في الموقع !!!!!!!!! فين القى ناس قد درسو او قاعدين يدرسو ماجستير احياء نبات

جزاكم الله خير ...

[B2011]

المشاركة الأصلية كتبت بواسطة شروق باوجيه السلام عليكم في حاجة حيرتني لا والله جننتني دحين دراسة الماستر تكون على حسبب التخصص يعني مثلا انا ادرس ال15 مادة حق النبات الي مدرجة في دليل البرنامج ، ولا ندرس عام سنتين بعدين نتخصص ؟؟؟؟ لانو كل يوم فوق ال4 ساعات وانا افرفر في النت ابى اشوف كيف تكون دراسة احياء نبات مافي ولا موضوع حتى في الموقع !!!!!!!!! فين القى ناس قد درسو او قاعدين يدرسو ماجستير احياء نبات جزاكم الله خير ...

وعليكم السلام

لاتحتاري ولا تتجنني الموضوع أبسط من صب الشاي في الفناجيل

شوية رواقة شوية هدوء راح تفهمي الموضوع

أول شي معنى الوحدة أو الوحدات هو الساعات وليس المواد

المطلوب لاجتياز ماجستير أحياء 33 وحدة معتمدة بمعنى 33 ساعة

أول شي ندرس ( عام ) 10 وحدات مدته ترم واحد (فصل دراسي واحد ) مو سنتين !!
ثاني شي نختار مسار حيوان او نبات او بطيخ الي يكون 15 وحدة = 15 ساعة
مدتها فصلين دراسية يعني سنة كاملة
ثالث شي نهاية الفلم تحضير الرسالة 8 وحدات = 8 ساعات الترم الاخير

10 وحدات + 15 + 8 = 33 وحدة في مدة سنتين ونقول وقتها ألف مبروك

للتوضيح بشكل تفصيلي

10 وحدات العام سموه عام لأن بيدرسة مجموعة طلاب بشكل اجباري نفترض عددهم 20 طالب لمدة ترم واحد

بعد هذا الترم ال 20 طالب ينطشوا على مسارات الي يبغا يدرس حيوان او نبات او احياء دقيقة بحيث يدرس بكل مسار 3 طلاب او 5 المهم

نفترض اخترت دراسة مسار نبات 15 وحدة (( اختياري )) يعني 15 ساعة انا اختارها بين مواد كثيرة تحت مسار النبات

بس مانتعدى ال 15 ساعة تتقسم على ترمين او فصلين دراسية

وبعدها الرسالة 8 ساعات واتخرج

هذي كل الحكاية

[B2011]

بالنسبة انك جالسة تبحثي عن مواضيع لناس يدرسوا ماجستير

اتوقع النشاط كله والمواضيع كلها لاصحاب البكالوريوس والسبب ان البكالوريوس اصعب من الماجستير

وطلابه اكثر لانه هو الطريق للوظيفة والماجستير يعتير شي بسيط او مكمل او شهادة تعليم متوسطة

بس للاسف هنا في جامعاتنا معطين الماجستير على اساس انه شي مرة كبير والدليل على كلامي تعقيد وتصعيب جامعاتنا في شروط القبول

باختلاف سهولة الشروط في سوريا زمان او الاردن او مصر

لذلك لاتتعبي حالك في البحث

الصعوبة عندنا في القبول وليس في صعوبة التدريس وسهولته

زي ماقلت لك البكالوريوس اصعب من الماجستير لان الواحد يجلس يصارع 4 سنين او 5 سنين عشان معدله مايطيح

الماجستير المعدل يعتمد بس على سنة ونص من دراستك للمقررات حتى الرسالة مايدخلوها في حساب المعدل

ولايكتب المعدل في شهادة التخرج فقط يكتب مجتاز او اجتاز

باختصار الماجستير يعطي ريفرش ويقوي المعلومات القديمة من البكاللوريوس ويضيف فوقها كم معلومة والسلام

[Bo_1413]

شكراً لطرحك للموضوع واتمنى يكون تجمع للمتقدمين والمتقدمات لماستر النبات ..
انا احدى المتقدمات ويارب يكتب لنا القبول ..
نبغى نعرف على كم وقفت النسب السنة الماضية للبـــنــات ؟؟

[B2011]

المشاركة الأصلية كتبت بواسطة bo_1413 شكراً لطرحك للموضوع واتمنى يكون تجمع للمتقدمين والمتقدمات لماستر النبات .. انا احدى المتقدمات ويارب يكتب لنا القبول .. نبغى نعرف على كم وقفت النسب السنة الماضية للبـــنــات ؟؟

حياك الله يا ضيفتنا الكريمة بالموضوع

الله يسمع منك ان شاءالله يقبلوكم جميعا

بالنسبة للسنة الماضية ماعندي خبر والله واضح مافي تفاعل ولا فيه مساعدة من الطلبة الي سبقونا

لكن نوكل امرنا لله ونتفائل وان شاءالله خير سواء انقبلنا او ماانقبلنا الخيرة بيد الله

[hanoon27]

المشاركة الأصلية كتبت بواسطة b2011 حياك الله يا ضيفتنا الكريمة بالموضوع الله يسمع منك ان شاءالله يقبلوكم جميعا بالنسبة للسنة الماضية ماعندي خبر والله واضح مافي تفاعل ولا فيه مساعدة من الطلبة الي سبقونا لكن نوكل امرنا لله ونتفائل وان شاءالله خير سواء انقبلنا او ماانقبلنا الخيرة بيد الله

انا من المقبولات العام الماضي في ماستر احياء نبات وحاليا قاعدة ادرس

اللي حاب مساعدة أنا مستعدة, حاسه فيكم كنت مثلكم أدور أحد استفسر منه

بس اذا طولت في الرد اعذروني هالأيام عندي اختبارات

[Bo_1413]

المشاركة الأصلية كتبت بواسطة hanoon27 انا من المقبولات العام الماضي في ماستر احياء نبات وحاليا قاعدة ادرس اللي حاب مساعدة أنا مستعدة, حاسه فيكم كنت مثلكم أدور أحد استفسر منه بس اذا طولت في الرد اعذروني هالأيام عندي اختبارات

ما شاء الله ربي يوفقك وشكرا لمبادرتك بمساعدتنا

عندي مجموعة اسئلة وكنت اتمنى القى طالبة مقبولة تجاوب علينا فيها

1 - كم اخر نسبة موزونة تم قبولها في القسم وكم طالبة تم قبولها

2- طريقة الدراسة ( لغة الشرح يعني الدكتورات يشرحون بالعربي والا الانقلش ؟ لغة الكتب اللي نذاكر منها وكذا ؟ لغة اسئلة الاختبارات ؟؟ )

3- كيف تقييمك بعد سنة من الدراسة للتخصص ( النبات ) وكيف وضع الدكتورات

اعتذر عن كثرة الاسئلة

[hanoon27]

المشاركة الأصلية كتبت بواسطة Bo_1413 ما شاء الله ربي يوفقك وشكرا لمبادرتك بمساعدتنا العفو عزيزتي.. الناس لبعضها عندي مجموعة اسئلة وكنت اتمنى القى طالبة مقبولة تجاوب علينا فيها 1 - كم اخر نسبة موزونة تم قبولها في القسم وكم طالبة تم قبولها آخر نسبة تم قبولها لعام 1438 هي (77.4) كم عدد الطالبات؟ ما أعرف صراحة, لأني من خريجات جامعة أم القرى وكان لازم أخذ فصل تكميلي (نزلوا لنا مواد من البكالوريس ما درسناها) مو بس خريجات ام القرى وإنما كل اللي اخذوا البكالوريس من خارج جامعة الملك عبدالعزيز اخذوا تكميلي وكان عددنا 5 طالبات, اما خريجات الملك عبدالعزيز بدأوا ماستر على طول فما أعرف كم قبلوا تماما, بس اتوقع حول ال 20 طالبة 2- طريقة الدراسة ( لغة الشرح يعني الدكتورات يشرحون بالعربي والا الانقلش ؟ لغة الكتب اللي نذاكر منها وكذا ؟ لغة اسئلة الاختبارات ؟؟ ) الدراسة والأختبارات بالإنجليزي, الشرح بالعربي وأحيانا يتفلسفوا ويدخلوا جمل بالأنجليزي في النص, بس عموما لا تخافي ترا كل اللي من برا جامعة عزوز انجليزيتهم تعبانة ويعدوا, عشان كذا يعطوهم فصل تكميلي عشان يهيأوهم للدراسة بالأنجليزي قبل ما يدخلوا للماستر 3- كيف تقييمك بعد سنة من الدراسة للتخصص ( النبات ) وكيف وضع الدكتورات التخصص خفيف وسهل نوعا ما, الدكتورات أممم ما أعرف في الصاحي وفي المتخلف وفي الشديد لمصلحتنا, لسى أنا بالبداية بس راح اتكلم عن الترم الأول اللي هو التكميلي أخذت 3 مواد دكتورتين زي العسل وسهلوا لنا المواد حقتهم, اما الثالثة المادة سهلة بس هي غثيثة وما يعجبها العجب وبطلوع الروح عديت مادتها, لان التكميلي لازم تجيبي في كل مادة ع الاقل جيد ومعدلك ما يقل عن جيد جدا والا ما راح تطلعي ماستر الترم الثاني بدأت ماستر ونزلت لي مادتين الدكتورات كلهم كويسين ويحاولوا يوصلوا لنا المعلومة بشتى الطرق وهذا شي طبيعي لان ما يمسكوا الماستر لأي أحد اعتذر عن كثرة الاسئلة لا عادي ولووو

................

[Bo_1413]

المشاركة الأصلية كتبت بواسطة hanoon27 انا من المقبولات العام الماضي في ماستر احياء نبات وحاليا قاعدة ادرس اللي حاب مساعدة أنا مستعدة, حاسه فيكم كنت مثلكم أدور أحد استفسر منه بس اذا طولت في الرد اعذروني هالأيام عندي اختبارات

حبيت اسالك بما انك خريجة ام القرى .. كم اعطوك درجة لقرب التخصص اللي من 10 ؟؟