مظلومة ومدري وش بيسوون معي

[شموخ كبريآئي]

المشاركة الأصلية كتبت بواسطة مظلومة 2013 اخت شوق مدري انا ما ارعرف ارقام المباني بس مرمطوني وفضحوني قدام البنات ربي ينتقم منهم اخت شموخ انا اعطتهم رقم السواق وقلت لهم اتصلو وبتلاقو بطاقتي بالسيارة قالت لي مديرة الامن انتي بالعنية تركتيها لانك مو ناوية تدخلين الجامعه قلت لها وربي مو كدا افهموني وما عاد اعطوني مجال واخوي اللي تقول وكلي محامي انا ابوي موقف عن العمل وانا اجنبية وادرس بمنحه من عميد خدمه المجتمع وما عندي اي امكانية اني اوكل محامي وكمان انا ما ابي اهلي يعرفون لانو ما رح يصدقوني وبتصير فضيحه بالجامعه وبالبيت ( اهلي محافظين جدا وربي ابوي بيحرمني من الدراسه ويحبسني بالبيت ) حسبي الله ونعم الوكيل ياليت اللي تعرف وش ممكن يسوون معي تقولي او ترسل لي خاص وربي خايفه اروح لهم ويتخدون ضدي قرار يدمرني ادعولي اخواتي

مررررهـ عيب عليهم ، مآيسير إنهم مآيسمعو للوحدهـ وخلآص إلي في رآسهم هوآ آلصح حتى لو كـآن غلط ، آلدنيـآ مآهي فوضة ..

آنـآ أشوف خلي آلوآلد ولآ آحد من آخوآنكـ يروح للمدير شخصيـآ ويقولو على آلموقف إلي سـآر وعلى آسلوبهم آلغير لآئق في آلكلآم وظلمهم لـ آي وحدهـ بريئة مآسوت حـآجة حقكـ لآتضيعيه ..

إن شـآءآلله ربي ينصركـ عليهم ويكشف آلحقيقة ..

طمنينـآ إيش حيسير معـآكـِ ، ومآحنسآكي من دعـآئي ..

[شـروق الزهراني <3]

المشاركة الأصلية كتبت بواسطة همة همة همة رددي هذا الدعاء كثيرا: [اللهم إليك أشكو ضعف قوتي، وقلة حيلتي، وهواني على الناس، يا أرحم الراحمين، إلى من تكلني، إلى عدو يتجهمني، أو إلى قريب ملكته أمري، إن لم يكن بك علي غضب فلا أبالي، غير أن عافيتك أوسع لي، أعوذ بنور وجهك الذي أشرقت له الظلمات، وصلح عليه أمر الدنيا والآخرة، أن تنزل بي غضبك، أو يحل علي سخطك، لك العتبى حتى ترضى، ولا حول ولا قوة إلا بك. واستفيدي من هذا المقال حوله http://articles.islamweb.net/media/i...icle&id=187363 يعني خلاص البنات كلهم قليلات حياء ، مايصير لازم يدرسوا الموقف صح ، مو كل من نزلت من سيارة خاصة أو جاءت جنب سيارة شاب بعفوية نقول إنها ركبت مع شاب ،يضربون مئة عذر في البداية ويسترون ويفهمون خطوة خطوة مو اعترفي الى ما يخلوها غصب تعترف انها مشت في خطأ وهي صلا بريئة بريئة..في الاساس .. .... وبعدين الشاب الي واقف ينتظر حبيبته المزيفة هو كمان يبغاله تأديب ،لكن في كلا الأحوال بجب الستر على الجميع .. محكمةا السماء والقضاء الحقيقي عند الله بإذن لله ،وكيف راح نرى الظلمة والمظلومين في ذلك الموقف العظيم أمام العدل سبحانه وتعالى ..

انا عارفه إنها مظلومة وماقصدها بشيء والغلط عليهم هم بس احسهم يفردون عضلاتهم عليهـآ عشان ماصدقوا يلقون شيء يصير بالغلط


والله مبين حتى لما مسكوهآ باين إنهم ضعفاء وماعندهم حجه بس فضاوه كذا يبغون يطلعون قصة وتهمه في إي بنت حسبي الله على كل ظالم

[خاتم سولتير]

الله يكون بعونك و يفرج همك وينصرك على من ظلمك

[شموخ سعوديه]

المشاركة الأصلية كتبت بواسطة ik6 الدنيا ليست بهذه الفوضى لدرجة أن يلصقوا فيك تهمة أنتي منها براء كبراءة أمنا عائشة من حادثة الإفك.

+1
عائشه رضي الله عنها توجهت إلى الله فبرأها من فوق سبع سموات أيعجز أن يثبت برائتك ؟
توجهي لربك وخليك واثقه دامك شريفه .
وياليتك ماسمعتي كلام الامن وقلتي انك تعرفيه تغيير كلامك راح يشككهم فيك ، لا تقولي الا الصدق مهما ضغطو عليك وهددوك لا تكذبي ، اذا قالوا اعترافك بيطلعك منها ( لاتصدقيهم وتتبلي ع نفسك) خلي كلامك ثابت .

[لميس نجد]

الله ينصررك ياارب راح ادعيلك في صلاتي

من ناحيه الامن جدا سييئيين عندهم حالات نفسييه ماكان سمعتي كلام ضعيفة النفس اللي قالت قولي انك تعرفيه هذا شرف وعرض مدري اشلون هان عليها انها تقول ذا الكلام حسبي الله عليها

كنت اتمنى اشووف اصراارك بصددق بس ادعي ربكك ولا تخافي من احدد ربي قادر عليهمم

[دعاء الصالح]

حسبي الله ونعم الوكيييل ..

مثل ما قالوا لك خليك قوووية وثابتة على كلااامك .. بجد موقفك صعب الله يطلعك منه بأقرب وقت
ودامك طيبة ونيتك حسنة لا تخافي لان ربي معك وعارف فيك وبحالك
حتى لو الكل وقف صوبك وضدك لا تضعفي..

رددي دايما حسبنا الله ونعم الوكيل على من ظلمني ..

وقبل ما تروحي للجامعة استخيري الله ووكلي امرك لله وقولي يارب فوضت أمري إليك .. وصدقيني ما خاب من توكل لله

دعواتي ترافقك وطمنينا على أي جديد

[mola]

اختي العزيزة
ما فيه شي في هالدنيا ما له حل والعبد الصالح في مثل هذي المواقف يلجأ الى الله اكثري من قراءة القران والصلاة في اخر الليل والدعاء
كلمي اختك الكبيرة وخليها تروح معاك الجامعه وروحوا للي اسمها سميرة قطان اللي اعترفتي عندها تحت تهديد منهم واصري على موقفك وقولي لها على اللي نقلتك كلام الولد وقالت لك ان الاعتراف افضل
وكلمي السواق كمان وخلية يشهد معك انك نسيتي المحفظة ذاك اليوم ويقارنون سيارته بسيارة الشاب
وان شاء الله تنحل مشكلتك يارب
طمنينا اذا رحتي

[beto5311]

حسبي الله ونعم الوككككيل فيهم

ماقدرر اضيف لك شي الاخوات ماقصصصروا

بس لاتسكتي عن حقققك


والله يعيننك ويفرج كربتك ...!

[نواف بن فهد]

الله لا يبارك فيهم ..

أكبر خطأ يا أختي إنك وقعتي على شيء كذب ولا بيكون بصالحك من الناحية الجامعية وليس القانونية
لأن هناك عقوبات تسجل في سجل الطالب.
وممكن تمنع من مزايا كثيره بالجامعة.

ولو إستمريتي على موقفك الصحيح ورفضك وحتى لو جات الشرطة الموضوع بالنهاية بيكون لصالحك 100% من الناحية القانونية والجامعية

لأن لو إتحول للشرطة بتكون وسائل الإثبات كثيره مثل الجوال والمكالمات والإسم والسواق وووو..

وتقدري ترفعي خطاب تظلم واكراه وتدليس لمدير الجامعة

أما كذا إنتي ظظظظظلمتي نفسسسك

[نواف بن فهد]

وعندي احتمال / إن الكلام الي قالوه عن الولد كله كذب وتخويف لكي ، وبالنهاية الورقة ترمي بالدرج .