افيدوني في تخصص تقنية مختبرات !!

[LPRocks]

<< تره انا زيك JuStice الكيمياء هذي اعتبرها مصدر التعقيد في العالم بس باين من كلام الأخت عبوور انو القسم فيه كيمياء على خفيف و كيمياء مختلفة مو زي كيمياء الثانوي و التحضيري وصراحة ارتحت لقسم المختبرات و أن شاء الله هوا نصيبي ،،

المشاركة الأصلية كتبت بواسطة عبوور أول شيء راح تبدأو بكيمياء حيوي هاذي كيف كل شيء يدخل جسمنا يتحلل يعني مثلا في الجسم جلكوز يجي انزيم يحولوا لشيء ثاني والناتج يجي انزيم يحولوا وسلسله طويلة بس ماراح تنعطي لك كده ومطلوب منك تحفظها بالتفصيل والشرح ودكتورات قسم البيوكمستري "اسم الماده بالانجليزي " جدا رائعات يحفظوا من المحاضرة بس ما أعرف عن الدكاترة تناخذ على ترمين سنة ثالثة الكيمياء السريرية نفس ده الكلام بس تطبقي طبي يعني انسان عنده مشكله في انزيم ايش راح يتجمع في جسمه وكيف الجسم راح يتخلص منه واحنا كيف نقدر نقيس المواد هاذي في المعمل وكده وهذي المادة يدرسها دكاترة رجال للطلاب والطالبات وحيكون مروا عليكم سنة ثانية فتكونوا عارفين طريقة كل دكتور في الاسئلة يعني الوضع يكون مرتب فيها يااارب أكون أفدتك

الله يوفقك مس عبوور على المعلومة القيمة

صراحة بديت اطمن انو الكيمياء في المختبرات راح تكون مختلفة عن ذيك الكيمياء الي اخذناها في الثانوي و التحضيري و هذا اهم شي ^_^

جزاكي الله كل خير

[JuStice]

.

أخت عبوور ,

أسأل الله يوفقك لكل ما يحبه ويرضاه وفي دراستك وحياتك ,

أنتي عملة نادرة فعلاً .. لأننا لا نجد طلاب أو طالبات علوم طبية غيرنا نحن المستجدين ليجيب عن تساؤلاتنا حول القسم

وشكرًا لكِ على توضيح جزئيات الكيمياء لأني بصراحة أكرهها من أيام الثانوية فالله المستعان

أتمنى أن تبقي معنا وتفيدينا بخبراتك وما مررتي عليه

.

[نجمة اليل]

جزاااك الله الف خير اختي عبوور
مااقصرتي والله اختي
الله يسهل ويوفقك في كل امورك

[JuStice]

.

LPRocks الله يوفقك بالمختبرات .. من خلال شرح الأخت عبوور شكلها كيمياء على أحياء بما إنه فيها إنزيمات وجولوكوز ,

كنت ناوي أدخل بس أظن راح أحوّل على أشعة (-:

.

[عبوور]

أخت عبوور , أسأل الله يوفقك لكل ما يحبه ويرضاه وفي دراستك وحياتك , أنتي عملة نادرة فعلاً .. لأننا لا نجد طلاب أو طالبات علوم طبية غيرنا نحن المستجدين ليجيب عن تساؤلاتنا حول القسم وشكرًا لكِ على توضيح جزئيات الكيمياء لأني بصراحة أكرهها من أيام الثانوية فالله المستعان أتمنى أن تبقي معنا وتفيدينا بخبراتك وما مررتي عليه

أخ JuStice
امين يااارب لي وليك والجميع ماعملت غير الواجب

الله يوفقك مس عبوور على المعلومة القيمة صراحة بديت اطمن انو الكيمياء في المختبرات راح تكون مختلفة عن ذيك الكيمياء الي اخذناها في الثانوي و التحضيري و هذا اهم شي ^_^ جزاكي الله كل خير

امين والجميع إن شاء الله يااارب الكيمياء راح تكون دمها خفيف مو مررة بس ربنا راح يسهلها لو شدتوا حيلكم

LPRocks الله يوفقك بالمختبرات .. من خلال شرح الأخت عبوور شكلها كيمياء على أحياء بما إنه فيها إنزيمات وجولوكوز , كنت ناوي أدخل بس أظن راح أحوّل على أشعة (-:

الله يختارلك اللي فيه الخير ويسهلوا لك

[Neeno]

طيب ابغى اعرف كيف نظام الاختبارات في دا التخصص ؟؟

[نجمة اليل]

نفس الســـــــــــؤال !!
ياريت الاخت عبوور تفيدنااا
جزاها الله الف خير

[عبوور]

نظام الاختبارات كل موادنا لها معامل فاختبارات المواد تنقسم قسمين نظري ومعمل النظري اذا كانت مادة عامة غالبا كل mcq يعني اختيار من متعدد اذا كانت مادة تخصص معناته فيها اختيار من متعدد وفيها تكتبي وترسمي واي سؤال يجي على بالكم المعمل برضوا قسمين نظري وعملي عملي تدخلي المعمل وتسوي المطلوب منك ونظري تعلق ع اللي عملتية وتكتبي النتايج وكمان اسئلة على خفيف عن جزئية المعمل والمادة
طبعا اختباراتنا بشكل عام كلها طويلة يعني تودعوا حركة اختبار نهائي 3 صفحات اختبار نهائي غالبا ملزمة كاملة ولما تكون اختياري معناته يجيبوا 100 سؤال اذا مو اكتر بس تقدروا تحلوها لاتخافوا وده كله في مصلحتنا انه لما نغلط ماننقص كتير

[نجمة اليل]

يسلموو اختي عبوور
بجد ماقصرتي اختي
الله يعطيك الف الف عافيه

[moon4ever]

انا عندي سؤال

بالنسبه للبطاقه ...

هل نجيب صوره لنا خارجيه ... والا نصور هناك ؟؟

والا بدون صوره :p