تناثرت احلامي امامي واصبحت (اوهــــــــــــام)

[super mo6awa3]

قلبي متقطع عليك حبيبتي .. بس اسمعي ترا ماهو شرط انك تجيبي في كل المواد فوق ال85 أو ال90 في كل مادة زي ماهم كاتبين في الشروط , المهم انك تجيبي المتوسط العام حق الفيزياء الاحياء والكيمياء والانقليزي فوق ال85 ( يعني متوسط هذي المواد مخلوطة مع بعضها = 85) مو لازم كل مادة تجيبي فيها فوق ال 85 لا لا لا شيلي هذا الكلام من راسك الكلام اللي كاتبينه ذا مجرد رسميات ..
أنا أعرف واحد صاحبي ويدعى هشام باسمح (بالاسم عشان تصدقي خخخخخ) كان جايب 70 في الكيمياء بس عوضها بالمواد الثانية (يعني رفع المتوسط العام حقه من خلال درجات الاحياء والفيزياء والانقليزي) وهاهو اسمه الآن يتلألأ في سماء كلية الطب .. وبعدين شوفي صح انهم طالبين المتوسط العام لهذي المواد 85 لكن ترا الكلام هذ مو ثابت , بل يتغير من سنة لسنة .. أنا أقلك طريقتهم كيف .. عندهم هم ذحين في كلية الطب 200 مقعد مثلا .. وأعلى 200 معدل (في المواد اللي هم يبغوها) هم اللي اللي ياخذوهم .. يعني ممكن يكون أقل واحد في ال 200 هذول جايب مثلا 87 .. إذًا خلاص يقفل التسجيل على النسبة ذي .. ونفس الكلام ينطبق لو كان مثلا عندهم 200 مقعد واللي تقدموا كلللللللللللهم مافي منهم غير 100 واحد بس هم اللي جايبين فوق ال85 .. يعني لسه باقي 100 مقعد فاضي .. إيش تتوقعي حيسووا ؟؟ خلاص يقفلوا التسجيل!! .. لأ طبعا .. حيقبلوا طلاب إلين ما يكملوا ال200 مقعد ... يعني الشغلة باختصار: ياخذوا أعلى 200 معدل (في المواد اللي هم طالبينها) .. وهذا يختلف من دفعة لددفعة .. ادعي وقولي يارب تكون دفعتك فاشلة عشان تنقبلي في الطب خخخخ

أتمنى اني أكون أفدتك .. وأنا زيك ترا نففففففففسي أدخل طب وهذي المعلومات بإذن الله أنا متأكد منها .. لأني كنت زيك متحطم ولكن بعد ما سألت ولفلفت ونقبت ودورت .. عرفت الكلام هذا من طالب كان العام الماضي تحضيري والسنة هذي في الطب (يعني عاش وضعنا)
وربنا ييسر لنا جميعا .. وتكفين أدعيلي دعوة في ظهر الغيب لأني والله نفففس حالتك

ومعليش على الكلام الملخبط