[[موضوع يتعلق بالطــب وفروعه الثـــــلاثه]]

[Loly Licious]

بالتوفيق

[LLLLLLLLLL]

والله من جد حوسه شمال جده
حوسه= لخبطه

[A N G E L]

المشاركة الأصلية كتبت بواسطة mr.google بسم الله الرحمن الرحيم السلام عليكم ورحمه الله وبركاته وعليكم السلام ورحمة الله وبركاته والصلاه والسلام على سيدنا محمد بن عبدالله صلى الله عليه وسلم صلى الله عليه وسلم :) بندخل بالموضوع على طـــول وسوالي الاول هو س1:هل يوجد فرق بين طــب الجامعه او طب الشمال او طب رابغ ؟ بمعنى اذا تخرج يكتبون في شهاده انه من الفرع الي تخرج منه او فقطك يكتبون جامعه الملك عبدالعزيز؟؟ نوب نفس الشهادة.. نفس التخصص..نفس الجامعة p: س2: هل الدكاتره الي يدرسو بالجامعه هم نفسهم الدكاتره الي بيدرسو في الشمال وهل الاسئله راح تكون موحده؟؟ ههه كيف بالله يجيك دكتور يدي محاضرة الصبح في جدة والظهر في رابغ طبعا لا بس المنهج موحد لا يوجد اي اختلاف والاسئلة ايون موحدة ترسل لفرع رابغ قبل الاختبار بيوم لانو اللي يرتبها وينظمها اظن رئيس القسم حق المادة :) س3:بدايه الدراسه ان شاء الله اين يدرسو طلاب طب الشمال والمباني تحت الانشاء؟؟ صراحة ما عندي خلفية :) يفضل تروح الكلية وتسأل س4:وانا سمعت ان الجامعه راح تنتقل الى هناك وان الشمال المساحه الي فيه جدا كبيره؟؟ هل هذه المعلومه صحيحه؟؟ والله صراحة ما ادري ما كثرت القيل والقال لكن سمعت بذلك :) شكلي ثقلت عليكم الله يوفقنا ويوفقكم ان شاء الله موفق ان شاء الله انت وكل دفعتك :)

موفق ان شاء الله انت وكل دفعتك :)

[مـــآجد]

^^^
آمـآ آلاسئلــه مــوحده .!

اللي اعرفه ان دكتور الماده يحط الاسئلة :(

[فتى تثليث]

الي قريته في جريدة عكاظ بعد سيول جده ....ان الجامعه رح يتم نقلها الى شمال جده والمشروع على مراحل اول مرحله 12 مبنى تضم 4 كليات ..السبب لإن الجامعة واقعه على مجرى سيل لذا سيتم نقلها ...اما بالنسبة للي يقولوا كلام ان كليات شمال جده رح تنفصل ...اقوله ثبت على كلامك...الي اذكره ان تاريخ العدد الي نزل فيه الخبر كان 27-1-1431

[d.abadi]

كل عام وانتم بخير ومبارك عليكم الشهر
حبيت اسئلكم اذا بحول لجامعة الملك عبدالعزيز ضروري اعيد السنه التحضيريه لاني انا بسنه ثانيه طب وابغا احول بس يقولوا لازم تعير التحضيريه
بليييييز اللي يعرف شئ يقولي

[MR.Google]

عبادي انت اي جامعه.؟؟؟؟؟؟؟

[BATO]

والله يا جماعه أنا صار لي شهر زمان وأنا أدور على اجوبة لدي الأسئلة ..

بس خلاصه اللي طلعت فيه عن كلية طب عسفان كالتالي ..

أول شي بخصوص الشهادة والإعتمادات الدوليه والخ ..

كلية طب عسفان تعتبر فرع لكلية طب جدة ولها نفس الإعتمادات الدولية ..

على عكس كلية طب رابغ ..

وهذا كلام الدكتور أسامة الطيب في الأسبوع الإرشادي ..

وعلشان تتأكدوا بزيادة من كلامي ..

كلية طب رابغ عندها عميد منفصل ..

أما كلية طب عسفان عندها وكيل تابع لعميد كلية طب جدة ..

ووكيل كلية طب عسفان هو الدكتور عجب نور .. مدير قسم الكيمياء الحيوية السريرية سابقا ..

بخصوص أعضاء هيئة التدريس ...

اللي أعرفو حاليا إنو في اعضاء هيئة تدريس رح يدرسو في كلية طب عسفان بس ..

منهم الدكتور عبد القادر الرزاق ..

وعلى حسب كلام عميد القبول والتسجيل ( الدكتور عبد الفتاح المشاط ) ..

كلية طب عسفان لها مستقبل أكبر من البقيه .. ورح يكون لها مستشفى مستقل ..

وبخصوص بداية الدراسة ...

على حسب كلام الأستاذ عبد الله الزهراني ( مدير الشؤون التعليمية لكلية طب جدة ) ...

الدراسة تبدأ يوم 16 شول ..

وعن الإشاعات إن طلاب عسفان رح يدرسو السنة الأولى مع جده ولا رح يكون في كلام ثاني ؟؟!!..

قلي الكلام الأكيد أخاذو منو في آخر رمضان ..

وأول ما أخذ الكلام الأكيد .. رح أحطو في المنتدى ..

وعن الكلام إنو الجامعه رح تنقل إلى فرع عسفان والخ..

بصراحه أول مره أسمع دا الكلام ..

لكـن أنا أعتقد إنو مو صح ..

لأنو لو كان الكلام صح ما كانت الجامعه الآن جالسه تصرف فلوسها في بناء مباني جديده في الجنوب ..

ورح تنقل كلية الهندسة وكم كلية ثانية في مبنى العمادة الجديد ..

والكل يعرف دا الشي ..

بالتوفيقـ ،،

[MR.Google]

bato

يعطيك الف الف عافيه بصراحه ماشاء الله عليك كفيت ووفيت .

بس تعرف الان اغلب الطلاب خايفين ان تفصل الشمال عن المقر الرئيسي وتصير الشمال جامعه جديده هذي هي المشكله .
ويعطيك العافيه مره ثانيه

[BATO]

الله يعافيك MR.Google

بس ترى إحنا عندنا فرصة كبييييييييييييييييييره في الابتعاث على حساب الكلية ..

لأننا أول دفعه للكلية ..

حتى لو نفترض إنها انفصلت وما عندها الإعتمادات والخ ..

إنت إذا كملت دراستك برى رح تغطي على البكالوريوس ..

وربك يوفقنا يا باشا *_^ ..