طالبات التعلم عن بعد وينكم

[ريف]

شكرا ياختي meme
وانا واللة زيك ماني عارفة من اسأل
واللة يوفقك

[ريف]

اختي ابي اسجل
انا في حيره ماني عارفة ليش حظورنا
اللة يوفقك ويسهل لك القبول بالجامعة انتي وجميع الاخوات

[ريف]

انا لما كنت ابي اسجل
كلمت الجامعة
وقالوا مايهم درجة القدرات ولا سنة التخرج
علشان في مشكلة في النظام سجلوا مع الطلاب الجدد
وحطي اخر تاريخ والقدرات نفس نسبة الثانوية
بس انا ماني مقتنعة حاسة في شي خطأ
انا الحين انقبلت
بس احس معلومات حقتي غلط
تكفون ساعدوني
المشكلة اني في الشرقية يعني مو سهل اروح اسأ ل الجامعة

[7oriah_ksa]

والله يا ريف لو بتسأليني أكيد ماراح انصحك بهالنظام بس فيه ناس سلكت معاهم
والعام كان أول سنة يطبق نظام عن بعد وماكان فيه شي اسمو سنة تحضيرية على طول لما تسجلي
تختاري التخصص أنا عن نفسي جيتهم من الرياض وسجلت بس ما طلبوا مني اي مراجعة لهم واعرف ناس بره جده ارسلوا معارفهم واقاربهم يسجلوهم وكان الوضع اوكي اما الاختبارات فتقدري تختبري بالشرقيه لكن على كل مادة تدفعي 200 ..
بس من جد هالنظام فيه ظلم لعلاماتك..

[dano0osh]

السلام عليكم
كيفكم يابنات انا طالبة انتساب ونويت احول للتعليم عن بعد لاني قريت ان التعليم عن بعد بس من كلامكم خفت

على العموم لو في اي طالبه حولت من انتساب لتعليم عن بعد ياريت تقلي كيف احول لو ماصارفيه اي مشكله وشكرا

[7oriah_ksa]

أنا اتذكر كنت اجلس على النت من 8 الصباح لين 2 ونص الظهر انتظر كل استاذه تدخل تحاضر واغلبهم مايحضروا وتتفاجئي تلقي واجبات على قسم الواجبات في صفحتك الخاصة وانتي اصلا ما اخذتي محاضرات كيف بتحليه بالله فتضطري تفتحي الكتاب وتدوري الحل وانتي اصلا ماتدري في اي درس كان موضوع الواجب واتذكر حل الواجبات ياخذ وقت خاصة الانجليزي وطبعا لازم تسوي نشاط بوربوينت للمادة ولازم تشاركي بالمنتديات عليها علامات فالكمبيوتر ماراح تفارقيه راح يضعف نظرك وراح تتكسر رقبتك غير كذه اجسامكم بتترهل من الجلسه وغير كذه وقت الاختبارات الدورية لما يتعطل نفس النظام حق الجامعه وتتقفل الصفحة ماعندك احد يرضى يعيدلك الاختبار يقولوا مالنا دخل مو ذنبا..
خخخخخخخ شكلي خربتكم بس هذه الحقيقة

[dano0osh]

المشاركة الأصلية كتبت بواسطة 7oriah_ksa أنا اتذكر كنت اجلس على النت من 8 الصباح لين 2 ونص الظهر انتظر كل استاذه تدخل تحاضر واغلبهم مايحضروا وتتفاجئي تلقي واجبات على قسم الواجبات في صفحتك الخاصة وانتي اصلا ما اخذتي محاضرات كيف بتحليه بالله فتضطري تفتحي الكتاب وتدوري الحل وانتي اصلا ماتدري في اي درس كان موضوع الواجب واتذكر حل الواجبات ياخذ وقت خاصة الانجليزي وطبعا لازم تسوي نشاط بوربوينت للمادة ولازم تشاركي بالمنتديات عليها علامات فالكمبيوتر ماراح تفارقيه راح يضعف نظرك وراح تتكسر رقبتك غير كذه اجسامكم بتترهل من الجلسه وغير كذه وقت الاختبارات الدورية لما يتعطل نفس النظام حق الجامعه وتتقفل الصفحة ماعندك احد يرضى يعيدلك الاختبار يقولوا مالنا دخل مو ذنبا.. خخخخخخخ شكلي خربتكم بس هذه الحقيقة

طيب كم مرة اتعطل النظام وكم مرة صحيتي وحضرتي المحاضرات
معليش اسالتي كتيرة عشان انا منجد ناوية
وانا كدا كدا قاعدة على الكمبيوتر عشان المنتدى حقي فما حيضرني لو حضرت محاضرات وبصراحة الدورات التاهيليه تاخد من وقتي وقت بيتي واولادي ومنجد محتارة وخايفة اندم
سامحيني

[ابي اسجل ؟]

بنات ردو حضورنا مهم

ولا نرسل الاوراق وبسس ؟

[7oriah_ksa]

النظام لازم يتعطل في كل اختبار ولو ما تعطل عليكي بيتعطل على زميلاتك وطبعا كنت اصحى على كل محاضرة تلقيني صاحية من قبل 8 استعد للمحاضرة حتى والله اتذكر كنا نوصي بعض اذا حضرت الأستاذه اتصلي عليا لدرجة انو البنات صاروا يهملوا يدخلوا ويناموا ...
عموما هذا الكلام على الترم الاول من العام انا بعد الترم الاول انسحبت مدري كيف كان الوضع بالترم الثاني كلمت زميلاتي وقالولي نفس الشي بس افضل من الاول ..
انتو اتوكلوا على الله وسجلوا ما ابي اخرب عليكم ويمكن عشان كنا اول دفعة ندرس هالنظام بالسعودية فكانوا لسه مو متمكنين منو وان شاءالله يكونوا غيروا الوضع وطوروا من النظام على اساس ما يتقفل عليكم وعلى فكرة كمان وانتي بالمحاضرة تسمعي الاستاذه شوي تلقي نفسك بمحاضرة الشباب كيف دخلتي عندهم ماتدري او تلقين الشباب فجأة دخلوا بمحاضرتك برضوا هما ما يدروا كيف دخلوا النظام دخلهم تلقائي فكانت حوسه بصراحة

[dano0osh]

طيب هل الحضور عليه درجات ولا لا
ازا لا بامكاني ازاكر من المواد المسجله في موقع العمادة واحل الواجبات منها اذا ماهو الزامي الحضور اون لاين