تجمع طالبات المستوى الخامس انتساب--استفســـارات فقط

[ZIZOO]

يابنات كتاب مقدمه في اللغويات تغير الكتاب والا
هوه نفسه

[ام ريتال الحربى]

بنات مقهوررة ...........ابغى اضيف مقدمة الادب
بس متعارض لانو المحاضرة تنهى 16:30 وعندي محاضرة تبدا بنفس الوقت اللى تنتهى فيه
في مجال لو رحت الجامعة ينزلونها بجدولي لانو ماتفرق لو اتاخر دقيقة

[NeeiNaaB]

كتاب اللغويات
by george yule
third edition



وهادا كتاب الترجمة تأليف الدكتور عز الدين نجيب

[رؤى م.]

يا بنات مين حضرت مقدمة في اللغويات لاستاذه منى البلوي اليوم الاحد
شعبة 3 \ ياليت تقولي ايش قالتلهم عن الماده و طريقتها و هل لها ملازم ولا بس الكتاب

و بالنسبة لطرق بحث Lane 331 \ شعبة 1 مع نجوى الغريبي
ايش صار فيها تبع يوم الاحد ؟ في كتاب في ملزمه ؟؟ كيف حتكون المادة ؟؟

وهل في احد عنده فكره لو فتحو شعبة تانيه غيرها ؟؟

وايش كتاب العربي 201 الله لا يهينكم

[ام حمدان]

روئ --اول شي بجاوبك على سؤالك الي نزلتيه هناك فموضوع المحاضرات عن الثقافه
يابنت لاتحذفيها لانه مو صعب وسهل تستخرجي الافكار المهمه بعد اول او ثاني قراءه والمواد الحره لو لسى بتضيفيها صاير مشكله فالنظام وما اضافوا لاغلب البنات مواد حره غير عالسنترا يعني بتضطري تحضري دورتين :(


انا رحت لجميله امس عشان احذف الادب واضيف مادتين حره وفالاخير حذفتلي الادب ومااضافت لي اي ماده حره لانه مافي شي طالع عندها على قولها
فرحت انا فالبيت ورجعت الادب
فنصيحه لوجه الله انتي مو ضامنه يضيفولك حره خلال الدوره فخلي الثقافه سهله واختبارها سهل إن شاء الله بعكس المواد الحره تكون اسئلتها مقاليه على الاغلب
عصفور فاليد ولا عشره عالشجره

بالنسبه لمنى البلوي
شوفي انا عند الاء كنت لغايه امس غيرت شعبتي عند منى لاني غيرت شعبة الادب مع مس نجوى فكان لازم اغير اللغويات عشان مايحصل عندي تعارض
انا ماحضرت لها امس لاني حضرت اول كلاس قبل امس مع الاء والي حضروا مع منى يقولوا بس اخذوا شابتر 2
والكتاب طبعا هو الي معانا مجابوا سيرة اي شي ثاني معاه
هو نفسه الي نزلت صورته الاخت neeinab
وتقدري تشتري نسخه مصوره مرتبه من مكتبه الاصلاح بحدود 30-50 ريال
اما النسخه الاصليه انا اشتريتها من جرير ب99ريال
الخيار لك
بقية استفساراتك ماعندي فكره عنها

بالتوفيق

[عذبه الروح]

صباح الخير ...... بنات بليز الى عندها رائي تشور علي لاني بصراحه احس انى ضايعه مو عارفه اش اسوي انا هذا الترم عندي اربع مواد بس صوتيات علم الدلاله رايتنق 2 فرنسي 2 وكنت ابغى اضيف مور فولجي او فونولجي سنتاكس بس كل الشعب فل اش العمل ؟؟؟؟؟ ربي يسعدها دنيا واخره الى ترد على اش انزل ماده ...!

[wed0o0]

جربي كل بعد فترة تدخلي وتضيفي
انا امس اضفت الدراما وكان باين ان الشعبة فل بس انضافت معايا

المورفولوجي مرة سهل اذا اخدتيه مع منى صابر

[الأمواج]

المشاركة الأصلية كتبت بواسطة عذبه الروح صباح الخير ...... بنات بليز الى عندها رائي تشور علي لاني بصراحه احس انى ضايعه مو عارفه اش اسوي انا هذا الترم عندي اربع مواد بس صوتيات علم الدلاله رايتنق 2 فرنسي 2 وكنت ابغى اضيف مور فولجي او فونولجي سنتاكس بس كل الشعب فل اش العمل ؟؟؟؟؟ ربي يسعدها دنيا واخره الى ترد على اش انزل ماده ...!

عزيزتي الأفضل لك تأخذي فونتكس وتخلصيها بعدين تأخذي فنولوجي عشان لا تتلخبي وتحوسي في الاختبار كثير يقولوا كذا وبنفسها مس منى صابر في الفنولوجي قالت نصيحة لوجه الله لا تأخذي فنولوجي((علم الأصوات))إلأا لما تخلصوا فنونتكس((صوتيات))..
وسيمانتكس((علم الدالة))لا تأخذيه إلا ما تأخذي سينتاكس مرتبط فيه إلا لو حابة تغامري ..
بالنسبة للشعب الفل روحي عند جميلة وحتضيفها لك....
خذي فونتكس-سينتاكس-مورفولوجي طيب ومواد الأدب وينها؟؟؟؟؟

[berry blossom]

مرحبا بنوتات

نزل جدولي فاضي مافي الا مواد عامة

وماني عارفة ايش انزل من مواد التخصص

ساعدوني بليييز

[MOFY]

يسلمووو نييننننااااااابببببب