ثمآر لقآئنآ أنآ و wan و روووني مع د/ هنآء النعيم بخصوص العبايات

[wallo]

وااااااااااااااااااااااو مررره فرحتووني يابنااات :)

يعني مافيها سحب بطاقات مررره ارتحت كنت شايله هم :(

وتقوول هيا انو البنطلوون مو ممنوووع ؟؟ اش يعني البس بكرا ولا ايش؟؟؟

اليووم وحده من صحباتي سحبو بطاقتها عشان البنطلوون يعني هما بكييفهم يسحبوون البطاقات عالفااضي؟؟

[ذنبي طيبتي]

مرررره تشكري انتي واللي راحو معاك
والله مرره ارتحت انا اهم شي عندي لاترجع في قراراها وترجع تقول ممنوع لبس العوبي

[فالوذج]

[motr]شكــــ ـــــ ــــــ ـــــ ـــــ ـــــ ـــــــــــ ـــراً يـــــــ ـــــــــ ــــــــ ــــــــ ـــــــــــ ـــــــــ ــــاعسل[/motr]

مجوهداتك وكبيرررررررررررة ودورك كان فعال في الموضوع

والفضل بعد الله لك لان سعيتي في المضوع من قلبك موحاطة يدك على خدك زي باقي البنات

اكثر وحدة تفاعلت مع القرار مانعرف كيف نشكرك لكن لكي دعوة من القلب

[wan]

بالفعل قالت البنطلون رح تسمح بيه حبه حبه ،، هذا مو يعني انكم تلبسوا دحين .. لا .. حبه حبه بعدين .

الدكتوره هناء يا بنات ما آحكيكم قد ايش هيا انسانه مثقفه و متفهمه و طيبه و عقليتها متفتحه و استقبلتنا بشكل مره حلو ،

في البدايه زي ماقالت ضايعه .. عرفناها عن نفسنا ، و قلتلها ان شاءلله ما نطلع من عندك الا انتي راضيه و احنا راضيين ان شاءلله و بدآت هيا بسرد الاسباب اللي استدعتهم لهذا الشي .. < اللي هوا منع العبايات .

قالت .. اولاً منظر الطالبات في القاعات و فالجامعه و جدن مو حلو .
اشياء بتحصل زي سرقات . بيتم تخبئة المسروقات داخل الملابس و العبايه بالتالي بتخفي كل شي .
بنات بيجوا بملامس غير لائقه لدرجة ( الاندر وير ) و بيطلعوا من الجامعه .
و قالت اسباب كثيره ،،،

و حسينا من كلامها انها ما اقتنعت ب هرجة ان في بنات حالتهم الماديه غير جيده . قالت اللي حالتها مو جيده تجي و احنا نساعدها حتى لو نخليها تلبس لاب كوت و بنطلون ..

بالنسبه للبنطلون .. قالت انا ابداً ابداً ماعندي اي اعتراض عليه .. و رح احاول اسمح بيه حبه حبه لان مايسير فجآه كذا .

و اتكلمنا كمان عن الجوالات .. قالت برضو رح احاول اخليهم ما يشدوا ع البنات ، يعني اذا شفتي وحده ماسكه جوال بكاميرا لا تسحبيه منها .. لكن لو شفتيها تصور اسحبيه و اسحبيها . لول

اتكلمنا عن تعامل الشؤون معانا و قالت بالفعل الشؤون بتجيها شكاوي كثير عليهم . و عشان كدا هيا السنه دي غيرت اشياء كثير من الشؤون عن المسؤوله حقت الشؤون جديده جابتها من كلية الطب . و غير لجنة المجلس التاديبي او شي زي كدا .

بالنسبه للعبايات قالت مافي اي قرار ينص ان العبايات ممنوعه ،، انا ماوقعت على شي زي كذاا ابدن .
احنا بس بنحاول نغير دي الثقافه و نبغا نقنعكم انكم تغيروها .. لانها من مصلحتكم و و و و و .

ف زبدة الحكي ... انا بالنسبه لي و بيني و بينكم ، مستحيل الشي دا يطبق و ماحيتطبق .. ماشاءلله الجامعه اليوم ٩٧ ٪ بالعبايات .. ما تلاحظوا زادو ؟ ما اعتقد رح يسير منع للعبايات ابدن .. و دا الشي اللي خلاني قبل ما ادخل للعميده اني اقرر اني اخفف من هرجة العبايات و احاول اتكلم اكتر عن البناطيل و المشاكل الاخرى .


ع العموم اخر شي قلنالها نبغا اجتماع عاجل في المسرح مع الطالبات ، قالت طيب ان شاءلله رح يكون في .

و نسيت اقول اهم شي : قالت اكتبوا ورقه بكل مشاكلكم و اكتبو الحلول المناسبه لها برآيكم و لو تحبوا تخلو البنات يوقعوا عليها مو مشكله . و احنا شغالين على دا الشي دحين ، و الله يكتب اللي فيه الخير يارب

هذا اللي طلعنا بيه و ان شاءلله نكون عند حسن ظن الجميع


wan

[بنت الخليج..]

الله يسعدكم دنيا وآخره من جد حسيت براحة نفسية..
وبالنسبة للاقتراحات لمن يتم تسليمها؟؟!!

[wan]

لسكرتيرة العميده

استاذه نور .

[gust a girl]

واااااااااااااااااااااااااي كلامها مرة حلـــــــــــــــــــــــــــــــــــــــــــــو << مرة فرحتــــــــــــــــــــــــــــــــــني >>
مشكوووووووووووووووور ياعسل انتي والي معاكي على جهووودكم ......

[إراده]

كان طفتحتوا سيرة الصيفي معاها

[الإمبراطورة]

مشكووووورينْ بنوتآت
الله يسع ـــــــدكمـ..

من جد د. هنــآء كثير يمدحونهآ.. أتمنى تعمل تغيير في بعض القرآرآت
وفي الجآمعة عُمومآ..
مُتأملينْ منهآ الخيــر

مُوفقآت.. :)



مودتي..~

[wan]

المشاركة الأصلية كتبت بواسطة إراده كان فتحتوا سيرة الصيفي معاها

كنت رح افتح الموضوع معاها بس عدت ساعه و ماحسينا بيها فالاخير حسينا انها مستعجله .
بس قلتلها البنات محتاجين اجتماع معاكي في المسرح .

قالت ان شاءلله رح يكون في اجتماع .