استفسار بخصوص التحويل (عنوان معدل)

[ام دالين]

مشكوورين جزاكم الله الف خييييييييييييييييييير

بس سؤال اخير هل يستطيع اخي التحويل لكليه العلوم ام لا مع العلم انه كان بالثانوي علمي

[الهيملي]

أنا كنت اسمع أنو بعضهم يحولوهم بس لازم يدرسوا كيماء فيزياء أحياء لكن ما أعرف إذا هذا الشيء أكيد أو لا , لكن إذا بيحول علمي كلية الإدارة للعلمي أقرب له لأنه مايحتاج هذي المواد , أنا قتلك من قبل يروح العمادة وياخذ العلم اليقين .

بالتوفيق.

[ام دالين]

مشكككككككور اخي جزاك الله خييييييير

[girl.k.s.a]

أهلا وسهلا ,,

بالنسبة للتخصصات المطلوبة في سوق العمل تعتمد على الرغبة المستقبلية للوظيفة
لو أخوك ناوي يشتغل في حكومي يدخل إدارة عامة لأنو هيا اللي دايما أشوفها في الوظائف الحكومية
أما لو شركات فعندك خيارين لو دخل إدارة أعمال حيقدر يشتغل في أي قسم في الشركة ولكن وظيفة إدارية
وغالباُ قسم hr هوا اللي يآخد خريجين إدارة أعمال أو أي قسم تاني محتاج سكرتارية ..
مو شرط إدارة أعمال المهم عند الشركات الخبرة لو كان منصب عالي شويا ( يعني مو لحديثي التخرج)
طبعا بحكم إنو إدارة الأعمال حاليا صعبة إنو أخوك يدخلها بحكم الأدبي اللي كان يدرسوا في التحضيري
يصير خليه يختار إما قانون ودآ مطلوب في الشركات برضو أو زي ما قال أخوي قسم العلاقات العامة اللي في كلية الإعلام جدا ممتاز ومطلوب
لأنو الشركات بدون علاقات عامة ما تمشي ^_^

أولا وأخيراً لاااااااازم يدخل اختبار ميول لأنو حيستفيد كتير وتاني شي الاستخارة مهمة جدا جدا لتحديد المستقبل.
وبالنسبة للمواد اللي تتعادل ما قد سمعت عن دي المادتين إنها متاحة في كليتنا اقتصاد وإدارة عشان كدا لو يقدر يغيرها لا يتردد ويآخد
مواد مضمونة إنها تتعادل ,, زي السيرة النبوية والخلفاء الراشدين أو المدخل إلى وسائل الإعلام ... إلخ

وتخصص علم الإجتماع أحياناً ألقى له وظائف في المكتبات العامة زي مكتبة الملك فهد .

برضو قرأت إنك تبغي أخوك يدرس شي نادر , صح فكرة كويسه لكن هوا يقدر يتميز في تخصصو ويصير أفضل الطلاب
على دفعته برغم إنو في تخصص الكل فيه =)

أما بالنسبة لتحويله لكلية العلوم فـللأسف إنو ما يقدر لأنو الثانوية شي والجامعة شي تاني ، بمجرد ما إنو دخل أدبي في الجامعة خلاص راحت عليه
إلا لو ربي كتبلو هيا ومشيت زي حالتنا زمان فهادا شي تاني ^_^ وطبعا مافي شي بعيد عن ربنا والله يكتبلو اللي فيه الخير.

بالتوفيق إن شاء الله.