لكي نتساعد ونستفيد من بعضنا..أود من الجميع الدخول

[د. أسامة]

أتمنى من طلاب وطالبات خطة أ ، و الحاصلين على درجات عالـية ،

أن يردوا ويضعوا المصادر إللي ذاكروا منها ، و كيف استغلوها في المذاكرة ،

وكمان لو ذكرتوا تجاربكم يسعدني ذلك ،

وشكراً .

[فهودي w595]

واااااااااااااااي وربي من قبل الاختبارا كنت مجهز لموضوع زي كذا

ع العموم لي عوده بعد الاجازه بكل ماعندي من ملخصات ومذكرات

بس خلوني شوي ارتبها وانزلها


- لي عوده -



مشكور ع الموضوع

بــ ررر بــ

[الشيمآء]

السلآم عليكم ,,

أنا خطة ب ..

الأحياء ,,
المنهج مررررررررررة كبير وكل شي من الأحياء قد مر عليكم في الثانوي ح ترجعوا تاخدو تاني بالـ انقلش, صح المزاكرة كووولها من الـ test bank بأجزاؤو لكن ستيل لازم تفهموا ايش الكلام اللي في التست ..
لإنو و الله العظيم .. الجزء اللي منتو فاهمينو ما تقدروا تحفظوهـ ..
و بالزات الجزئية الاخيرة تبع الجينتكس مررررررة يبغآ لهآ تركيز ..
<< فلسعت المحاضرتين الأخيرة و ضيعت .. ، لكن الحمد لله حليت في الفاينل ..

الكيميآء ,,
ما أعتقد انو لغتو صعبة, و برضو أغلب الحاجات قد أخدنآهآ قبل كدهـ، بس في اختلاف في طريقة الحل عن اللي نعرفو ..
جزئية الاتزان و الـ acidity لازم تتمكنو منهآ مرررررررررررررة ..
لإنو الأسئلة غالباً تيجي بأفكاآر كدهـ غير عن الكتاب شويآ ..

الإحصاء,,
دي المآدة لازم تزاكروهآ من بداية السمستر ..
شخصياً أهملتها ليوم الاختبار ..
و عينكم ما تشوفني يومهآ ..
كنت بقطع شعر راسي ..
و الزات شابتر 4 تبع الاحتمالات أسئلتها ركزوا ايش المطلوب بالزبط ..
كلمة وحدة تغير حلك كوووولووو ..

الأستازات ..
الأحياء ,,
شخصياً كانت ماسكتني د. حنان الشاذلي ..
ممتازة و الشعبة تتملي من بنات مو منهآ ..

الإحصاء..
درستني أستازة دعاء بوقري شرحها حلو و تحسي مرتبة و هيآ تشرح .. ترتب الأفكار ..
و أعرف كمان إنو أستازة لميس كويسة ..

الكيميآء ..
آهـ من الكيميآء ، درستني تلات محاضرآت أستازة فوزية البلوي << الله يستر يمكني غلطانة في اسمها ..
و بعدين جاتني وحدة .. الله لا يوريكم و لا يحطكم مكاننآ ..
اسمها لطيفة ..
و الله العظيم , احنآ نفهم الكيميآء أحسن منها ..
و كمان درستني وحدة اسمها تهاني .. برضو كان حلو شرحها ..
و أستازة ثناء كويسة بس تمط الهرج مط ..
<< ما بقي أحد ما درسها ..
من الأخير الكيميآء أي أحد ح يكون كويس مقارنةً بـ لطيفة دي ..


و نصيحة! لا تشتتوا ذهنكم بـ أكثر من مصدر << إلا اللي متعود ع كدهـ براحتو
أمسكوا الكتاب و حاولوا تفهموهـ حبة حبة ..
أبداً لا تيجوا يوم الاختبار تمسكوا المنهج تضغطوا نفسكم و تقولوآ اللغة و موش عارفة ايه كمآن ..
اللغة في كل المناهج بسيطة و ما يبغآ لها واحد فلتة زمانو و عصرو في الانقلش ..

و بالتوفيق للجميع
=)

الشيمآء ~

[نوره الغامدي]

السلام عليكم ورحمة الله ....

بالنسبه للفيزياء عندكم ملخصات اشرف بركات جدا رائعه .... والفيزياء سهله ولكن يبغالها تدريب عميق ومستمر

عندكم ف البدايه الثلاث شباتر الاولى سهله مرررره بس الرابع والخامس واللي بعدوو كلها بتعتمد ع فهمك للشابتر الثالث

عشان كذا يبغالها استاذ كويييييس ويعرف يشرح مزبووووط ...

الرياضيات يقولو ملخصات حمزه ابو جبل انها كويسه لكن انا ما جربتها .... عندك نماذج اسئله حلووه ممكن تستفيد منها والرياضيات ماده تنفهم بسهوله اذا كانت مع استاذ ممتاز ,,, لازم تحل وتتمرن ع الاسئله ....

مهارات الاتصال حلوووووه ماده خفيفه ورهيبه ما يحتاج لها اي تعب واسئلتها مرررررره سهله ......

الحاسب بصراحه ثقيل دم وغبي وانا اقصد الجزء النظري ما تحسه ينفهم ولا يدخل العقل واسئلتهم تجيب الهم مدري كيف يجيبوها مررره معقده وغبيه !!!!

هذا اللي عندي واتمنى تفيدونا يا خطه ب ^_^

[s0sah laz0zah]

الحمدلله عدى الترم على خير<<<<انشاءاالله يكون على خير لوووووووووول


انا عن نفسي اقولكم

الماااث << أستاذه اسمها هدى مرررررررة كويسة ماشاءالله عليها ومررة تمام
وانا كنت أزاكر من ملخصات أشرف بركات ومن الكتاب أكتر شي


والفيزياء << يقولو د.لبنى كويسة ماجربت معاها بس مرررررة يمدحوها
انا كنت ادرس عند د.وفاء الخطيب ومررررررررررة تعبت معاها مرررة
والفيزياء من ملخصات أشرف بركات برضوو



الاتصال<<لحد يفكررر يروح عند أستاذة أو دكتورة غير د.أميرة النمر وهي اللي تحط الأسئلة وصراااحة مررررررررة شرحها ولا أحلى ولا أحسن مع اني حظرت بس محاظرتين معاها
المزاكرة من الكتاب مايحتااج ملخصات اساسا


الحاسب<<<كنت أخد عند أستاذة أريج بايحيى وانا عن نفسي حسيتها كويسة وعسولة نوعا ما مو مرة مع انها احيانا تعصب
المزاكرة من الكتاب ولازم تركزوا على شرح الأستاذة


الانقلش<<<مع نفسووووووووووووووووووووو لوووووووووول
لاتزاكروه نهائيا ههههههههههههههههههههههههه


وسلامتكم

[Glamor Mada]

قايز انا خطة أ ... بالنسبة للماث أنصحكم أنصحكم بالدكتور محمد احمد الشمراني .. احسن دكتور في الجامعه صدقوني يشرح ويفهم تماااام ماشاءالله .. في مشكله انه يكتب كثير ويحل تمارين كثيره رح تتعبو بالكتابة.. بس ما اتوقع انها مشكله بالعكس طبعا انتو المستفيدين .. ولا كيف ؟؟
اما بالنسبة للفيزيا والله ما اعرف دكتور كويس .. بس دكتورنا بالمره مايعرف يشرح .. اسمو طلال الحربي الله يعينكم لو جيتو عنده ..!! بس الحلو فيه انه يعطي 20 دقيقه او نص ساعه ويطلع خخخخخخخ
مهارات اتصال .. مايحتاج دكتور ولا اي شي .. بس اللهم امسك كتابك قبل الاختبار بساعه ونص ساعتين بالكثير ورح تجيب فل مارك زي ما سويت انا بالتمام ..
مهارات حاسب .. نفس الشي برضو مافرقت الدكتور .. بس هيا اللي فرق درجات العملي لأنه هو اللي يحطها فا يعني لو جيتو عند دكتور قلبو طيب .. انتو كدا رح تكونو اوووكي

[طالب طب في المستقبل]

نبدأ بالدكاتره :
1-الرياضيات: البروفيسور محمد الغامدي افضل دكتور في الجامعة درسني باداية الترم لكن سارلوا ظروف وماكمل معنا وجانا دكتور اسمه محمد رمضان والله الرياضيات في وادي وهو في وادي انصحكم اذا رحتم عنه انقلوا ولا شوفو صرفه معا بالعربي لاتدرسو عندوه كلام كثير وما يعرف يشرح وعلى فكره محمد الغامدي الشرح نص المحاضره والنص الثاني كتابه واسلوبه غير طبيعي
2-الفيزياء:لاتدرسو الا عند الدكتور سعود يغمور والله غير طبيعي وفنان انادرست عنده اخذت في الدوري الاول 30والثاني 30 واليوم النهائي إن شاء الله 40 فينصيحتي لكم انكم تدرسون عنده وفي ميزه ثانية انوه مافيه لاتحضير ولاغياب عنده
3-مهارات الاتصال: ماده مالوام امها داعي ونصيحه لاتذاكرها وتعب نفسك بس القراءه بتركيز تكفيك
4-حاسب آلي:نفس طريقة مهارات الاتصال بساحسن مافيها توزيع الدرجات العملي عليه 50 والاختبارت 50
المراجع والكتب
1-الرياضيات : كتاب توماس كولكلس افضل مرجع لك
2-الفيزياء :لاتذاكر الا من كتاب سعود يغمور شوف اذا جاك الدكتور قالك بداية الترم اشتري الكتاب الكبير الي مليان معلومات مالها داعي لاتشتريه وروح اشتري كتاب سعود يغمور والله مادري ايش اسم الكتاب لكن لونه ازرق وسعره 45ريال ومفيد جدا ولغته سهله وممتعه ومافيها تعقيد
نصيحه:
1-ملخصات اشرف بركات لاتقرب منها
2-المذاكرة أول بأول ولاتركم الدروس على نفسك
3-حضور المحاضرات واذا ماحضرت روح للدكتور المكتب اقعد في نحره هههههههه

[ღ أمووون ღ]

حلووووووو الموضوع مررررررررررره
أنا خطه أ
ان شاء الله أفيدكم
أولا: مهارات اتصال
صرااااااااااااااحه ماده مال امها داعي
يعني هي ماده للقراءه فقط
مرررررررررررره سهله
ثانيا: حاسب
بصراحه انا اشوفه ماده صعبه في خطه أ
وجهة نظري ,,,,, لييييييييييييش
قلتولي ليش؟
العملي مرررررره حلو وسهل
بس النظري شوي فيه صعوبه
لأنك راح تذاكر كلام عربي مع المصطلحات بالانجليزي
فما تدري ايش تاخذ مصطلح
يعني كأنك تذاكره بالانجليزي
طبعا السؤال بالعربي والاختيارات بالانجليزي
والنهائي نظري بدون عملي
يعني هو النهائي اللي فيه صعوبه شوي
ثالثا:فيزياء
طبعا انا غاسله يدي فيه
ماني فاهمه شي
أخذت لي مدرسه
وبالقوه ان شاء الله ناجحه
بس والله والله والله لو فاهم مع الاستاذ حقك طبعا مع مذاكره جيده
والله تشوفه سهل
لأن بعد ماشرحت لنا المدرسه الابواب الللي اختبرنا فيها قبل
حسيت اني غبيه فوت علي الدوري الاول
والله سهل لا تخافون
اما اشرف بركات حاولت امسكه قبل المدرسه مافهمت شي منه (بصرااااااحه)
وطبعا بعد المدرسه ذاكرت من ملخصاتها
والحمدلله كان مرررررره سهل النهائي
وهذا غير البونس
والله الفيزياء بس يبغاله حفظ القوانين وان شاء تحلون كويس
رابعا: الرياضيات ياااااقلبي عليه
مرررررررررررررررررره سهل
مرررررررررررررررررره روعه
لا تخافون من كلام غيركم
والله اللي فاهم يمشي
طبعا مافتحت غير الكتاب
لا هومورك ولا غيره من خرابيط
تبغون الزبده
اللي ماشي ثالث ثانوي فيها ويشوفها سهله
خلاص ذا يضمن نفسه
خذوا كتاب ثالث ثانوي الترم الأول مرررررررررررره ساعدني
كل اللي ندرسه فيه
والله لو مسكتوه راح تذكرون كل شي
وخاصة اللي مو فاهم بعص مصطلحات الرياضيات
كله يلقاه في كتاب ثالث ثانوي
انا عن صفتي
ذاكرت من كتاب ثالث ثانوي وبس ..... طبعا فهم فهم فهم
مرررررررررره حلووووووووووووو الرياضيات
احلى ماده في خطه أ
أما بالنسبه للمدرسات كلهم كويسات
ذا اللي عندي وبدون كذب ولا مبالغه
وبالتوفيق ياحلوييييييييييين

[عبدالعزيز..!]

انا خطة أ .. درجاتي الحمدلله تمام 27..28 :) زي كذا ..الرياضيات نصيحة ذاكر اول باول وحل تمارين الكتاب مهمة جدا حل قد ما تقدر هذي افضل طريقة..
الفيزياء .. انا ذاكرت من اشرف بركات ..وجبت في الاول والتاني 27 والنهائي ان شاء الله تمام ..وركز في الشابتر 3 والخامس لانه بقية المنهج يعتمد عليه .. طبعا في مصادر اخرى لكن للأمانة ماجربتها
مهارات الاتصال... كيف كنت تذاكر وطنية في الثانوي؟؟ :) سوي نفس الشي
الحاسب .. سهل بس ممل واهم شي ركز عالعملي لانه عليه 50 درجة ... بإختصار المواد كلها سهلة لوتمسك الرياضيات والفيزياء اسبوعيا بس كفاااية

بالنسبة للمدرسين .. ماني خبرة لكن رأيي ..الماث.. حامد السلمي..الفيزياء افضل لويدرسك مصري
وكمان لاتنسى تحل نماذج اسئلة اختبار العام الماضي مفيدة جدا .. وسلام

[الخلوق]

إخواني وأخواتي..........................صحيح إن في دكاتره شرحهم مو زين أو متوسط لكن بعضنا أحيانا يبالغ في الكلام ، وسامحوني بتكلم بالصراحة بعض الطلاب ولن أقول كلهم إذا فهم من الدكتور شي قال الدكتور هذا جيد ،وبعضهم ما يذاكر ومهمل ويجيه دكتور من أفضل الدكاترة لكن طبعا ما راح يفهم فيقول الدكتور هذا شرحه مو حلو

فزبدة الكلام إذا بغينا نقول الدكتور الفلاني مهو زين نراجع نفسنا شوي ..ليه مو زين؟ هل أنا كنت مقصر معاه في المذاكرة؟.................فيمكن نقول الدكتور الفلاني مو زين ويبعدون عنه الطلاب ويلقونه بعدين من أفضل الدكاترة ويندمون .

..............................حبيت أنوه على هذا الموضوع وشكرا.........................................