إنفلونزا الخنازير

[سارة عبد العزيز]

المشاركة الأصلية كتبت بواسطة طـمـوح ^ والله إنك أضحكتني صدر قرار من وزارة الصحه والإعلام عن خبر متعلق بالمرض بعدم نشر أي خبر عنه يبغو يسو خصخصه للسعوديين حتى مانكلف على الحكومه تعرفون ميزانيتنا أعلى ميزانيه ومانقدر نخدم الشعب في أفضل حال أي منطق هذا أنا طق في عرق من القهر والشعب ساااكت يا بهم خذو حقكم أنا وقفت على منبر المسجد بالمدينه مسجد السهلي حي قباء قلت لهم المرض متفشي والإصابات بالألف وساكتين ليه وطلعت كم مصيبه ثانيه ديون وأشياء وأشياء وفي النهاايه قلت ليه ساكتين واحد قام قال وش نقول بالله إيش أسوي له ذا الأن شعب متخلف بكل ماتعنيه الكلمه من معنى راحت عليك يالسعوديه ووراك بهم زي كذا عرفو إن السجاد خلاص سحب وبقى قليل ولاتعلن إلا الصحافات الحره العربيه والوئام

أخ طمــوح لو سمحت...
أتمنى الموضوع مايتحول لتهجم على عامة الشعب...
وإذا كنت تعتبر أفعال البعض منـا بتهيننا فأرجو أنكـ تنتقد الفعل مو الأصل...!
لأن ربــي كــرمــنا عن البهائم يا أستــاذي...
دمــت بــانتعاااش...

[طـمـوح]

^
آآآآآآآآسف أختي والله من قهر بقلبي والله
وجاااري التعديل وأتمنى الجميع يسامحني على الغلطه ذي
طموح

[روووني]

اعوذ بالله من الشيطان الرجيم
اولا الله يحمينا يارب
تانيا لي التهجم على السعوديه وبعدين ايش السبب انهم يخبو عن الشعب ليش تحبو تنشرو الاشاعه وايش حيستفيدو
واي اهمال اللي تتكلمو عنو شكلكم معليش على الكلمه جاهلين على الاخر يمكن التقصير في التوعيه
لكن في الباقي ابدا الدوله ماقصرت واللي مو عاجبو لايعيش معانا ويشوفلو اي دوله تقبلو
مرض منتشر ايش تبغو الدوله تسوي عشان توقفو وبعدين احنا عندنا العلاج ببلاش شوفو المساكين اللي بره
صراحه انا شفت ناس فعلا لا حمدا ولاشكورا لمن سارت الزلازل قالو اهمال في اهمال والدوله مقصره كيف مقصره انا ماني فاهمه وفرت الشقق المفروشه ببلاش والاكل والتوعيه للناس وكل شي الا ازا تبغو الملك بنفسو يروح للزلازل ويكلم الارض ويقولها لو سمحتي لاتتحركي ولا ياويلك مني وا ايش تبغو؟؟
ودحين الانفلونزا ماصدقتو انتو وغيركم خبر على طول على النت ونشرتو اشاعات واخبار غالبتها انا متأكده انها غلط لا
ويقولو ملايين الاصابات اصلا حنا السعوديين عددنا كم عشان يكونو ملايين ولو كانو ملايين معناتو السعوديين كلهم مصابين بيه
ولو سافرتو بره شوفو وقارنو بين الاسعار عندنا وعندهم وحتلاقو الفرق اهل الخليج كلهم يجو يقضو لرمضان من الشرقيه
والشوام لمن يسافرو بلدهم يقضو من السعوديه عشان الرخص والهنود وكل الاجناس اللي قابلتهم قالو انتو كل شي متوفرلكم
والحمدالله حتى احنا نامن نفسنا في بلدكم اكتر من بلدنا قولو الحمدالله والله لايغير لنا حال مو ماصدقتو خبر على طول اشاعات والمشكله انو كلكم طلبه جامعه للأسف لا وتأخدو مكافات من دولتكم وتسبوها في دوله تعطي مكافات او على الاقل تدرس بالمجان شكلكم جاهلين مرره وماقد اتعديتو حدوود السعوديه لدول بره
صراحه عقليات جاهله ومتحجره وسوري مرره على الكلام اللي قلتو لكن للاسف انتو السبب في عدم التطور والتقدم للامام

[smooth Hanno]

ترا مو 16 حاله..اكتر..بس وزارة الصحه ساكته ع العدد وماتبا تقول..

والمفروض الواحد من يوم مايحس انو حاسس بمرض على طول يروح يكشف..لانو هادا المرض لو عرفناه من بدري ممكن يتعالج..بس لو اتطورت الحاله وسبنا نفسنها وقتها يسبب وفاه..

الله يرحمنا برحمتو بس..

يسلمو ع الموضوع...:)

[Da Vinchi]

اذكر في بدايات ما بدأ الفايروس في الانتشار وواعتبار انفلونزا الخنازير وباء عالمي من الدرجة الخامسة من قبل منظمة الصحة العالمية ووزارة الصحة تعلن عدد الاصابات
تسجيل أول حالة
أربع حالات إصابة
18 حالة إصابة
وبعدها اطرد الرقم وصار بالمئات فبطلوا وبدأوا عداد جديد للوفيات جراء المرض
يمكن تخطي هذه الإنفلونزا في حالة الإصابة مع العلاج والرعاية الصحية التامة
وتكون مميتة إذا اصابت شخص ضعيف جسمانيا ومصاب بمرض وعلل أخرى فتكون مثل القشة التي قسمت ظهر البعير
الحمى الإسبانية إبان الحرب العالمية الأولى قضت على ما يقرب من 50 إلى 100 مليون شخص وأصابت ثلث سكان العالم والفايروس المسبب لها من نوع h1n1!
لكن في هذا الزمن تقدم الطب فلنكن متفائلين

[الإمبراطورة]

ومآ خفي كآنَ أعظم..!

في وفيآتْ إلآ الآن لمْ تُعلن.
هذآ على حسب مصدر منْ مصآدري




دُمــــــــ سآلمين ـــــــــتم..
:)

[مشمشانا]

الى متتتتتتتتتتتتتتتتتتتتتتتتتتتتتتتتى ؟؟؟؟؟؟؟؟؟؟؟؟؟؟؟؟؟؟

يا ناس يا عالم كل اللي بيقولو ضحك على الدقون قال ايش المرض مو خطير والمرض ماني عارفة ايشبو

بس ولا مرة شفتهم سوا شئ صح ما شفت توعيه بحق وحقيقة وما شفت كمان حرص و لا تحذيرات ولا غيروا

اصلا افعالهم تناقض بعض يعني بيقولوا المرض مو مميت ولكن الصحة العالمية تعلنو مرض وبائي كيف مو خطير ما ادري

يقلوا مو خطير ويطالبو جميع المستشفيات والمستوصفات باستقبال اي مريض يحدث اشتباه في حالتو كيف مو خطير

اذا اتفشى المرض في معهد كامل و في مدرسة مو خطير يعني دي كيف تجي يموتوا الناس ويقولوا كان ماني عارفة اشبو

روحوا شوفوا برة كيف بيعالجو دا الشئ وكيف بيحاربو بيروحوا دكاترة مختصين للمدارس وبيقولو ويوعوا

وبيعرضوا حالات وبيفهموا الناس كيف ممكن يكون وايش اعراضوا وايش لازم يعملوا لو اشبهوا انهم مصابين فيه


واحنا ولا شئ بس يشكوا بلاغ للصحة وبيرسلوا كادر يعمل مسح للمدرس ولا المعهد ويحصروا المشبهين ويحاولوا يعالجوهم

والله اخويا حجزوا يومين وهما بس شاكين و طلع مو مصاب والحمد لله ولكن مجرد ما ارتفعت حرارتوا وكان في بلاغ

انو مدرستوا فيها حالات على طول نوموهم وعملوا فحوصاتهم وتاكدوا منو وبعدين قالوا سوري غلطنا بس انتبه

ولا تقرب من اي احد مصاب مو احنا بعد ما يموتوا العالم بيجوا يقولوا والله المريض كان تعبان وما يخوف وفيه دراسه

راح يعملوا فيه زي ما عملو بسرطان الثدي الى ما قد جتنا وحدة وقالت عنو شيء مع انو خطير جدا ولكن كالعادة ما احد تكلم

لين ما اصيبت دكتورة و تكلمة عنو ولا قبل كان ولا احد يدري ايش هوا وتعالو بس افتحوا قوقل وشوفوا الناس ايش عملت


واحنا لحد دحين بنات كتير م يعرفوا عن دا المرض غير اسمو ولا يعرفوا ايش تاني ونفس الشئ راح بيسير مع الانفلونزا

[عطر الذكريات]

نسأل الله السلامه وان يكفينا شر الامراض والفتن وحسبنا الله ونعم الوكيل