شرح دروس الرياضيات::

[TURKI ALharbi]

من اليوم من اليوم اشوف انو افضل مادرى عنكم وش رايكم ؟

[بوبي الدلوعه]

جزاكم الله خير على هالموضوع
انا ما أقول ما أفهم شي فيه لأن الحمدلله مستواي حلو فيه
بس بعض الأشياء تصعب علي
إن شاء الله أفيدكم وتفيدوني

[Alaa Al ghamdi]

المشاركة الأصلية كتبت بواسطة قوربتشوف من اليوم من اليوم اشوف انو افضل مادرى عنكم وش رايكم ؟

خلاص ولايهمك من اليوم
ابدا من بداية الكتاب عشان نمشي بالترتيب وشوف الشي الصعب عليك قاعدة اوتمرين او مثال
وإن شاء الله نشرحو

[Adel Al-Amoudi]

مين ضرب الـ Full Mark هُنا ؟!

[TURKI ALharbi]

المشاركة الأصلية كتبت بواسطة alaa al ghamdi خلاص ولايهمك من اليوم ابدا من بداية الكتاب عشان نمشي بالترتيب وشوف الشي الصعب عليك قاعدة اوتمرين او مثال وإن شاء الله نشرحو

الف شكر لك مقدما وعن نفسي من بعد دروس القاسم المشترك الاكبر لنهايه مو فاهم فيها شيء ياريت تشرحيها واكون لك شاكر

[Alaa Al ghamdi]

من بعد دروس القاسم المشترك الاكبر والمضاعف فيه جمع وطرح الكسور اذا قصدك عليه؟؟؟
اوكي راح ابدا في: جمع وطرح الكسور , ضرب وقسمة الكسور

واستنى اذا فيه اي استفسار عشان نكمل للي بعدو...

[Alaa Al ghamdi]

جمع وطرح الكسور:
اولا:الجمــع..عندما تكون المقامات متساوية:
1-عند جمع كسرين لهما المقام نفسه,فإن الناتج هو كسر مقامه يساوي مقام الكسرين وبسطه يساوي مجموع بسطيهما<<يعني لمن يكونو كسرين لهم نفس المقام اللي تحت نجمع البسط اللي فوق مع بعض والمقام ينزل نفسو لانو المقامين متساويين

مثال..<<مالقيت الرموز حقت القسمة معليش راح اقولها لفظا ..الرقم اللي قبل كلمة (على )هوا البسط والرقم اللي بعد كلمة (على) هوا المقام..

3على 5+6على5
اول شي نطالع فيه لمن نرى انو بينهم علامة جمع هوا لمقام<<بعد كلمة على
اذا شفنا انو المقام متساوي ننزلو زي ماهوا ونجمع البسط فقط ...
اذا كان المقام مختلف له طريقة ثانيه راح اوضحها تحت...

اذا راح تصير:3+6على 5
يعني:9على 5
لاحظ جمعنا البسط فقط
ياريت ترجع للكتاب لاني اخذت المثال منو عشان تشوفها بالرموز ...

ــــــــــــــــــــــــــــــــــــــــــــــــــ ـــــــــــــــــــ

الجمع...عندما تكون المقامات مختلفه:
2-عند جمع كسرين مختلفي المقام,نحولهما الى كسرين مكافئين لهما,على ان يكون مقامهما مشتركا ثم نجمع الكسرين الناتجين<<يعني نوحد المقامات..الكتاب ذاكر انو ناخذ المضاعف المشترك الاصغر للمقامين بس بطريقه اسهل هيه التوحيد للمقامين ....لاحظ انو الفقرة هذي في الجمع لمن المقامات تكون مختلفه !!

مثال...نفس الشي راح استخدم كلمة (على)تعبير لرمز القسمة...وياريت ترجع للمثال نفسو في الكتاب عشان توضح الصورة...
1على4+3على2
نلاحظ انو المقام<<اللي بعد كلمة (على)
مختلف
يعني لازم نسوي توحيد للمقامات عشان نقدر نجمع

المقام 2لو ضربناه في الرقم 2راح يعطينا الرقم 4يعني يصير نفس المقام الاول

ملاحظة:لو ضربت المقام في اي رقم لازم تضرب حتى البسط...
يعني الحل راح يصير:
1على4+6على4<<بعد التوحيد
المقامات صارت متساوية نقدر نجمع بنفس الطريقة الاولى :ننزل المقام ونجمع البسط
1+6على4
يصير7على4
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــ
كذا خلصنا من الجمع نجي للطرح هوا تقريبا نفسو بس بخليه في فقرة لوحدو لانو الكتبا جامعهم مع بعض...

ثانيا:الطرح..عندما تكون المقامات متساوية:

1-عند طرح كسرين لهما المقام نفسه,فإن الناتج هو كسر مقامه يساوي مقام الكسرين وبسطه يساوي الفرق بين بسطيهما<<يعني زي ماقلنا فوق لمن تشوف كسرين وبينهم علامة طرح على طول طالع في
المقامات اذا لقيتها متساوية تنزل نفس المقام وتطرح البسطين...
مثل...5على7-3على7
المقامات متساوية اذا...5-3على7
يعني:2على7
والمثال في الكتاب...
ــــــــــــــــــــــــــــــــــــــــــــــــــ ــــــــــــــــ
الطرح....عندما تكون المقامات مختلفه:
2-عند طرح كسرين مختلفي المقام,نحولهما إلى كسرين مكافئين لهما ,على ان يكون مقامهما مشتركا ثم نطرح الكسرين الناتجين<<يعني نفس الكلام الاول (في الجمع والطرح اذا كانت المقامات مختلفة لابد من التوحيد)مانقدر نجمع او نطرح اي كسر اذا كانت المقامات مختلفه...
1على2-3على4<<المقامات مختلفة..
نلاحظ الكسر الاول لو ضربنا مقامه في 2 راح يصير مساوي لمقام الكسر الثاني..
ولمن نضرب المقام لازم نضرب حتى البسط..
يعني يصير:2على4-3على4<<توحد المقام اذا ينزل ونطرح البسط
2-3على4
يصير:-1على4
طبعا الناتج يكون بالسالب لانو طرحنا صغير من كبير...
بكذا خلصنا طرح وجمع الكسور ....ياريت ترجع للكتاب وانت تقرا عشان زي ماقلت ماعرفت فين الرموز ويمكن ماهي واضحه...
اذا في اي استفسار على هذا الجزء قلي عشان نكمل للي بعدو...

[TURKI ALharbi]

مو عارف شلون اوصف لك مدى امتنانى لك صراحه ان شرحك ماشاء الله افضل بمليار تريليون مره من دكتورنا واتمنى انو تكملى لنا بقيه الدروس فضلا لا امرا وربي فهمت الدرس في دقايق ولا يهمك انا معاك بالكتاب ماشيء الرموز ماعليك منها واضحه لا يوجد استفسارات لان شرحك بصراحه جدا روعه
وربي جايب في هالماده درجه سيئه جدا
الف شكر لك ياعسل
وربي يوفقك

[Alaa Al ghamdi]

العفو والحمدالله انك فهمت
في نقطة اللي هيه اخر شي في جمع وطرح الكسور نسيت اذكرها....وبعدها ان شاء لله ابدا في ضرب وقسمة الكسور...

اللي هي:
اذا كان عندك كسر سواء في الطرح او الجمع قلنا نوحد المقامات قبل مانسوي العملية..زي مثلا:
1على4+3على2<<وقلنا عشان نوحد نضرب الكسر الثاني في 2 عشان يتساوى المقام صح؟

طيب لو كان واحد من الكسور مانقدر نضربو في اي رقم ويعطينا نفس مقام الكسر الثاني ايش نسوي..
زي هذا المثال...
5على7+3على2
نبغى نوحد...بس مافي رقم نضربو في 7ويدينا مقام الكسر الثاني اللي هو 2
ومافي رقم نضربو في2ويدينا مقام مساوي للكسر 7
عشان نحلها...
نضربها طرفين في وسطين<<هي التسمية مو صحيحه لانو لازم يكون بينها اشارة=عشان تكون طرفين في وسطين
بس للتسهيل قلت طرفين في وسطين..
يعني الكسر الجديد حيكون:البسط الاول في مقام الثاني+بسط الثاني في مقام الاول<<الاشارة +لو كانت العملية جمع وتكون- لو كانت طرح طبعا<<هذا الكلام ينحط في البسط
اما المقام اللي تحت راح يكون بضرب المقامين ...احسها ماهي واضحه..عشان توضح نحل المثال اللي فوق وطبق عليها الطريقه...
5على7+3على2
(5×2)+(3×7)على (7×2)
راح تصير :(10)+(21)على(14)
يعني:(31)على(14)

هذي الطريقة موجود في الكتاب تحت عنوان قوانين جبرية لجمع وطرح الكسور ..
اقرا القانون اللي مكتوب بالرموز عشان توضح الصورة..انا شرحت بس الجمع لانو الطرح نفس الطريقة بس طبعا الاشارة غير...
اذا في شي مو واضح هنا ياريت تقلي...

[تـــــدري أبيكـ$]

السسلآم عليكم والرحمة والبركة ^ـ^

وانا بعد من اكبر المؤيــــــــــــــــــــــدين للموضوع << تكفييين بعد ايش ..


عاد قلت اشكركم ع الموضوع ( بنت التحفييظ ) مشكوووورة عالفكرة الناااااايس

وبعد اشكر الأخت Alaa عالشرح


وإن شاء الله اشوف وش اللي مو فاهمته وارجع لكم ^ـ*



طبتمــــ