بنــااات & شبــاااب ايش شعوركم اليوم بعد أول يوم ؟؟ لكل الدفعات ^__^

[Kaira]

المشاركة الأصلية كتبت بواسطة Dr~NanoOok شوفي ياعسل لما أجيكم ما حقلكم أنا مين وحخليكم تحزروا :p إن شاء الله اذا ما داومنا بالعيادات اليوم حجيكم وحتى لو كان عندكم محاضرة اناتومي مثلا هههههههه والليدر حقتنا مو أنا "^^ هي انسانة روعة مافي زيها.. تعامل واخلاق وكله.. وقلبها كبيييييير ماشالله عليها والحلو انها تتقبل كل الافكار ويصير نطبقها ع الكل وكتير افكار اخترعناها حنقولكم عليها.. مررره تساعد في التواصل وكل حاجة وحقولها تجيكم وتشرحلكم فكرة "الشجرة" حقتنا في التواصل ^_^ اشووفكم على خير

ممممممــ طيب بس لازم أعرفك ولمحي طيب لا تصعبي علينا ترى أنا ودريم كات
ومس رهف مررررررررة نفسنا نشوفك ونسلم عليكي
إيوة بصراحة ماشاالله المرشدة مرة مرة مرة مدحت في حقتكم اليوم احنا أخترنا ليدر وسب ليدر
برضو بنتين يا ناسو عليهم الله يحميهم ويقويهم بصراحة شكلها شغلة الليدر مرة شوية متعبة بس حلوة
في نفس الوقت بس احنا انشاالله نتعان كلنا سوا ^__^

تدري اليوم برضو مادرسنا شي غير فيسيولوجي مع د.حنان القاضي شي مقدمة مرة بسيطة
بس مرة كان مخي مقفل ونومي مرة ملخبط بس الحمدلله عدت المحاضرة على خير ..
وشكلو بكرة مافي رحمة من جد

المهم
انتي مرحبابك في أي وقت تجينا الله يحيكي انتي وصحباتك وكل دفعتكم تنورو الكلاس والله
اليوم جونا سنة تالت وقاعدين يهرجو معانا أشياء كتيرة مرة ماشاالله بنات الله يحميهم ^^
وكمان قالو حيجونا يوم التلوت أعتقد وقت الـ activity ويعطونا نبزة كمان وشرح مفصل لسنة تانية الله يسعدهم والله بيتعبو مرة معانا وانشاالله يارب يلاقو نتيجة تعبهم معانا في نجاحهم في سنتهم
وكل سنواتهم ..

[Kaira]

المشاركة الأصلية كتبت بواسطة glamor mada احنا ماشاءالله الدكاتره بدؤو محاضرات من اول يوم ومن اول ساعة دوام هههههه بس لازم نعدل نظام نومنا عشان نكون مصحصحين هههههه بس عموما اول يومين كانت حلوة ^^

أهاهاهاهاهاهاها
لا احنا عكسكم ماشاالله مدلعيننا اليومين دي بس من بكرة الكرف والدراسة والجد ^^
والنوم دا هوة إلي بهدل مخي اليوم في الفيسيولوجي
وكمان المكيف بااااارد والدكتورة طافية اللمبات عشان الدادشو وشوية أنام ..
الله يعينكم ويعيننا وربي يوفق الجميع ..
دووومووووو مادا كو ..

[woody]

السلام عليكم ورحمة الله وبركاته
كييييييييفكـــــــــــــــم أنشاء الله تمام
أنا طالب في شمال جدة سنة تحضرية وأول يوم كان لي امس مررة هجوله لأني من مكة
طبعا رحت الجامعة مواصل طلعت من البيت الساعة 6,10 و ولما مسكنا خط جدة السريع الساعة 6.20 المهم أنا كنت مع اخوي ووصلنا المقر الرئيسي للجامعة اللي هو في الجنوب <<< أحلف
وصلنا تقريبا على الساعة 6.40 وقعدت الف وادور بالجامعة وطبعا مع اخويه لما لقيت الباص وركبت الباص تقريبا الساعة 7.00 وماكان في الباص إلا واحد نفر <<<ابوك يالعربي
المهم سألت السواق حق الباص قلتلو متى تمشي من هوون <<<قلب باب الحارة
قالي الساعة 7.30
قلت حلو وارجع بأخر مرتبه واتسمع أغاني بالجوال ^_^
وشوي إلا يجي نفر ثالث << يعني صرنا 4 بالسواق
وحركنا من المقر الرئيسي الساعة 7.30 تماما
والطريق زحمة مررة <<< أنا عايش جو مع راشد الماجد
وسواقنا <<< من متى سواقكم>>> يدعس في الخط
المهم قربنا من الجامعة والساعة صارت 8,20 والسواق مالف على الجامعة بالعكس طوووول
وأنا قلت يمكن بيلف من قدام وشوي يتعدا ثاني لفة واللي معايه نايمين خخخخ
وأنا صيحت عليه <<< قلت : يا صديق وين بتودينا
إلا هو وقف وقال نعم نفر قلت الجامعة وراء انت وين بتودينا قال واللهي انا ما فيه شوف قلت هيا لا هنت ارجع
ورجع
ولما وصنا الجامعة كآآآآآآآآآي كأني بمدرسة هههههه المهم من ناحية حلوة حلوة ومرة كمان لأنها قريبه من بعض يعني ما تضيع
ولما دخلت القاعات فيها بس طلاب ما فيه دكاتره والفلف <<< ابو المصطلح يا شيخ
يعني تقريبا المباني اللي بندرس فيها 95% جاهزة بس باقي كم شغلة والتكيف مورة تمام ^_^<<<ايش جاب لجاب
المهم انتظرنا شويه أنا واللي طلعو معاي في الباص <<<شبكتهم
شوي إلا جاء دكتور مدري ممرض<<< برا
وقال يوم الإثنين راح يبدأ الدوام الفعلي ويبدأ تسجيل الغياب وبكرة لا حد يجي واللي بيجي يسأل الله يحيه
وخلصنا على الساعة 9.45 وعلى بال ما يجي الباص إلا الساعة 9.50 <<< ملتزم بالوقت خخخ
وركبت الباص وركبو اصحابي <<< مسرع سارو اصحابك
وركبو معانا ناس ثانين وسار الباص زحمة خخخخ بس مو مررة تقريبا 12 شخص
ورجعنا على الجامعة ووصلت الجامعة تقريبا الساعة 10.55 عشان كان فيه حادث وزحمة مررة
ولما وصلت لقيت اخوي العزيز بإنتظاري وأول ما ركبت السيارة سحبت السيفون ونمت ما صحيت إلا الساعة 11.50 وأنا عند باب البيت <<< والحمد لله وصلنا مكة
وهذي قصة معاناتي بإختصار <<< بس مررة حماس

علما إني شبكت السواق عشان لما اتأخر اتصل عليه واخليه ينتظرني خخخخخ

وسوري على الإطاله والمطبات خخخخ

المهم ما علينا بالتوفيق للجميع بس بسألكم بما إنكم طب أسنان وأنا إن شاء الله بدخل طب الأسنان
كيف الدراسة بوجه عام ولازم كم أجيب المعدل حق السنة التحضرية وكيف المناهج ...إلخ<< متأثر بالثانويه خخخ
وتنصحوني بإيش ؟؟ والسلبيات والإيجابيات وكل ابو شي

[Dr~NanoOok]

المشاركة الأصلية كتبت بواسطة Glamor Mada احنا ماشاءالله الدكاتره بدؤو محاضرات من اول يوم ومن اول ساعة دوام هههههه بس لازم نعدل نظام نومنا عشان نكون مصحصحين هههههه بس عموما اول يومين كانت حلوة ^^

ماشالله مرره متحمسين الدكاترة ^^
وأهم حاجة انها كانت يومين حلوة .. أحلى شي الايجابية =)

__________________________________________

المشاركة الأصلية كتبت بواسطة Kaira ممممممــ طيب بس لازم أعرفك ولمحي طيب لا تصعبي علينا ترى أنا ودريم كات ومس رهف مررررررررة نفسنا نشوفك ونسلم عليكي إيوة بصراحة ماشاالله المرشدة مرة مرة مرة مدحت في حقتكم اليوم احنا أخترنا ليدر وسب ليدر برضو بنتين يا ناسو عليهم الله يحميهم ويقويهم بصراحة شكلها شغلة الليدر مرة شوية متعبة بس حلوة في نفس الوقت بس احنا انشاالله نتعان كلنا سوا ^__^ تدري اليوم برضو مادرسنا شي غير فيسيولوجي مع د.حنان القاضي شي مقدمة مرة بسيطة بس مرة كان مخي مقفل ونومي مرة ملخبط بس الحمدلله عدت المحاضرة على خير .. وشكلو بكرة مافي رحمة من جد المهم انتي مرحبابك في أي وقت تجينا الله يحيكي انتي وصحباتك وكل دفعتكم تنورو الكلاس والله اليوم جونا سنة تالت وقاعدين يهرجو معانا أشياء كتيرة مرة ماشاالله بنات الله يحميهم ^^ وكمان قالو حيجونا يوم التلوت أعتقد وقت الـ activity ويعطونا نبزة كمان وشرح مفصل لسنة تانية الله يسعدهم والله بيتعبو مرة معانا وانشاالله يارب يلاقو نتيجة تعبهم معانا في نجاحهم في سنتهم وكل سنواتهم ..

والله أنا مرررره نفسي أجي واتعرف عليكم كلكم
بس المشكلة انه ماااافي فرصة !

المفروض بنات سنة خامس يجوا عندنا يكلمونا عن رابع
و احنا نروح لبنات سنة ثالث نكلمهم عنها
وبنات ثالث يجوكم
"^^

لكن مع الحوسة ومافي وقت ما مدانا..
إن شاء الله بأي وقت فاضي خلال هذا الأسبوع أجيكم واقعد معاكم
المشكلة وقت البريك أغلب البنات بيخرجوا من الكلاس
والأوقات التانية ما اعرف متى انتوا فاضيين فيها

لكن تتسهل إن شاء الله

.

والليدر مسؤولية كبيرة.. لكن لو اتوزع الشغل بين كذا بنت حيسهل عليها
و كل شي يصير تمام

وترا الفسيولوجي من أمتع مواد سنة ثاني ^_^
حلوة وتعتبر سهلة لأن كمية الفهم فيها أكتر وأهم من الحفظ

ود. حنان مررره رائعة.. استمتعوا معاها
احنا اعطتنا أول كورس في سنة ثانية .. و بس واحد بالترم الأول
خسارة يعني مو كتير

__________________________________________

woody

الله يعينكم على المشوار.. وبداية موفقة إن شاء الله ^^
شد حيلك عشان نشوفك بطب الأسنان السنة الجاية يارب

بالنسبة لتساؤلاتك.. فهناك الموضوع المثّبت حق "أسئلة السنة التحضيرية"
إن شاء الله تلاقي فيها اجابات لاستفساراتك

و في مواضيع حلوة وحتفيدك في القسم.. ياليت تتطلع عليها

بالتوفيق