تجآرب الدفعات السابقة في السنة التحضيرية - اداري *مهم*

[ALFN]

تفضلوآآ حبآيبي

http://www.skaau.com/vb/showthread.php?t=707133

[حلم طبيبه]

آلموضوع متكآمل شمل آلخطتين
يعطيكم آلعآفية كلكم .. بسطتوها قدآمنآ

ولنآ في تجآرب آلغير عبرة

hof
تسلمين ي عسل ع المبآدرة الطيبة

[Lem‹³]

موفقين ياربب حبايبي انتم ذاكروو وركزو مع الاستاذة وشوفو الملخصات بالمنتدى وان شاء الله الفل مارك جميعاً ("

[Rose202]

وعليكم السلام ورحمة الله وبركاته :)

درست التحضيري بالسلمانية
اول ترم كان خطة أ
-الحاسب درست عند سماهر الغامدي هذي الاستاذة جداااا شرحها كويس وتفهم وقبل الاختبار كانت تعطينا نماذج وتعطينا نسخة منها ونتدرب عليها في البيت
وطبعا هذا للاختبار العملي اما بالنسبة للاختبار النظري الكتروني يعني تحفظي الاشياء النظرية

-عربي درست عند عزيزة السلمي بالنسبة لي كانت عادي يعني كويسة

-رياضيات درست عند منال النهدي برضو كويسة وحلو شرحها ..

-ثقافة عند نورة فرج مرررا تعجبني محاضرتها طيبة جدا بس تحاسب على التأخير

نجي عند خطة ب
-مهارات اتصال حلووة المادة كثثير واخذتها عند استاذة وسام مرا طيبة وحبوبة وحتى بالتكاليف تعطي درجات حلوة

-مهارات تفكير عند الاستاذة الجميلة لينا مررا حبوبة يعني لو جاكي اسمها تطمني

-احصاء عند الدكتورة هالة .. اتعب وانا اقول كويسة تعيد وتزيد وحتى كانو بنات الشعب الثانية يجيو عندها

-الانجليزي ليفل 1 درست عند شفقت خليل
-ليفل 2 عند سارة العتيبي
ليفل 3 عند صنصوك هان
ليفل 4 عند اميرة
اممم ماراح اقول رأيي عن استاذات الانجليزي لانه محاضرات الانجليزي طويلة ومملة ..
وبس
وبالتوفيق لك وللجميع يارب
=)

[Sara AlGhanmy]

مشكورين يعطيكم الف عافيه على الموضوع الاكثر من ممتاز ومفيد جدا لنا

[HOF]

^

بناااات مرره شششكرآ استفدت كثير ... الله يوفقكم كلكم

[HOF]

^

ماشاء الله عليك الله يوفقك في اتخصصك الحين ويوفقنا جميعا :)
عاد تدرين انا كنت علمي بالثانويه *لكن عشان فرق درجة بمعدلي دخلت الاداري بس الحمدالله ع كل يمكن خيرة *
يعني الحمدالله ماني خايفه من الرياضيات ولا الاحصاء ..
واحس اني حبيت مادة مهارات الاتصال , ومهارات التفكير باين عليها المادتين انها حلوة ووممتعه
وبالنسبة للانقلش جبت ليفيل 4 الحمدالله يعني مرتاحه بجدولي ...

[Demz]

وعليكم السلام ورحمة الله وبركاته

انا درست في السليمانيه وبديت بخطه أ زي البنات حسيت الخطه شوي ثقيله بس قعدت اهون على نفسي اني برتاح الترم الجاي بخطه ب
للاسف اني ماشديت حيلي ولا صحيت الا بالترم الثاني بعد مافهمت الجامعه اكثر
وانو ممكن درجه او اقل تفرق بينك وبين وحده وتدخلك التخصص الي تبيه او لا !!
فا من البدايه شدو حيلكم وذاكرو بجد ..

بديت بلفل 2 درست مع استاذه مها العتيبي الاستاذه بشوشه حببتنا فيه كثير وتفهم وشرحها ممتاز
وكان احلىى لفل بجد اكثر البنات الي تعرفت عليهم من هالكلاس لانو اول لفل وساعات الانقلش طويله

لفل 3 درستني استاذتين سعوديات < وهالشي احسه غلط مره كنا نتخلبط وكل وحده شرحها وقاعداتها غير عن الثانيه
مع استاذه ساره ماكنت افهم صراحه منها والثانيه نسيت اسمها

لفل 4 كان مع استاذه هناء لبنانيه او اردنيه معرف طيوبه جدا وتراعي كثير وشرحها كويس

اغلب البنات اتفقو انو لفل 3 كان اصعب لفل و 4 اسهل منو ..

العربي الماده مكرر لكل الي قد درسناه مافي جديد تخيلو انه فيه درس علامات الترقيم !
مع استاذه هدى الذماري شرحها كويس بس البنات يشوشرو عليها كثير
وماتقدر تسكتهم فا صعب نسمع الا اذا جلسنا قدام
وبعدها درستني استاذه رحمه شرحها ممتاز

ثقافه ماده جدا جدا سهلة اخذتها مع أ.رحاب بدوي شرحها ممتاز
بس تعصب بسرعه لو تسمع حس وحده وتهدد بالحرمان يعني خليكم مؤدبين

الحاسب مادة سهله انتبهو انتبهو في العملي انكم تحفظو ششغلكم كويس افتحو الملف قبل ماتخرجو وتأكدو
تخيلو اني طيرت 10 درجات بسبة الشي دا وقتها كنت شويه واصيح
المهم الماده سهله الاختبار النظري اغلب الاسئله تجي من جزئية العملي ..

رياضيات ماده ماحب اتكلم عنها اكرهها كنت ادرسها وحاطه براسي اني مستحيل افهمها
ولا اجيب درجه وكانت الاستاذه ماتاخد حضور وغياب فا قلت يلا بركة ولا صرت احضر
وجبت درجه زفت في الدوريات

بعدين قلت خلاص راح احاول افهم واحضر والله يابنات لما حطيت فبالي اني رح افهم واحل صرت اركز اكثر وقدرت استوعب
وبالنهائي جبت درجه كويسه بس للاسف الدوريات طيحت من درجه المادة
.. المهم لاتسو زي ولا تحبطو نفسكم من مادة

خطه ب مهارات التفكير مع استاذه امل عسيري مره عسل وشرحها حلو والماده بسيطه اصلا وممتعه

الاتصال نفس الشي مادة سهله اخذتها مع استاذه شريفه الغامدي شرحها كويس كمان بس طبعا فيه 6 تكاليف ب 30 درجه بيدها
اكثر صحباتي استاذاتهم كانو يراعوهم ويعطوهم تكليف او اثنين بس هيا صكتنا بهال6 لكن بالنهايه اعطتنا درجات حلوه

احصاء سهل برضو فيه احلى من ان ورقه القوانين تكون معاكي وقت الاختبار ؟
اخذتو مع أ.جمالات و أ.هاله كلهم كويسات بس هاله شرحها مفهوم اكثر

وبس الله يوفقكم بنات واهم شي شدو حيلكم من البدايه واحلى الدرجات بإذن الله

[فردوس جمعآن]

مرحبا =)
أول شي مبروك قبولكم بالجامعه .. والله يوفقكم يارب وتجيبو أعلى المعدلات

^

بقولكم تجربتي أنا درست بالسليمانيه .. طبعاَ زي اي وحده أول سنه لها بالجامعه كنت مره متخوفه
وفي نفس الوقت متحمسه .. توقعت الجامعه بتكون أحسن من المدرسه بكثثير وبكون مرتاححه طول الوقت
طبعا أكثر شي في الجامعه تعبني ودممرني وزلزل نفسيتي
هو الأماكن في البدايه .. طبعاا الحوسسه العجيبه اللي كانت صايره معايا انو لسا ماني حافظه الاماكن
وطول الوقت أسأل وأتأخر ع المحاضره عشان المكان
بس طبعا مع الوقت تعودت وصار الوضع طبيعي بس برضو المشي مره متععب مع ذي الشمس ومو على
طول ألقا قولف ياخذني

بالنسبه للدراسه .. ف إن شاء الله بتكون سهله عليكم المسار الادراي حلوو وسهل
بس اهم شي ماتستهيني بالحضور واحضري المحاضرات كامله وركزي بكلام الاستاذه *

خطه ب / درست احصاء مع استاذه اريج عبدالعظيم > مرهه كويسسه وشرحها حلوو وانا من رايي انو الماده
أصلا حلوهه وسهله أفضل من الرياضيات واهم شي انو القوانين بتجيكي في الامتحان يعني مايحتاج تحفضيها

ومهارات اتصال درستها مع أستاذه أميره النمر > اش اقولك بس عن ذي الانسانه ماشاء الله أروع استاذه بالجامعه
جججددا محضوضه اللي تكون بشعبتها وأساسا الماده سهله ججداً وممتعه بس كلامها كثير

مهارات تفكير درست مع استاذه رغد باعامر > للأمانه شرحها عاددي .. مع ان المادهه حلوهه وتشبه شويا
مهارات الاتصال .. بس باالامتحان الاسئله جت مره سسهههله وأكثر شي من التعاريف والتعداد

انجلش ليفيل 1 درستو مع استاذه ابتسام > طبعا المستوى الاول مو داخل بالمعدل ومررهه سهل
انجلش ليفيل 2 درستو مع استاذه مها "مصريه" شرح كويسس واسلوب وذوق وتراعي البنات ومحترمه بشكل
ممو طبيعي ماشاء الله عليها مرهه عسوله وتعطي ككل ماعندها بالشرح

--

خطه أ / رياضيات
درستو مع استاذه منال النهدي .. صراحة شرححها مره حلوو وتفهم وتجاوب ع الأسئله بس برضو
ماكنت أفهم منها مدري ليه

ثقافه درست مع استاذه رحاب بدوي > ججداً رآئعه ماشاء الله وتشرح من قلب وأسلوبها ححلو بالكلام
بس تدقق مرهه ع الحضور والغياب

عربي درستو مع أستاذه منيره باعباد برضو شرحها مرهه كويس وذوق

حاسب مع أستاذه ساره النفيعي شرحها ححلو وتففهم وتجاوب على أسئلة البنات وماتطلعي
من المعمل الا وانتي فاهمه =)

انجلش 3 درستو مع استاذه زينب "سودانيه" حححلو كان الانجلش معاها تفهم بس اوقات ماتفهم مدري كيف !
انجلش 4 كان مع أروع استاذه نائله بن رجب "تونسيه" > هيا الوحيده اللي حافظه اسمها كامل
تججنن ماشاء الله عليها تشرح من ككل قلببها المحاضره كلها انحلشش ولا كلممه عربي وهذا الحلو فيها
وطريقتها مرهه حلوه بتوصيل المعلومه كانت تهتم أكثر شي بالفوكابلري ولازم نسجل معاها كل يوم كلمات جديدهه
تعامل الكلاس كلو نفس المعامله ماتفرق بين أحد تجنن إن شاء الله تدرسي معاها

وبس كيذا خلصت

الله يوفقكم يارب .. وإن شاء الله تمر السنه بلمح البصر وماتحسو فيها
أهم شي في التحضيري الاهتمام .. لاتراكمي الدروس ولاتهملي
المحاضرات عشان لاتتوهقي

[حلم طبيبه]

ديمز

صغتي تجربتك بطريقة ممتعه
آلله يوفقك يآرب وتجيبين أعلى آلدرجآت