ابي اتزوج الثانيه ومتردد

[Bandar Abdulaziz]

بعد أذنك ،،،
شوف ياخوي دام الأوضاع طيبه بينك وبين زوجتك ومتافهمين لأبعد الحدود ليش تأخذ الثانيه وإذا على التجديد قول لزوجتك أبي كذا....،، وتسنع لك اللي تبي أكيد
لكن لاتأخذ الثانيه إلا إذا مره بينك وبينها مشاكل ولاتسنع لك اللي تبي ولا تقدر ولا تحترم ولا تهابك لاسمح الله ،،، ذاك الوقت تأخذ الثانيه


لكن إذا الأمور طيبه وش لك بوجع الرأس


هذي مشورتي وأنا أخوك وقبل كل شيء أستخر ربك قبل ماتقدم على شيء معين

والله يوفقك بحياتك الزوجيه والله يغنيك بالحلال عن الحرام

[خلود 99]

المشاركة الأصلية كتبت بواسطة عميد بلا كليه استغفر الله كيف ضد والشرع حلل اربع انتبهي لكلامك الله يرضى عليك وبعدين الرجال ماغلط حب ياخذ المشوره وانا اقولك الثانيه اكيد فيها تعب لكن انت قلت كلمه (لا اروح في الحرام) وهذي تفي عشان اقولك اعقلها وتوكل لا تصير مثل بعض الشباب الله يهديهم متزوج ويروح للحرام واذا نصحته قال وش لي بوجع الراس والصرف ووووو ولا حول ولا قوة الا بالله والله اعلم

مشكور على التنبيه ,,,تم التعديل

[سلطان السبيعي]

بما إن ما بينكم مشاكل , وعندكم عيال ( الله يحفظهم ) أنصحك بالإبتعاد عن الزواج
خاصتاً إن عذرك مو كفااايه ( مو وجهة نظري )

أكيد الجمال شي حلو و مطلب أساسي , بس اللي أهم منه الدين و الأخلاق كما قال الرسول صلى الله عليه و سلم (( إضفر بذات الدين تربت يداك ))

صدقني السعاده اللي بتلقاها بعد زواجك ( السعاده الجسديه ) راح يقابلها أضعاااف ( تعاسه نفسيه )
من هم و إزعاج و مشااااااكل

أنظر لزوجتك كـ أم عيال , شريكة حياه ... لا تنظر لها من ناحية الشكل بس

لأنك لو تتزوج ملكة جمال راح تشوفها عاديه بعد كم سنه . و يجي لك خاطر تتزوج عليها


إذا لزمت و تزوجت الثانيه , أنصحك تتزوج الثالثه لأنها راح تهدي الإزعاج و المشاكل اللي بتصير بين الضرتين << كثير اللي قالوها

هذي نصيحتي لك بشكل عام , لأني ما أدري وش ظروفك بالتفصيل
و قبلها إستخر الله

لا ندم من إستشار , و لا خاب من إستخار


بالتوفيق أخوي .

[همة همة همة]

وش استفدت منك يااخي (اموت واحيا احبها ) مدري كذا اسمك



قلت اسال جدتي واشوف رايها

اخذتني بالدرة (عكازتها والحمدلله ان مافيه خزرانه لانها راح تكون قوية وحارة وسريعة ) اححححح وراحت ا تتوضئ عشان تصلي العصر

الله يسامحك بس
راي لو قلته راح جدا يرضيك ويرضي الاخوات لكن ما اقدر اكتبه لان جدتي منعتني وقالت ماراح ارضى عنك ...وصراحة جدتي غالية وامرها فوق راسي وهي مثل امي .

الله يسامحك
الله يسامحك
وتقر عينك بزوجتك الاولى والثانية اذا بتتزوج وهم بعد تكون قرة عين لهم




مع السلامة

[الـــــــدلوعه نونــا]

يا معشر الرجآآآآل ماذا اصابكم ؟

اهي موضة هذه الايام ، ام انكم ............؟

لم اعد افهمكم ، اصحو ،حسو شويه، ماهذه الانانيه ، تهون عليكم العشره،

خمس سنوات مو شويه ، يا اخي ....انصحك انك تعيد النظر في الموضوع ،

{ترى فيها خراب بييييوت} وبعدين الجمآآآآآآآآآآل مو كل شي ...! الجمال جمال الروح ....

ويحكم يا معشر الرجال ..... كل يوم يزداد كرهي لكم اكثر واكثر ....

[ذكرى مؤلمة]

أخي الكريم...
الشرع كفل لك أربع زوجات... ولا احد يمنعك من ذلك.
ولكن السؤال لو اتت اليك زوجتك وقالت انت لست جميل واريدك ان تطلقني..
فما رأيك حينها... وما موقفك؟...
ضع نصب عينيك مشاعرها.. كونها لم تقصر معك ولم تبخل عليك بشيئ..
وضع نصب عينيك أبنائك...
ضع نصب عينيك حياتك مستقبلاَ كيف ستكون..
انا شخصيا اعرف لك قريب لي من الدرجه الاولى له تسع سنوات ولم يرزق بمولود لم يتزوج حتى اليوم ولا يفكر بذلك...
حياتك في نعيم فلا تقلبها بيدك..
والامر اولا واخيرا بيدك.. افعل ما شئة...

فتقبل رأيي ومروري....

[محمدمكة]

نتايجك كلها طلعت اكيد علشان كذا مانت مشغول

شوف انته ماعليك ذنب لو تزوجت في حالة انك تعدل بينهم في كل شي

بس بصراحه وحده حتكون في قلبها أفضل من ثنتين مقهورات منك

وايضا الثانية حيكون نفس الطابع ماراح تدخل قلبها والسبب انك تزوجت على الأولى ولا قدرت العشرة ولا اشتريت عواطفها ترى النساء مو اغبياء على فكرة

انا في رأئي انك تبقى مع الأولى وتعيش وتعيشها معك والله يوفقكم ، وربي لو تنعرض عليه مجانا ماراح اثني على بنت الرجال ، بالتوفيق للجميع

[قاهر المتكبرين]

إذا انت من الأشخاص اللي يهمهم الجمال + الأولى ما تملى عينك وما تحاول تكون دائماً بيرفكت في عينك فابحث عمن تملى عينك .. الأهم لا تطالع في الجمال فقط وهذا بديهي .. خذ جميلة + بنت أصول ..

[نووره الشهري]

مع تركي ()
كلامممك جدآ منطقي ..

[RHF]

الموضوع اصلن مالو داعي

بس الردود حلوة

//

المهم نيجي للموضوع :

يعني انتا لو قولنالك اتجوز بتتجوز ؟ و لو قولنالك خليك مع المدام ، حتجلس معاها ؟؟

ولا الموضوع دا لتضفي المزيد من الاكشن في الساحة ؟؟

مممممم يعني ازا صوتنا و طلع 10 موافقين و 4 ما عجبهم الموضوع ، خلاص حتمشي برأيي الاغلبية وتقتنع ؟

//

زي ما الرجال يحب الجمال كذلك المرأة تحبو !!

يوم وحدةة تطفش من شكل جوزها و تكون تعشششششق الجمال بتقولو يا ابن الحلال طلقني ، انا ابا اتجوز واحد تاني !!! ما ابغا عيني تشوف الحرام !!!

مهي لعبة

وبعد ما تتجوز التانية تبغا التالتة وبعدهم الرابعة

بعد كدا بعيد الشر عنكم حتطلق وحدة عشان تقدر تتجوز الخامسة

وتستمر الحياة

//

خلاص حاقول رأيي حاسة اني طولت ،،

انا اقول بما انك تبا تتجوز فالله يوفقك و يتمملك على خير

< عن نفسي مو خسرانة شي !! ولا هو بيتي ولا هم اولادي ولا هي مرتي !!