تجمع المتقدمات على وظيفة "مراسلة" بجامعة الملك عبدالعزيز

[حلوة المعاني]

الله يوفق الجميع يارب
اكيد يابنات اذا شفنا اعلان موعد الاختبار بنجي نكتبه هنا على طول

كلمت المركز الاعلامي قلي الاعلان حيكون في لوحة الاعلانات في يسار موقع الجامعه نفس الصوره الي حطيتها فوق وسألته عن موعد الاختبار بالضبط قلي اتصلي بعد نص ساعه ودقيت بعد نص ساعه وقلي شؤون الموظفين مايردون وحتى لو عطيتك رقمهم مابتستفيدي شي راح يتعذر بانو تلفونهم خربان مدري ايش قصته

راسلتهم بتويتر وجاني الرد

يرجى التواصل مع إدارة شؤون الموظفين على الرابط التالي http://labor-admin.kau.edu.sa/Pages-ContUsArb.aspx …

دقيت عليهم ومافي امل يردون وراسلتهم بالبريد ونفس الشي طناش لي 4 ايام محد رد

الموظفه الي اخذت اوراقنا قالت الاختبار بيكون بعد اسبوع او اسبوعين

زجاجة عطر

الله يوفقك ياقلبي جزاك الله خير

فردوس

انا معاي بكالوريوس وقدمت بالثانوي لانو كل المتقدمات معاهم ثانوي وقالت الموظفه يوم سألتها وقلت انا معاي بكالوريس ايش الافضل اقدم به ولابالثانوي راحت قالت لي اصلن الوظيفه ماتستاهل انو نشرط عليها مؤهل عالي اهم شي تعرف تقرأ وتكتب واهم شي تعدي بالاختبار
فهمت انو احسن لي اقدم بالثانوي حتى في بنات معاهم شهادة ابتدائي وقدمو

لكن صراحه انا كثير تضايقت وندمت بعدين اني ماقدمت بالبكالوريوس لانو كتبو لا يشترط مؤهل معين ماحددو مثل قبل انو شهادة ثانوي لانه من فترة كان فيه تقديم على مراسلة ورفضوا ياخذوا البكالوريوس هذا كلام وحده من البنات

اعتقد والله اعلم انهم هالمره يمكن يبغو بكالوريوس لكن صعب يكتبوها بالموقع لانو اكيد في مين بينتقدهم كيف تعرضو وظيفه زي كذا لبنات البكالوريوس فسكتو وكتبو لايشترط المؤهل اعتقد

[malak n]

كيف لسى ماحدد الموعد

[حلوة المعاني]

اي للحين ماشفت شي من موقع الجامعة شلكهم نسيو انو في اختبار:)

لكن احتمال كبير يكون يوم السبت لانو قالت الموظفه وقت التقديم بعد اسبوع او اسبوعين بالكثير

[ReeM_D]

وش يعني مراسله ؟؟

[ازياء زجاجة عطر]

بـ

تنبيه :

مساء الخير بنات وش صار مانزل موعد الاختبار موقع الجامعه مغلق كيف نعرف موعد الاختبار اللي عندها خبر لا تبخل علينا

[حلوة المعاني]

ReeM_D

الي اعرفو هوه انو يرسلوها تجيب او ترسل اوراق من مبنى لمبنى

ازياء زجاجة عطر
موقع الجامعة حوست اخبار لكن على كلامهم الخبر بيكون بالوحة الاعلانات الي بيسار الموقع
قبل شوي دخلت مافي خبر للاختبار
ياليت اي وحده تقدر تروح للجامعة وتسأل متى الاختبار

[malak n]

بجد طولو
تعرفو اسم اللي اخدت الورق مننا قدمنا عند مين عشان نعرف نسال عند سكرتاريه ولا مين

[حلوة المعاني]

المشاركة الأصلية كتبت بواسطة malak n بجد طولو تعرفو اسم اللي اخدت الورق مننا قدمنا عند مين عشان نعرف نسال عند سكرتاريه ولا مين

ماعرف اسمها لكن الي سمعته وقت التقديم
انو الاختبار بيكون داخل الجامعة نفسها مو بكلية الهندسه

[RAMA*123]

مرررره اتاخرو !!!!!!!!؟؟؟؟

[الأمورة بسوم]

بنات كيف قدمتم ومن وين !!
ومتى راح يكون موعد التقديم الثاني !!