اذا كنتي ترم تخرج اتفضلي هنا - انتساب

[w h i s p e r]

المشاركة الأصلية كتبت بواسطة سديم1 بالنسبه للبحث ماأعرف أي شي يخصه ولا أعرف وش أفضل أستاذه.... وبالنسبه للتدريب بآخذه مع أستاذه إيمان الطباع أو أميره الزين إذا كانو متاحات بختار واحده منهم.....وبالنسبه وين أتدرب مدري بس ودي بمركز سأكون .. أما كيفية التدريب وبعض الأمور المتعلقه به ماعندي خلفيه عنه عشان كذا أرسلت رسايل خاصه لواحده من المشرفات وواحده من الطالبات اللي سبق وتدربو بس ماردوا للآن !!!

الاستازه حقت البحث يقولو انو زينب العايش مره مره طيبه في البحوث واكتر من وحده اخدت معاها 93 وتوريهم ايش المهم في البحث وايش لا وكدا ..
ومركز سأكون صحبتي تقول مررره رائع روحيه انصحك بيه ومتساعدين هناك المشرفات اتوكلي على الله وروحيه ..
انا نفسي اعرف حينفع اروح اتدرب قبل الدوره ولالا؟

[سديم١]

المشاركة الأصلية كتبت بواسطة w h i s p e r الاستازه حقت البحث يقولو انو زينب العايش مره مره طيبه في البحوث واكتر من وحده اخدت معاها 93 وتوريهم ايش المهم في البحث وايش لا وكدا .. ومركز سأكون صحبتي تقول مررره رائع روحيه انصحك بيه ومتساعدين هناك المشرفات اتوكلي على الله وروحيه .. انا نفسي اعرف حينفع اروح اتدرب قبل الدوره ولالا؟

يسلمو و عالإفااده والنصيحه :)

[feshfash]

تسلمين اختى لطرحك لهذا الموضوع بصراحة انا مثلك و ما ادري شو اسوي و خصوصا عندي مشكلة بالتسديد مو راضي يتسدد الرسوم معاي

[w h i s p e r]

المشاركة الأصلية كتبت بواسطة feshfash تسلمين اختى لطرحك لهذا الموضوع بصراحة انا مثلك و ما ادري شو اسوي و خصوصا عندي مشكلة بالتسديد مو راضي يتسدد الرسوم معاي

حاولي تسددي من صراف الاهلي انا نفع معايا ..
وترى امس اول امس اللي اتفعل التسديد وزبط مع الناس..
وربي يسهل لك

[جيجي_جده]

السلام عليكم

كيفكم بنوتات ان شاءالله تمام

انا معاكم مستوى ثامن لكن سبق واخدت التدريب وخلصت منه

بنات لا تشيلوا همه ابداااا انا كنت زيكم مرة متخوفه وماني عارفة ايش اسوي لكن الموضوع ابسط من البساطه

اول حاجة تعمليها تطبعي الاوراق الخاصة بمركز التدريب في ورقة لموافقة ولي الامر بعد ما يوقعها ولي الامر وتروحي لرئيسة القسم عشان هي كمان توقعها وتختمها لك وبعد كده تروحي لمركز التدريب وتعطيهم الورقة عشان يحطوا لك العلامات لما تخلصي فترة التدريب ..

حيكون معاكي ورقة دراسة حالة كمان هذه ضرورية كمان عشان تطبقي على اي حالة في المركز ..
^ هذا بالنسبة للمركز ..

بالاضافة الى بطارية التدريب الميداني + التقرير العربي والتقرير الانجليزي ..

يعني مجموع الاوراق ( مواقفة ولي الامر , دراسة الحالة ( للمركز ) , دراسة حالة اكلينيكية ( للمستشفى ) , التقرير العربي , التقرير الانجليزي , بطارية التدريب الميداني )

حتلاقوا هذه الملفات هنا في النماذج على رابط الاستاذة الرائعة ايمان الطباع ..

http://ealtabbaa.kau.edu.sa/Show_Fil...0015093&Lng=AR

او في هذا الموضوع الي راح يفيدكم جدا

http://www.skaau.com/vb/showthread.php?t=623256

بالاضافة الى بطارية التدريب الميداني ..
بالاضافة الى الكتاب الي راح يجي الاختبار منه ..


ان شاءالله ما اكون حست الموضوع بزيادة خخخ
دعواتكم ربي يسهل اموري

[w h i s p e r]

المشاركة الأصلية كتبت بواسطة جيجي_جده السلام عليكم كيفكم بنوتات ان شاءالله تمام انا معاكم مستوى ثامن لكن سبق واخدت التدريب وخلصت منه بنات لا تشيلوا همه ابداااا انا كنت زيكم مرة متخوفه وماني عارفة ايش اسوي لكن الموضوع ابسط من البساطه اول حاجة تعمليها تطبعي الاوراق الخاصة بمركز التدريب في ورقة لموافقة ولي الامر بعد ما يوقعها ولي الامر وتروحي لرئيسة القسم عشان هي كمان توقعها وتختمها لك وبعد كده تروحي لمركز التدريب وتعطيهم الورقة عشان يحطوا لك العلامات لما تخلصي فترة التدريب .. حيكون معاكي ورقة دراسة حالة كمان هذه ضرورية كمان عشان تطبقي على اي حالة في المركز .. ^ هذا بالنسبة للمركز .. بالاضافة الى بطارية التدريب الميداني + التقرير العربي والتقرير الانجليزي .. يعني مجموع الاوراق ( مواقفة ولي الامر , دراسة الحالة ( للمركز ) , دراسة حالة اكلينيكية ( للمستشفى ) , التقرير العربي , التقرير الانجليزي , بطارية التدريب الميداني ) حتلاقوا هذه الملفات هنا في النماذج على رابط الاستاذة الرائعة ايمان الطباع .. http://ealtabbaa.kau.edu.sa/show_fil...0015093&lng=ar او في هذا الموضوع الي راح يفيدكم جدا http://www.skaau.com/vb/showthread.php?t=623256 بالاضافة الى بطارية التدريب الميداني .. بالاضافة الى الكتاب الي راح يجي الاختبار منه .. ان شاءالله ما اكون حست الموضوع بزيادة خخخ دعواتكم ربي يسهل اموري

الله يسعدك ياشيخه وربي مره كنت شايله همو ومني فاهمه ايش طبختو ههههههههه
انا طبعت الاوراق وكل شي بس استنا الحزف والاضافه عشان اشوف اسم الاستازه واروحلها توقعلي وانطلق..
والاختبار ايش جاكي فيه؟
يعني شي مكرر من اللي اخدناه في تدريب 1 وعلم النفس الاكلنيكي؟
ولا بالعكس محتاجين انو احد يدلنا ويقلنا ايش سار وربي يسهل امرك ياقمري تسلمي عالمعلومات

[ام الفاتح]

الله يعطيك العافيه صاحبة الموضوع

انا كمان هذا ترم تخرج

موادي:
تدريب1
تدريب2
بحث تخرج
عيادي
توجيه وارشاد
التفسير الاسلامي للسلوك
ماده حره<<للحين ما اخترتها

[سديم١]

جيجي جده يعطيك العافيه ماقصرتي :)
وياليت كل الخريجات مثلك يكتبون تجاربهم

[عازفة الوتر الحزين]

سديم حاولت ارد عليكي بس طلعلي أنو الرسايل معطلة عندك
وشرحت لك ايش تسوي بس للأسف مو راضي يوصلك بس العطل اللي عندك

[سديم١]

المشاركة الأصلية كتبت بواسطة عازفة الوتر الحزين سديم حاولت ارد عليكي بس طلعلي أنو الرسايل معطلة عندك وشرحت لك ايش تسوي بس للأسف مو راضي يوصلك بس العطل اللي عندك

الله يعطيك العافية ماتقصرين براجع الإعدادات حقت الرسايل ويارب تتعدل مع إني ماقط عطلت الخاصيه ،،
‏>‏>مالك فكه مني