Pharmacy residency

[super mo6awa3]

1/عزيزتي دكتورة pharm.D.s انتي قلتي انو عشان أدخل الرزدنسي في أمريكا لازم أسوي معادلة لسنة الامتياز بشغل لمدة 1500 ساعة ... طيب ال 1500 ساعة هذي تساوي كم ؟؟ سنة ولا ستة شهور ولا كم؟؟ أدري انو ممكن يختلف من مستشفى لآخر بس قوليلي المتوسط العام

2/ انتي قلتي انو عشان أدخل رزدنسي في أمريكا لازم أجتاز اختبار القانون (بالاضافة للفبجي والتوفل) .. وعشان أجتاز اختبار القانون لازم أدرس القانون الامريكي ..
أ- طيب كم تستغرق دراسة القانون؟
ب- إيش طبيعة الدراسة ؟ يعني أحضر محاضرات وزي كدا ولا أقعد أجتهد وأبحث وأدرس القانون بجهد شخصي مني وانا قاعد في البيت؟
جـ- بما انو عشان أدخل الرزدنسي لازم أعادل سنة الامتياز بشغل لمدة 1500 ساعة + اني أدرس القانون الأمريكي عشان أجتاز اختبار القانون .. هل يعني دا اني لازم أخلص معادلة سنة الامتياز وبعدين أبدأ ادرس القانون وبعد دا كله أدخل الرزدنسي في أمريكا؟؟!!!! ولا يمديني أدرس القانون أثناء فترة عملي لمعادلة سنة الامتياز؟؟

3/ ليش لازم نعادل سنة الامتياز؟

[$$د.عباادي$$]

المشاركة الأصلية كتبت بواسطة pharm.d .s لالالالالا ماتعمل رسيرشبس بس شغل مية في المية بس ممكن تعمل فلوشيب مع الرزدنس تسير حاجة مرا نايس لك الماستر هادا قصتوا صعبة الصراحة لانو كل شويا يقولوا شيء طبعا لو حضرت يوم المهنة الي كان يوم الاربعاء وسمعت دكتور عبدالرحمن لما قال انو احنا في التصنيف الوظيفي صيدلي اول طبعااا كانت صدمة لنا كلنا كطلاب وطالبات وجالس يقول كلام كتير مرا كنفيوز ليا بصراحة والماستر وما اعرف اية في الاخير خلينا نتخرج امكن لما نتخرج يتحس الوضوع وتوضح الصورة اكتر

الحقيقة أنا حضرت يوم المهنة الصيدلي

والدكتور ما وضح الدرجة الوظيفية توضيح ممتاز

قال انه ممكن حتى نشتغل كصيدلي أول كصيدلي عادي اوحتى فني صيدلي !!!!!!!!!

على حسب الوظائف المتاحة

هل هذا كلام يعقل

وبعدين قال انه طالبتين بس أخذوا الرزدنسي

معقولة ثلاث دفعات وطالبتين بس !!!

ان شاء الله تتضح الصورة أكثر قبل التخرج

[pharm.d .s]

المشاركة الأصلية كتبت بواسطة $$د.عباادي$$ الحقيقة أنا حضرت يوم المهنة الصيدلي والدكتور ما وضح الدرجة الوظيفية توضيح ممتاز قال انه ممكن حتى نشتغل كصيدلي أول كصيدلي عادي اوحتى فني صيدلي !!!!!!!!! على حسب الوظائف المتاحة هل هذا كلام يعقل وبعدين قال انه طالبتين بس أخذوا الرزدنسي معقولة ثلاث دفعات وطالبتين بس !!! ان شاء الله تتضح الصورة أكثر قبل التخرج

شكلك فهمت الموضوع غلط
الدكتور الاهدل قال احنا التصنيف حقنا حسب هيئة التخصصات الطبية صيدلي اول طيب
بس في ناس لما تقدم على وظيفة بقولوا لهم راح نشغلكم مثلا فني او صيدلي وهما يرضوا ويوقعوا عقودهم على دا الاساس في دي الحاله ما احد يقدر يدافع عنهم لانو هما رضيوا على نفسهم من الاول وافقوا على كدا وعلى فكرة دكتورالاهدل من الناس الي تحاول تحسن لنا مستقبلنا الوظيفي الله يعطية العافية ويوفقوا وين ما كان
نجي للرزدنس العدد قليل لانو مايقبلوا ناس كتير في البرنامج يعني زي ماقالوا راح يرفعوا العدد 11 تخيل رقم زي كدا على مستوى المملكة وزي ماقال دكتور عمر ودكتور عسيري من الحرس انو صعب نفرغ ناس من شغلهم للرزدنس كتير وهما محسوبين على المكان الي بيشتغلوا فيه كموظفين
اتمنى اكون وضحت لك النقطة

[pharm.d .s]

عزيزتي دكتورة pharm.D.s انتي قلتي انو عشان أدخل الرزدنسي في أمريكا لازم أسوي معادلة لسنة الامتياز بشغل لمدة 1500 ساعة ... طيب ال 1500 ساعة هذي تساوي كم ؟؟ سنة ولا ستة شهور ولا كم؟؟ أدري انو ممكن يختلف من مستشفى لآخر بس قوليلي المتوسط العام
لمدة سنة تقريبا
2/ انتي قلتي انو عشان أدخل رزدنسي في أمريكا لازم أجتاز اختبار القانون (بالاضافة للفبجي والتوفل) .. وعشان أجتاز اختبار القانون لازم أدرس القانون الامريكي ..
أ- طيب كم تستغرق دراسة القانون؟
ب- إيش طبيعة الدراسة ؟ يعني أحضر محاضرات وزي كدا ولا أقعد أجتهد وأبحث وأدرس القانون بجهد شخصي مني وانا قاعد في البيت؟
جـ- بما انو عشان أدخل الرزدنسي لازم أعادل سنة الامتياز بشغل لمدة 1500 ساعة + اني أدرس القانون الأمريكي عشان أجتاز اختبار القانون .. هل يعني دا اني لازم أخلص معادلة سنة الامتياز وبعدين أبدأ ادرس القانون وبعد دا كله أدخل الرزدنسي في أمريكا؟؟!!!! ولا يمديني أدرس القانون أثناء فترة عملي لمعادلة سنة الامتياز؟؟
لالالالالالالالالالالالالالالالالالا
انا قلت تاخد الفبجي والتوفل اول شيء وتسير بكدا عادلت الشهادة تبعتك
بعدها تعادل الامتياز بشغل من 1000 الى 2000 ساعة شغل على حسب الولاية وقتها تاخد رخصة المزاولة تبعت الانترن
بعدهااا تاخد رخصة المزاولة المهنة في امريكاااا naplex
وبكدا تسير مؤهل للرزدنس
بالنسبة للقانون ما اعرف انت كيف المفروض تاخدوا بس ترى حاجة ما اتوقع يحتاج لها كورسات والله اعلم
3/ ليش لازم نعادل سنة الامتياز؟
انت عادلت سنوات الدراسة طيب والامتياز تبعك وين راح لازم كمان تعملوا معادلة لانو قلنا انو شهادتنا مو معترف فيها بامريكاااا


اخيراااا انت مرا مستعجل وتسال عن اشياء تتخطى 5 سنوات او 10 سنوات الجية اتوقع حتى لو تفكر تفكير استراتجي المفروض ما تسال دي الاشياء لانوووو ممكن كل شيء يتغير السنوات الجية

بس اتمنى لك التوفيق

[super mo6awa3]

الله يعطيكي العافية أختي ما قصرتي والله .. بس أنا بسأل عن الأشياء هذي لأني ما أبغى أندم بعدين, أبغى أكون على دراية تـــــــــامــــــــة بكل اللي حأسويه لأنو أنا حاليا راسم في بالي خطة مستقبلية بعون الله تعالى تحقق , وكمان عشان ما أبغى أنصدم بعدين وأقول ياليتني مادخلت الصيدلة , أبغى أكون ملم بكل شي الميزات والعيوب والعقبات عشان أقدر أتلافاها من بدري عشان يتحقق اللي في بالي بإذن الله تعالى ..

شـــــــــــــــاكــــــــــــــــر لك أختي والله يحقق لك كل ماتتمنيه

[pharm.d .s]

لا تدخل صيدلة لو ماكنت تحبها نصيحة
لانو ممكن ماتزبط خططك

[super mo6awa3]

لالالالا بالعكس أنا مرة أحب الصيدلة وعاجبتني مرة من ناحية الدراسة , وكمان تناسب نفس ميولي اللي انا كنت ادور عليها من زمان , بالاضافة إلى انو قدرة الحفظ عندي قوية ولله الحمد والمتقبل الوظيفي ممتاز جدا ..يعني الحمدلله انا لقيت ضالتي في الصيدلة .. يعني أنا لما جيت أدور على تخصص يناسبني كنت حاط في بالي 3 متطلبات عشان أدخل التخصص :
1- يناسب ميولي (الاحياء والكيمياء عموما وخاصة فيما يعلق بالأشياء التي تدخل في جسم الانسان والامراض...)
2- القدرة .. يعني الحمدلله انا كنت أدورعلى شي يعتمد على الحفظ والفهم المنطقي اللي يخش العقل لأن قدرة لحفظ عندي ولله الحمد قوية , مو رموز وأرقام ورسومات وطلاسم هذي الاشياء مالي فيها نهائيا
3- المستقبل المشرق والوظيفة المرموقة
والحمدلله لقيت كل هذي المتطلبات في الصيدلة .. فأنا دحين الحمدلله من خلال مواضيعك ومشاركاتك وكمان التنقيب في عدة منتديات صار عندي إلمام كافي بالشرطين الأول والثاني وباقيلي أتعرف على الشرط الثالث , فعشان كذا كل أسئلتي تدور حول المستقبل ومايتعلق به, وكمان بدأت أتلقف أكثر لأني عرفت انو نظرة المجتمع بشكل عام عن الصيدلي نظرة دونية (مع احترامي الشديد لنا كصيادلة) يحسبوا انه بس مجرد يبيع في الصيدلية زيو زي اللي يبيع في البقالة .. ما يدروا انو الصيدلي دا شي عظيم وما يقل أهمية عن الدكتور .. فعشان كدا انا مصر أسال عن الوظيفة والرزدنسي في امريكا وكيف أخشها وقاعد أحسب كم سنة يبغالي وووو .. كله عشان أطلع حاجة محترمة مستقبلا ....
خـــلـــصـــــنـــا

نجي للمهم .. أفزعني كلامك فوق لما رديتي على عبادي .. هل يعقل انو المقاعد المتاحة للرزدنسي في أمريكا فقط 11 مقعد على مستوى المملكة ؟؟ هل يعني كلامك دا انو مو أي واحد اجتاز الاختبارات ال3 وعادل سنة الامتياز يقدر يكمل في أمريكا؟؟؟ طيب اذا كان كذا على أي أساس يختاروا ال11 هدول
طيب والباقين اللي بيكملوا برا إيش يسووا.. يقطعوا بطاطس ؟؟
أبغى أفهم بالله يعني الباقين يكملوا الرزدنسي هنا ولا يستنوا السنة اللي بعدها ولا يكملوا حياتهم كصيادلة عاديين ولا إيش مصيرهم بالزبط ؟؟ أتمنى تفيديني لأني بصراحة لن أرضى بغير الرزدنسي في أمريكا بعون الله وقدرته ومستعد أسوي المستحيل عشان أدخله مستقبلا

[pharm.d .s]

المشاركة الأصلية كتبت بواسطة super mo6awa3 نجي للمهم .. أفزعني كلامك فوق لما رديتي على عبادي .. هل يعقل انو المقاعد المتاحة للرزدنسي في أمريكا فقط 11 مقعد على مستوى المملكة ؟؟ هل يعني كلامك دا انو مو أي واحد اجتاز الاختبارات ال3 وعادل سنة الامتياز يقدر يكمل في أمريكا؟؟؟ طيب اذا كان كذا على أي أساس يختاروا ال11 هدول طيب والباقين اللي بيكملوا برا إيش يسووا.. يقطعوا بطاطس ؟؟ أبغى أفهم بالله يعني الباقين يكملوا الرزدنسي هنا ولا يستنوا السنة اللي بعدها ولا يكملوا حياتهم كصيادلة عاديين ولا إيش مصيرهم بالزبط ؟؟ أتمنى تفيديني لأني بصراحة لن أرضى بغير الرزدنسي في أمريكا بعون الله وقدرته ومستعد أسوي المستحيل عشان أدخله مستقبلا

لالالالالالالالالالالالالالالالالالالالالالالالالا لالالالالالالا
دا في الرزدنس الي في السعودية مو في امريكاااا

[super mo6awa3]

أهااااا .. أشوا طمنتيني .. يعطيكي العافية ماقصرتي

[pharm.d .s]

المشاركة الأصلية كتبت بواسطة super mo6awa3 أهااااا .. أشوا طمنتيني .. يعطيكي العافية ماقصرتي

انا في الخدمة
اتمنى لك التوفيق