لتوضيح الوضع الجوي غدا الأربعاء ...

[Messi]

السلام عليكم ورحمة الله وبركاته ..

كيف الحال .. عساكم بخير ؟؟

طبعا اليوم بعد الساعة 10 الصباح على ما أظن الجو قلب من شبه صحو إلى غائم ..
الكثير انحاش من الجامعة وانا قاعد إلى الساعة 1 إلى ما جاني خبر إنه فيه إخلاء للطوارئ
لأن الجوي كان مره مغيم ..

عندنا في جدة في حي الروضة المطر قام ينزل وبقوة عند الساعة 9 تقريبا ..
لدرجة إني أمشي 20 كيلو في الشارع ..
ما توقعت إن جدة تمتلي بسرعة زي كذا .. يعني في ربع ساعة تقريبا الشوارع صارت مليانه ماء هذا الكلام في حي الروضة والخالدية ..
وقفت السيارة ونزلت بسرعة توقعت مستوى الماء مره قليل ..
.. طلع عمقه تقريبا 15~20 سنتيمتر فوق سطح الإزفلت ..
اخر مره نزل المطر في جدة في شهر 12 ما كنت في جدة .. ما كنت أتوقع المطر زي كذا ..
ألحين دام إني صرت اعرف .. والكثير منكم قلقان بكرا يروح ولا لا ..

أعتقد كثير منكم يعرف موقع www.accuweather.com
أكبر موقع و أفضلهم و أدقهم .. و المعتمد عالميا ..
دائما إذا كنت خائف .. أطّلع عليه .. و أعتقد إنكم لازم تشوفونه ..
بحيث إنه راح يوضح لك أجواء أي مدينة ..
تقدر تعرف أجواء جدة في ال 15 يوم القادمة من خلال هذا الموقع ..
وتقدر تعرفه ساعة بساعة في نفس اليوم ... و و و و و ... مواصفات حلوه كثير ..

إنت ما عليك إلا تدخل هذي الصفحة ... فيها توضيح بالتفصيل لأجواء جدة غدا الأربعاء

وهذا الرابط حق أجواء جدة بشكل عام غدا ..
http://www.accuweather.com/world-for...EDDAH&metric=1

وهذا الرابط يعطيك الجو في كل ساعة .. هذا حلو إذا تبي تعرف ايش راح صير كل ساعة ..
والجو صافي معظم الوقت . أول صورة للمعلموات راح تعطيك الجوي من الساعة 11 مساء من يوم الثلاثاء إلى الساعة 6 الصباح .. إضغط على next 8 hours عشان يطلعلك الجوي من الساعة 7 الصباح إلى الساعة 2 مساء يوم الأربعاء .. موقع حلو جدا
http://www.accuweather.com/world-for...y=1&hbhhour=23

الخوف ايش سوت هذي الأمطار بالجامعة ألحين ..
لأن بكرا الجو راح يصير صافي إن شاء الله ..


اتمنى أفدتكم كثير ...

بالتوفيق للجميع