مصيبة ...بابا ح يتــزوج على ماما

[علي العسيري]

والله ما ادري عند تركي ,,,,

بس وينه مختفي

[Da Vinchi]

يزوجني أنا بالأول

[me 4 islam]

الشر برا وبعيد يا بويا

قال بابا يتزوج ع ماما ,,خير ان شاء الله ايش يبا ابو الشباب ..مو كفايه متحملته

ودحين البيت فاضي الكل اتزوج مافي إلا انا وماما ,, يالهوي لو اتزوج
من جد حتاخذ رآحتها العروسه الجديده >>دخلت المود

و مع اني دايما في صف بابا بس لما ينوي يسويها للآسف ح آقلب عليه


و زي ما قالت مس شوكلت كلامها صحوووش يعني لو
مرتو مقصره معاه يدورله ع عجوزة قصدي عروسه >>بس مو بابا

بس بجد ما اتخيل رجال يتزوج اثنين بذات في جيلنا ,,يعني ناقصه غلبه,,
يا دوبك يدلع ويعلم ويربي في عيلة وحده ,,

راقي مو حلو موضوعك

[قاهر المتكبرين]

ما تلاحظوا انكم زودتوها شوية في المنتدى في هالمواضيع اللي ما تودي ولا تجيب ؟؟ حقوق المرأة .. مساواة المرأة .. زواج المرأة .. زواج الرجل على المرأة ..

ألاحظ انه الإعلام الغربي -كعادته- ناجح نجاح فوق الحدود .. آآخ لو عندنا واحد في المية من ذكاء حكماء صهيون ..

[banoota mnkoosha]

ليش متحسسين من موضوع الزواج

عادي دا نصيبو ومن حقو يتزوج سواء قصرت الحرمة الاولى ولا ماقصرت معاه ...

طبعا محد يتمنى دا الشي يسير في عيلته وانا اولكم ؛ بس ممكن تسير ,,

الزوجة الثانية .. على عيني وراسي بس تلتزم حدودها عشان التزمها انا كمان معاها ومانغلط على بعض سواء كانت ست كبيرة ولا صغيرة كلو واحد!!


راقي بطل لعب و روح امسك شغلك

[Miss Aphrodite]

المشاركة الأصلية كتبت بواسطة الراقي ( الرجال مالهم أمان يا أمي ..) الرجال مالهم أماااااااااااااااااااان الرجال مالهم أماااااااااااااااااااان وشهد شاهدا من أهلة بصوت عالي اكررها سبع مرات والتاسعه ابعثها في مسج بالجوال .. ايش على لصقة لا أحد يضمن أبا هٌ في هذه الأيام الممتلئة بفتن الدنيا وزخرفها ..قنوات الفيديو كليب ..روتانا ....لميس ...مشائخ المسيار ..الجاسوسات في mbc3 .. الخطابات ..منى زكي في أحد قال mbc 3 للبنات : ايش موقفك لو زوجة بابا تعاملك كـ شغاااااالة << وبابا ما يهتم ؟ الحل بسيط أعملها كوفي من يدي الحلوة واحط فيها سم فيران ولا من شاف ولا من ديري

وأول ما قرات العنوان أفتكرت البابا أتزوج على الماما
وقلت الله يكون في عونوا

يسلموا على الموضوع

[shaden]

مالهم امان وبقوة كمان

بصراحة كدة انا أجلس مع أخواني الشباب ماشالله كلهم متزوجين تصدق رغم انه اتنين منهم اتزوجوا عن حب الا ان السعودي يبقى سعودي الا ماتخطر بباله فكرة التعدد لو بالمزح مع مرته


الله يجعل نصيبي مايشوف غيري هههههههههه


تسلم ايها الراقي

[بدرالبدر]

ههههههههههههههههههههههههه

ياعمي عندي والد معرفش ايش قصته .. متزوج اربع نسوان ههههههههههه

ماشاء الله اربع مصانع لإنتاج البشر .. وكل سنة منتج جديد ..

ويش عليه هو بيموت ونا على ظهري هالبزران

الضغط والسكر والملح ماجااني الا منهم

كنت اتهاوش معاه زمان

لكن الحين اقتنعت .. معاه حق .. وكمان اللي حصل حصل خلاص ماعاد اقدر اغير من الواقع شيء

هو كون ثروته في شبابه والان يبغى يريح نفسه في آخر عمره ...

وكمان لو ماتزوج اكيد راح يصيع هون ولا هوون .. فـ من الافضل الزواج ارحم من الشخابيط مع السافلات الحسناوات .. ههههههههههههههههههههههههه

والى هذه اللحظة وهو مازال يؤدي عمله بأكمل وجه ولا ييأس ههههههههههههههههههههههه

---

الجهل !!
عندما سألته ليش تتزوج يقول الدين حلل !! ياعيني صار شيخ في لحظة .. !!

التعاليم الاسلاميه عندما تفهم بشكل خاطيء تصبح كارثه على الاخرين !!

ايش موقفك لو زوجة ابوك (الصغيرة) تعاملك كـ سواق عندها ...تناديها يا خاله وانت اكبر منها بـ 5 سنوات

تعاملني كـ سواق !!؟؟ عليك شطحات يالراقي

الزوجه الرابعه ماقدر اقول لها ياخاله او ياعمه لاني اكبر منها بكثير

لكن اقول لها تفضلي .. ايوة ويش بغيتي ... الخ

اعبترها مثل الاخت اكثر من كونها زوجة ابي ..

ايش موقفك لو بابا اشترى لها سيارة مع السواق وانت يا مسكين من الثانوية تطالب بسيارة زي الخلق وابوك يسحب عليك كل مره

لا لا توجد مثل هذه الاشياء ..

--

كلمة سواق هذه مرفوضه جملة وتفصيلاً في جمجمتي العزيزة ..

هذا اللي ناقص سواق يسوق حريمنا !! .. لو ساقت لوحدها أهون علي بان تسوق مع سائق!!!!

تعتبر معجزة اذا حدث ذلك في عهدي .. يمكن تسجل في التاريخ ..

---

موقفك لو زوجة باباازعجت امك وماما يا حرااام مكسورة من بابا المجرم اللذيذ

لو حدث ذلك ..

فان الحل بسيط .. ابعدهم عن بعض .. وبعد اسبوع اجمعهم ونعقد صلح بين الطرفان المتخاصمان .. امام العائله باكملها ..

اذا لم ينفع هذا الحل ..

فلازم استخدم البكش شوي ..

مثلا اروح عند امي اقول زوجة ابوي تحبك كثير وهي دايم تذكرك بالخير .. وو ..الخ .. ونفس الشيء اسويه مع زوجة ابي ..

-------------

..طبعا بابا ولا اهتم بشئ ناااايم في العسل ..زوجته الجديدة نسته اسمو وصارت تدلعوا كوكو وهو زي المسحور ..تتلفظ على امك هل ترد عليها ؟

لو فرضنا بان هذا حدث فعلاً فان التصرف سوف يكون كالأتي..

بالنسبة للاب فالله يهنيه بزوجته ومن حقه يدلع الشايب حبتيين

اما الزوجة اذا تلفظت على امي .. فلن اغضب ابداً .. الزوجات هذا طبعهم ..

لكن اقرب بينهم اكثر واكثر ..

نقطه اخيراً :

لا أويد الزواج بأخرى .. فان هذا ظلم للأبناء ولن يستطيع العدل مهما بلغ كماله ..فهذا بشر وليس ملائكه ..
فانصح الجميع بعدم الزواج بأخرى بحجة ان الدين حلل اربع ..

هذا وشكراً

[بدرالبدر]

تعديل

اعبترها مثل الاخت اكثر من كونها زوجة ابي ..

اعتبرها

---
ماعندي خاصية تعديل الردود

[*MISS CUTE*]

لو ساقت لوحدها أهون علي بان تسوق مع سائق!!!!

أكثر ما لفتني في الموضوع بكامله هذا الرد....
أول مرة أسمع هذا الرأي ...
ولكن اعجبني كثيرا بصدق ...